سالي ... ساندرا

[ابراهيم]

لكما التحية الاختين العزيزتين (سالي ، ساندرا)

لما اتحفتمونا به من مواضيع شيقة وجميلة وهادفة

لكن كمان ادونا فرصة نشاركم في مواضيعكم او ادونا فرصة نقراها واحد واحد

ويا ريت الناس تستوحي مواضيع بدل النسخ واللصق والمواضيع المكررة

ودة من صالحنا وصالح المنتدى يعني انا لما اشارك واقرا اكيد بستفيد والغيري بستفيد
لكن لما انزل لي موضوعين او تلاتة مواضيع في وكت واحد والغيري ينزل نفس الكمية كدة بتكتر الكمية وبتقل الفايدة والكلام دة ما حصري يعني لينا كلنا .. لانو المنتدي للجميع ...

يعني الناس تروق المنقة ما تكتر المحلبية ...

[madaniboy]

صح يا ابراهيم مواضيعكم حلووه والله شديد لكن مسافة مااجي اقرا موضووع القاكم ماشاء الله عليكم نزلته كميه من المواضيع ونتمنى انكم تستمرووو معانا في منتدانا ود مدني واتمنى انكم تعتمدوو على الردوود اكثر من تنزيل المواضيع
ولكم خالص التحيا والامتنان
فاقد حنان

[مزوني]

كلام في الصميم وما ىخليتو لي حاجه أقولا
وهم أهل لي الثقه وأكيد حيتفهموا الموضوع بالصورة الحسنه
وطبعا الزعل مرفووووووووووض (استنساخ من موضوع لو عضو مارد على موضوعك....الخ)
الكلام دا فيصالح الجميع وربنا يديكم الصحه والعافيه

[sandra]

وبعد التحيه..قرأت التعليق الذي ككتيه ابراهيم والتعقيب من الزملاء.. ولكن.. هل إعتراضكم في كثرة المواضيع أم في مضمونها؟؟ إذا كان الإعتراض على الكثرة.. فمن الممكن أن تقرأ كل المواضيع حتى ولو استغرق الأمر ساعات.. إذا فعلا كنت ترغب في القراءة.. أما إذا كان في المضمون أو القص واللصق كما ذكرتم.. فهل من العيب نشر الفائده!! ثم.. أنا شخصيا عندما أخرج من المنتدى كل يوم لاإدري هل سأتمكن من الدخول مجددا أم لا.. وفي أي وقت يمكنني الدخلو نسبة لظروفي..فهل من العيب نشر المواضيع ولو لكثرة لتعم الفائده!!


ســـــــاندرا..

[saly]

سلااااااااااااااااااااااااام
غايتو ما عاوزه ااكد علي كلاكم شباب
و تعالو هنا شنو كان نزلنا موضوع واحد او اكثر انا بديكم اقرب مثال انا القدامكم دي
ما اي موضوع ينزل في المنتدي اليوم انا بقراهو ( واعوذ بالله من كلمه انا) بشدني العنوان قبل مضمون الرساله فكتير بخش و ما بقرا لانو بحس مافي موضوع شدني لدرجه اني اقراهو او بقرا البدايه و بطلع منو
وانا بشارك با اكتر من موضوع في اليوم عشان تعم الفائده اولا
و ثانيا اذا الموضوع ما شداك تقراهو اقرا غيرومن المواضيع المنزلاها بدلما تنزل موضوع واحد ومافي حد يرد علي علي قوله مزوني فوق
يعني ما ضروري نكتفي بموضوع واحد في اليوم لانك بتطلع ما قريت شي في النهايه
وبعدين الردود يافاقد ما كفايه ( شنو نكتفي بالردود ) اها رديت انا استفت شنو
احسن الردود ولا تنزل ليك موضع يمكن لعل و عسي تطلع بشئ منو(ولا رايك شنو يا إبراهيم ومزوني)
انا ما مقتنعه بكلامكم (بالواضح) لانو في غيركم بقرأو و بحب القراءه
او علي المضمون قصدكم ما حصل قريت مواضيعي دي عندكم و تاكدو اذا حصل كان قريتها ما كان نزلتها لانو في الاخر انا طالبه الاستفاده للجميع و كمان بعتبر مواضيعي شيقه و جزبتني شخصيا عشان انا انسخها ليكم هنا
(قاعده ابحت و افتش عشان انزل ليكم الجديد و ده جزاي)
علي العموم مشكوررررررررررررررررين
ابراهيم
فاقد
مزوني
اها يا ابراهيم احنا حنروق المنقه و حنخف شويه عليكم
و كدي ورونا مشاركاتكم
ولا عندكم راي تاني

[madaniboy]

اهلين ساندرا والاخت سالي بس يا بنات نحنا ما قلنا ما تنزلوووو نحنا عاوزنكم تنزلوووو والناس الغيركم كمان ينزلووو وتدووهم فرصه ينزلووو شووفي افرضي انتي مليتي الصفحه كلها مواضيعك انتي وساندرا وجيت انا ولا واحد من الاعضاء نزل موضووع اووكي
مواضيعكم الي تحت حا تختفي وحا تطلع على الصفحه التانيه والناس البتدخل تقرا المواضيع بتهتم بالصفحه الاولى فقط لانه هوو الجديد يعني جديد اليوم او الاسبووع كامل وماضيعكم ديك حا تمشي الصفحه التانيه وحا تتجاهل من قبل الاعضاء كلهم ومحد بيقراها احنا بس عشان تعم الفائده ونقرا اي موضووع نزلتووه انتم وانا يا ساندرا وسالي والله انا نفس الشي حصل معاي اوول ما اشتركت في المنتدى وانا مستعد اوريك رسايل خاصه ارسلت لي من قبل الاعضاء والمشرفين بهذا الموضووع وبعدها الحمدلله يعني عرفت كيف انسق
ونحنا ما قصدنا شي انه نزعللكم ولا نتكلم عليكم ونظايقكم بس نحنا عشان نستفيد منكم وتستفيدوو مننا
واذا كان غلطنا في اي حاجه عليكم نحنا بنعتذر ليكم اشد الاعتذار وبنقوول ليكم اسفين اذا ازعجناكم وتقبلوو خالص تحيياتي وودي وشكري واحتررررررررررررامي وتقديري
واسف على الاطاله
اخووكم
فاقد حنان(محمد)

[saly]

انا ارجو يكون كلامي يكون وقع ليكم كويس و بعدين ما بينا اسف يافاقد وما في شي بزعل اي نعم اتحمقت في البدايه بس يمكن كلامكم يكون صاح و انتم شايفين حاجات غايبه علي او علي الاخت ساندرا بس انا ختيت كلامكم محل اهتمام

و منكم نستفيد