النتائج 1 إلى 13 من 13

الموضوع: حجاب خطير وفكي شاطر وإمراءة غيورة

     
  1. #1
    عضو فضي
    Array الصورة الرمزية saly
    تاريخ التسجيل
    May 2005
    الدولة
    جامع الحكومه - حي المدنين
    المشاركات
    1,117

    حجاب خطير وفكي شاطر وإمراءة غيورة

    كانت مولعة بتفتيش جيوب زوجها لمعرفة اسراره.. ذات يوم وجدت حجاباً مكتوب فيه كلمات غير مفهومة.. لعب الفار في عبها وقالت لنفسها: (آخر المتمة بقيت تكتبني عند الفقرا عشان تعرس تاني لاكين ده بعدك نجوم السما اقرب ليك) قررت ان تأخذ الحجاب الى فقير آخر يبطل مفعوله.. في الحافلة جلست تفكر .. هل تكتفي بابطال مفعول الحجاب ام تطلب من الفكي ان يكتب لها حجاباً مضاداً.. قطع تكفيرها وقوف الحافلة بامر من الشرطة.. لاحظ ان الشرطة غير مرورية كما لاحظت عربات اخري متوقفة.. قامت الشرطة بتفتيش الركاب ووجدت في شنطتها بعض النقود والحجاب.. اخذتها الشرطة دون غيرها الى المخفر وسط دهشتها.. قال لها الضابط:

    ـ الحجاب ده جبتيهو من وين؟

    ـ اجي يا بنات امي .. كمان خليتو كل شي وقبلتو على الحجبات والفقرا.

    ـ ردي على سؤالي بس

    ـ ده حجابي.. يعني حجاب منو كمان
    مش لقيتوهو في شنطتي؟


    ـ يا مرة انتي متأكدة انه الحجاب ده بتاعك؟

    ـ هي يا اخواني دي مصيبة شنو دي .. وحات شيخي حجابي
    !
    فتح الضابط الحجاب ووجد بداخله مسحوقاً ابيض اللون.. قال للمرأة

    ـ عاوفاهو ده شنو يا ولية؟

    ـ عارفه عاد بغباني .. الله يجازي الكان السبب

    ـ عارفه اسمو شنو؟

    ـ كيف اسمو شنو.. عمل ومكتوب عند فكي

    ـ يا سلام! عاملة لي فيها ذكية مش كده؟

    ـ دي ما عاوزة ذكاوة يا سعادة الضابط

    ـ ده كوكايين.. تعرفي كوكايين يعني شنو؟

    ـ كوكايين.. الفكي اسمه كوكايين.. وكان ماشي لي فكي عبدالله!!

    ـ يا مره خلي الاستهبال بتاعك ده نحن ضبطنا كل الموزعين العاملين فقرا تحت الضللة يبيعوا حجابات داخلها مخدرات وسموم

    ـ مخدرات!!

    ـ شوفي يا ولية .. حتى لو كنت مخدوعة لازم تدلينا على العامل فكى وباع ليك الحجاب ده.. فاهمه!

    ـ يعني ده ما عمل وراجلي ما عاوز يعرس فوقي ويجيب لي ضرة؟

    ـ لا ده ما عمل

    ـ ايووووي يووووي يووووي!!



    ***Am gonna miss every one in here ***
  2.  
  3. #2
    عضو برونزي
    Array الصورة الرمزية Mr Lonely
    تاريخ التسجيل
    Oct 2005
    المشاركات
    600

    هههههههههههههههههههههههههههههههههه

    يديك العافيه يا سالي

    عارفني منك
    لزمن يقدر يغير قلبي عنك
    للمسافه
    وللخيال
    تبعدني عنك
  4.  
  5. #3
    عضو فضي
    Array الصورة الرمزية saly
    تاريخ التسجيل
    May 2005
    الدولة
    جامع الحكومه - حي المدنين
    المشاركات
    1,117

    يا وحيد بقول المثل شنو

    البكابس بلقى يابس

    وتاني واحد بقول

    التسوي كريت تلقي في جلدها
    ( ده اذا ما غلطانه فيهو )



    ***Am gonna miss every one in here ***
  6.  
  7. #4
    رحمة الله عليه Array الصورة الرمزية صالح ابوشوارب
    تاريخ التسجيل
    Jan 2005
    الدولة
    مدني
    المشاركات
    2,095

    ها ها ها والله ضحكتينا يا سالي

    وانا مستعجل لكن وقفتيني بقصة الفكي

    وقلت ما ابخل عليك حتى بضحكة وشكرا

    ومع السلامة حتي السبت

    ---------------

    ابو شيبة

  8.  
  9. #5
    عضو مميز
    Array الصورة الرمزية ابو الزعيم
    تاريخ التسجيل
    Oct 2004
    الدولة
    قرية الدناقلة شرق مدني
    المشاركات
    420

    صحي سمحة والله قادر

    الف تحية لك ايتها الرائعة ومليون سلام

    وصحي التسوي كريت في القرض تلقى في جلدها

    اديني احساس بالامل في كل رحلة شوق تطول
    **************************************************
    لا قدرته اطولك شان اجيك
    لا قدرته من غيرك اكون
    وانا بيك ماليني الكلام....
  10.  
  11. #6
    عضو فضي
    Array الصورة الرمزية waheeb
    تاريخ التسجيل
    Dec 2003
    الدولة
    أبوعشر
    المشاركات
    1,073

    عشان تشوفو غيره النسوان العمياء بتودي لي وين!!!!!
    ميه الميه يا سالي..

