الناس في بلدي يصنعون الحب

[خالد هاشم علي]

احبتي في المنتديات...
تحياتي...
تهنئة خالصة بمناسبة ظهور المنتديات في ثوبها الجديد البهي وجزا الله اخونا الادمن علي المجهود الجبار ( والظاهر فوايد زيارة امريكا بدات تظهر ).
سافرت للسودان في اجازتي السنوية والي مدينتي الحبيبة ودمدني تحديداً. ياسلام علي السودان وياسلام علي الناس وياسلام علي الجو وعلي الامطار.
والله العظيم الناس في السودان في نعمة مابعدها نعمة... راحة تمام التمام واهم حاجة نفوس صاااااااااااااااااااافية والضحكة من جوووووووووووووة القلب.
اسمحوا لي ان اكتب انطباعاتي عن الاجازة في سلسلة تاتي تباعاً.
والي الملتقي..

ودمتم

[عزيز عيسى]

ود هاشم الغالي،

والله ليك وحشة يا أبوالشباب والبركة بالشوفة..

وألف حمدالله على السلامة.. وانشاء الله الاهل كلهم بخير..

انت عارف يا خالد أهم حاجة في انطباعاتك عن مدني تذكر لينا انك دقيت الكدر من جمب
السينما الخواجة سابقا لغاية السوق الكبير مرورا بحديقة سليمان وقيع الله وسوق الزنك والسينما الوطنية
وورينا التقيت بي منو من الناس الظراف زمان.. وايه المعالم الجديدة في البلد..
واخر نكات.. ومواقف صادفتك..
عايزين نشم فيك ريحة مدني ورحيق عبيرها..
ونقول ربنا يوعدنا بزيارتها..

عزيز

[خالد هاشم علي]

عزيز دنيااااااااااااااااي
و الله الشوق ليك ولكل الاحبة بالكوم.. وانشاء الله توقع انطباعات لذيذة عن مدني وناس مدني..
تحياتي لك ولافراد الاسرة الكريمة.

[ابو المهتــدي]

بسم الله الرحمن الرحيم
الاخوة الاحباء لكم التحية 0 وللاخ ودهاشم بصفة خاصة بسلامة العودة 0 والتهاني للاخ ود المبارك بهذا الثوب الانيق للمنتدي ولجميع افراد الاسرة في المنتدي ونتمني انتجد التجديدات دافعا للكل في بزل المزيد
والله نسال مع تحياتي

[HAMADTO]

ألف ألف حمد الله على السلامه يا ابوهاشم ... وما اتصلت بي يعني في مدني ده اتفاقنا برضو
ومبروك التصميم الجديد للمنتدى يعني الريس زيارته لامريكا زادته ايمان على ايمانه ...
مبروووك علينا هذا التصميم الاسلامي الجميل

اطيب التحايا

[خالد هاشم علي]

عمنا الغالي ابوالمهتدي
لك التحية والاشواق ومبروك علينا وعليكم الثوب الجديد للمنتديات واضم صوتي لصوتك متمنين ان يكون الثوب الجديد دافعا لمزيد من الابداع والتميز.
مشكور وتسلم ياغالي

[خالد هاشم علي]

الغالي حمدتو...
سلام وشوق شديييييييييييييييد ولك العتبي حتي ترضي بخصوص اتصالي بك في مدني حيث انني تاخرت في السفر الي السودان ووصلت مع بداية زواج اخي الاصغر ولم افرغ منه الا في 14/8 يعني بعد مواعيد رجوعك للامارات.
وصدقني كنت بتمني اني اقابلك ونقعد مع بعض لكن جات كده، ونقول الجايات اكتر من الرايحات وربنا يجمعنا في ساعة خير.

ودمت ياغالي...

[HAMADTO]

ألف ألف مبرووووك يا ابوهاشم زواج مبارك انشاء الله وبالرفاء والبنين
وزي ما قلت الجايات اكتر من الرايحات ...
اها انشاء الله هججته تمام ولقيت البلد والاحوال زي ما عاوز ...
تحياتي

[بابكر]

والله مشتاق ليك قافل جوالك ليييييييييييييى؟؟؟؟؟؟؟؟؟؟

[بابكر]

الاخ الوفى خالد لك التحيه والف الف مبروك لاخوك وان شاء الله بيت مال وعيال000 بس انا كنت منتظرك تجينى فى الخرطوم لزواج نزار00وانا والله لوكنت عارف عنوانك فى مدنى كنت جيتك المهم حصل خير والجايات اكتر من الرايحات 00 ملحوظه: جوالك مابيرد على الاطلاق (مقفول)


تبقي سيرتك هي الكلام * وتبقي صورتك هي الرؤي الحلوة البعيشا في صحوتي أو حتي في عز المنام* ويبقي إسمك هو الغنا* هو البخفف لي عذابات الضنا* مالشفته منك يامني الروح ياأنا* وصفو بصعب ياجميل وبعدت عنك ولما طال بي النوي بقي لي أسيبك مستحيل.
_________________

[خالد هاشم علي]

الغالي بابكر...
تحياتي لك ولكل افراد الاسرة الكريمة بدون فرز.. والف مبروك للابن نزار وعقبال البقية..
وطبعا كنت ناوي اجي العرس واتفقت مع اخي عماد الصادق عشان يمر علي في مدني ونجيك مع بعض..
لكن انت براك شفت السودان والاجازة والجري والله الايام عدت كانها ثواني.. عشان كده ماقدرت اصلك في الخرطوم.. لكن في عرس باقي الاولاد باذن الله وربنا يديكم ويدينا طولة العمر... وكان حيين بنتلاقي..
بخصوص الموبايل فهو مفصول من الخدمة لظروف اقتصادية بحتة لان ناس الشغل مفروض يدفعوا الفاتورة لكن ضاربين طناش.. وانا كمان ضربت طناش.. لكن باذن الله توقع مني اتصال في القريب العاجل..

ودمت ياغالي..

[خالد هاشم علي]

يلا ياشباب اسمحوا لي ابدا بسرد الانطباعات عن الرحلة...
ركبت الباخرة في طريقي الي ميناء سواكن... واتحركنا بعد الساعة العاشرة ليلاً وطبعا كنت مامصدق روحي... اخيرا وبعد سنة ونص متوجه للسودان؟؟؟ والله ياجماعة شعور لا يوصف.. القلب يضرب والفرحة ماسايعاني....
وقفت انا والمدام وقلنا نتفرج شوية علي منظر الباخرة وهي متحركة لتغادر ميناء جدة نحو السودان.. والله كنت حاسس باني رميت هموم الدهر كلها في ميناء جدة وماشي فااااااااااااااااااااضي ونضيييييييييييييييف.
بعد كم الساعة كده الحركة هدات في الباخرة ومعظم الناس نامت لكن انا ماكان جاييني نوم بالمرة لاني كنت متلهف متييييييين اصل . وعلي فكرة دي مااول مرة انزل السودان يعني انا بنزل سنويا ولو اتاخرت شدييييد بنزل بعد سنة ونص. لكن برضه في كل مرة بنزل الاجازة بحس بي نفس الاحساس واللهفة.
قمت طلعت في سطح الباخرة لانو النوم خلاص فارقني ... وشوية شوية الدنيا صبحت واستمتعت بي اجمل منظر.. منظر شروق الشمس مع سطح البحر... والله ياجماعة منظر مباااااااااالغة . يعني الواحد لو كان شاعر كان قال كلام فيهو العجب.
بعد شوية دخلنا المياه الاقليمية لسوداننا الحبيب.. وبدات تلوح في الافق مدينة سواكن الاثرية.. باطلالها التي تحكي عن روعة اجدادنا...وتاريخنا وعظمة عثمان دقنة واصحابه...
ياسلااااااام والله احساس لا يوصف... اخيرا جيت السودان وح ارتااااااااااح من الكفيل ووجع الراس ( ولو الي حين).
وبدات الباخرة تهدي في سرعتها وهي تتجة نحو الميناء.. وحسيت بالدقائق كانها دهور.. لان القبطان بقي ماشي علي اقل من مهلة يعني كانه قاعد يزحف.. ودي طبعا لاشياء فنية يعلمها هو.. لكن انما ماكنت قادر اصبر وكنت بقول في نفسي ( الراجل الثقيل ده مالو بيتقدل بينا كده)( ياخي مايتحرك شوية يخلينا ننزل..) وقلبي قال لي تلب البحر وتم الباقي عوم.. لكن كانت الوليه معاي ومافي طريقة اتلب واخليها( ودي من مساويء الزواج ياابوروان) لانو بكون في حاجات نفسك تعملها وماتقدر عشان في زول معلق ليك في رقبتك.هههههههههههههههه.
المهم بعد روحي انسلت وخلاص تعبت الراجل وقف السفينة في الرصيف المخصص ليها واتحركنا عشان ننزل.
ويلا بدات الحركات بتاعت الروتين القاتل... ناس الجوازات... ناس الجمارك... ناس الشنو داك ماتعرف...



ونلتقي



ونلتقي

[aborawan]

طوالي جاري لي ابوروان مش كده

التقييد بام العيال ده بكون احلى وامتع تقييد حاجة منك وفيك

[أبوبكرحامد]

الزول الجميل الأصلو مخلوق مننا .... ود هاشم الرائع
تحايا وأشواق تفوق تلهفك للسودان والبركة بالشوفة و........ زدنا عشقاً
ود الماذون

[sambaaa]

بسم الله الرحمن الرحيم
الاخوة الاحباء لكم التحية 0 وللاخ ودهاشم بصفة خاصة بسلامة العودة 0 والتهاني للاخ ود المبارك بهذا الثوب الانيق للمنتدي ولجميع افراد الاسرة في المنتدي ونتمني انتجد التجديدات دافعا للكل في بزل المزيد
والله نسال مع تحياتي

[أبوبكرحامد]

يللا ياخالد منتظرين بقية الحلقات ولاتكون بعتها لى قناة ام بى سى؟؟؟

[روبش]

خالد ......... سلاماااااااااااااات
اهم حاجة أنك طمنتنا على أن لسه النفوس صافييييييييييييييييييييييييييييه والضحكه من جووووووووووووووووووووووه القلب
لك التحية

[خالد هاشم علي]

الزول الرائع ود الماذون...
لك كل التحية والاشواق وحمد لله علي سلامة عودتك للمنتديات وكلي مني بأن لا تتكرر غيبتك وبعدك عنا فأنت شخص اكن له كل كل الاحترام والتقدير.وبالمناسبة جاتني رسالة وانا في الحج من البحرين بس كنت مغير جهاز الموبايل حقي وماكنت حافظ فيهو اسماء لكن كان عندي احساس اكيد انو الرسالة منك. عموما لو منك ولا من زول تاني برضه مشكور ولا عدمناك.
ذكريات الاجازة والانطباعات كتيييييييييييييييييييييييرة بس والله بيني وبينك كده انا كسلت من الكتابة لانو لا يخفي عليك انو الفترة الفاتت دي كانت عصيبة علي المنتديات وكان ممل لابعد الحدود ومافي حاجة كانت تشجعني عي الكتابة. لكن والحمد لله بعد العودة الجميلة لكل الحبايب فستاتي الذكريات والانطباعات تباعا وح أقدر اكتب بي مزاااااااااااااااااج.
لك كل التحية والتقدير اخي ابوبكر.
ملحوظة :
وين صاحبك الزمان ضياء الدين وداعة الله( العريس) بس اوع تكون العروس قالت ليهو اوعك تفتح النت ده تاني ههههههههههههههههه

[خالد هاشم علي]

الاخ العزيز سامبا...
مشكور كتير علي المرور ونتمني انو التجديدات تكون دافع وحافز لمزيد من الابداع الذي لابد ان يتواصل بكم ومعكم.
مشكور يالغالي مرة تانية.

[خالد هاشم علي]

روبش...
وين انت ياباشا وعاش من عرف اخبارك...
ازيك يااسامة وكل سنة وانت طيب وربنا يحقق الاماني... وانشاء الله البركة فيكم في فقيد مدني والشباب المرحوم ايهاب بحيري وربنا يلهمكم الصبر.
مشكور ياحبيب علي المرور وزي ماقلت ليك الضحكة في السودان من جووووووووووووووووووه والنفوس صااااااااااااااافية والقلوب مرتااااااااااااحة وانت ياقلبي المالقيتلك راحة.
لك التحية والاشواق ولكل ناس قطر وتحية خاصة للاخ طارق التوم

[خالد هاشم علي]

العالي ابوبكر...
قناة ام بي سي مابتشتري الحاجات الزي دي لكن انا داير ابيعها لقناة (م.د.ك) ودي طبعا قناة مدني .دوت.كوم ههههههههههههههههه
الحلقات جاهزة يابكور بس انا كنت بستأذنك وبستأذن القراء انو نستني لغاية ماحلقات سنة خامسة حب في ود قيحة لصالح ابو شوارب تنتهي وبعد كده ادخل عليكم انا.ولا رأيكم شنو؟؟؟
ملحوظة:
وانا بتصفح في المواضيع القديمة بموقع ودمدنيات لقيت موضوع لشخصك الغالي بنفس العنوان الذي اكتب تحته الان ( الناس فس بلدي يصنعون الحب) وده حتما توارد في الخواطر ياحبيب فعذراً اذا شاءت الصدفة وكتبت تحت نفس العنوان ولك العتبي حتي ترضي.

[روبش]

العزيز خالد
لكل التحية ... وربنا يحقق الاماني
والبركة في الجميع .. ومشكور يا حبيب

[أبوريلان]

أى ياود هاشم خوفنا

ويلا بدات الحركات بتاعت الروتين القاتل... ناس الجوازات... ناس الجمارك... ناس الشنو داك ماتعرف...



ونلتقي



ونلتقي

منتظرنك وبرضو ماشين السودان رغم الحركات الحتقولها .

[عزيز عيسى]

انت يا ود هاشم الباخرة دي تاهت بيك في البحر الاحمر ومرقت في المحيط الاطلنطي ولا شنو؟..
انت وودابوشوارب شفقتونا عدييل.. عليكم الله أمرقوا جاي واتحفونا بذكرياتكم وانطباعاتكم الكلها مقالب دي..
عايز نشوف اتمقلبتوا كيف علشان نضحك عليكم..
وضياء الدين العريس الظاهر ضبحوا ليه الكديسة.. بقى لابظهر في المنتدى ولا حتى بكتب شعر..
بس ان شاء الله يكون بخير..

ولكم ودي،

عزيز

[أبوبكرحامد]

الحاج خالد هاشم ..............
حج مبرور انشاء الله ، طبعا الرسالة كانت للمعايدة .
بخصوص تأخير بقية الحلقات لحين انتهاء حلقات أبوشوارب اوافقك فى هذا الرأى عشان نقدر نركز معاكم الإتنين .
أما بخصوص مشاركتى فهى عنوانها " الناس فى مدنى يصنعون الحب " ، وعموماً ياود هاشم كلنا عشاق فى محراب مدنى وقد ذبنا فى هواها لأن حبها ملك مشاع.
أما العريس ضياء رسلت ليهو رسالة فى العيد على الموبايل ومارد الرسالة ولست عاتبا بقدر ماأنا مشتاق.
مع مودتى