تحية رياضية

[mustafaelgadal]

تحياتي لكل الرياضيين في بلدي، و لكل المشجعين بما فيهم المريخاب تهاني النصر بانتصار الهلال على الند التقليدي و الدعوة للجميع للتفاكر و التباحث فيما وصل إليه الحال كروي في بلادي، فكل إنجازاتنا محلية محلية و إن استكبر المريخاب... لا نغمطهم حقهم في كأساتهم و لكن أغلبها كأسات من غير معتراكات حقيقية أو منتزعة من أندية لها شأنها... فمتى ننال بطولة الأمم الأفريقية؟؟؟ متى ننال بطولة كأس الأندية الأبطال؟؟؟ متى ننال كأس الأندية الأبطال العرب؟؟؟ و متى نشارك في نهائيات كأس العالم؟؟؟؟؟ .....
مع تحياتي....

[aborawan]

إلا ان يرث الله ومن عليها او لو شاركنا في احد البطولات العربية او الافريقية بس الشرط الاساسي اننا نفوز بيها هو انو الفريق السوداني البكون مشارك يكون برااااااااهو مافي اى فريق تاني في الحالة دي اقول مبروك ومبروك للسودان كاس العالم باذن الله

الشئ المؤسف والمحزن والمخلي كورتنا في النازل كده انعدام روح الحماس وعدم الانضباط من اللاعبين كل لاعب بكون شايل هم نفسو بس ما بعاين لاي شئ تاني وكمان شئ لاحظتو تدني لياقة لاعبينا من الشوط الاول خلاص برقدو سلطة كلهم كمان العجب لو واحد جاب قون بتكل تاني ما بتحرك خلاص الولد نظام جاب قون بقى معلم كبير الشئ الخلاني اقول كده شاهدت لي مبارة قبل كم يووم سجل فيها اللاعب الفرنسي تيلي هنري 5 اهداف ولحدى نهاية الدقيقة 90من المباراة اللاعب ده يمشي في وسط دفاع فريقو ويساند الدفاع ويقلع الكوره ويجي يهاجم بيها تنقطع منو تاني يرجع يقاتل ويستبسل مع الدفاع بالله عليكم لو لاعب من ناسنا ديل جاب ليه قون واحد بس تاني المدافعين بشوفو معاهم غايتو نتمنى انو كورتنا تتطور وترتقي لاعلى المستويات ولا بد من تجديد الدماء فى الفرق والاستعانة بالدماء الشبابية وتحياتي للجميع

[قوقو]

سلام لكل الفروق السودانيه وهي تسعى الي تحقيق ولا اي شي وتعمل من اجل لا شي وتعيش بلا شي وتلعب بلا شي وتمارس الرياضة بلا شي ....الخ