    [كفى بالموتِ واعظاً يا عبِاد]
  12.  
  13. #7
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    سالي الظريفة،

    أضحكتينا.. والله أنا أول مره أعرف انو الحجاب ممكن يتحول الى عمل.. أكيد تكوني سمعتي (بعرق المحبة) ولا الولية دي كان بتهيأ ليها كدا ساكت..

    بمناسبة الفكي.. واحد من اصحابي في المملكة راجل شقي شديد.. عمل فيها فكي وقام مشي لجماعة اصحابه من اخوانا السعوديين وقال ليهم أنا فكي وممكن أعالج أي نوع من الامراض..
    قام واحد من الاخوان السعوديين قاليهو: تجيني حالة غريبة.أثناء النوم بتكلم الليل كلو الى أن يحين الفجر وبقول كلام غير مفهوم (يعني بهضرب شديد) وناس البيت بيشكون من ها الاعزاج.. ما أدري ايش اسوي.. أرجوك تشوف لي طريقة..
    صحبي السوداني قال ليهو بسيطة.. وان شاء الله نشوفلك حل عاج.. قام مشي جاب ليهو كمية مسامير شيشة (نوع من المسامير الصغيرة يستخدمها صناع الاحذية) وقام قطع رأس الدائرة من مسامير الشيشة وعملهم حجاب وجلدو بقماش متين.. واصبح شكلة يشبه الحجاب تماما ومشى أداهو لآخينا السعودي.. بعد اسبوع جاء الاخ السعودي راجع وقاليهو: يازول الحجاب العملتو لي هذا ممتاز.. تصدق الحالة اللي كان تجيني بالليل هال الحين راحت وصرت معافى..

    قام صحبي السوداني قال ليهو: أنا لا فكي ولا حاجة.. أنا ضحكت عليك وكنت عايز اشوف الفكرة دي تأثيرها عليك كيف.. والحمد لله نجحت..

    وطبعا حالة الاخ السعودي دا ماليها أي تفسير سواء انها حالة نفسية فقط..

    وتسلمي،
    عزيز

  14.  
  15. #8
    عضو فعال
    Array
    تاريخ التسجيل
    Nov 2005
    الدولة
    المناقل السانيه / السكن جبرة مربع 18
    المشاركات
    262

    تســــــــــــــــــلمى يا ســـــــــالى

  16.  
  17. #9
    عضو جديد
    Array
    تاريخ التسجيل
    Dec 2005
    الدولة
    مدنى - مارنجان
    المشاركات
    18

    حلوه والله ياسالى

  18.  
  19. #10
    عضو فضي
    Array
    تاريخ التسجيل
    Oct 2005
    الدولة
    مدني مايو طرف
    المشاركات
    1,126

    صحي سمحة والله قادر

    الف تحية لك ايتها الرائعة ومليون سلام

    وصحي التسوي كريت في القرض تلقى في جلدها
    تسلمي الاخت سالي الرئعه

    روحي ليه مشتهيه ودمدني

  20.  
  21. #11
    عضو فضي
    Array الصورة الرمزية مزوني
    تاريخ التسجيل
    Aug 2004
    الدولة
    مدني-مايو نص
    المشاركات
    2,670

    ههههههههههههههههههه
    الله عليك انتي يا ذوق يا روق
    والله ابداع وحلوه منك خالص
    وتسلمي وربنا يديك الصحه والعافبه

    !,.,.,.TakE a PrIdE In YouR CitY.,.,.,!
  22.  
  23. #12
    عضو فضي
    Array الصورة الرمزية saly
    تاريخ التسجيل
    May 2005
    الدولة
    جامع الحكومه - حي المدنين
    المشاركات
    1,117

    صالح ابوشوارب
    ابو الزعيم
    وهيب
    عزيز عيسي
    بكري
    ودمارنجان
    حسن علي
    مزوني

    تسلمو علي مشاركتكم لي وما عدمتكم



    ***Am gonna miss every one in here ***
  24.  
  25. #13
    عضو ذهبي
    Array الصورة الرمزية التيمان
    تاريخ التسجيل
    Jun 2005
    الدولة
    مدنى شندى فوق
    المشاركات
    4,171

    هههههههههههههههههههههههههههههههههه

    يديك العافيه يا سالي

    روعه والله



    أبكي انا .. عاصي انا لمنو انا اشكي ..
    أفتح لي بابك يا كريم واقبل دعائي كل ما ..
    امد اليك كفي .. الله ..
    مرر الماوس وادعي التيمان .. َ!

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid