لحظات ندية

[lamis]

فى خاطرى لحظاتنا الندية

وإنتى ساعة المغربية

قعدتك جنبى وعيونك .. سارحة فى الدنيا البهية

وخوفنا من سفراً بودى

للمسافات القصية

وسكة الزول البسافر

وقلبو عشرة .. على البنية

*******

كنت جد .. ناوى الرحيل

إلاّ شايل ذكرى منِّك

خفت فى الغربة البعيدة

المسافات يبعدنك

العيون الشايلة سيرتك

بكرة يبكن .. ويفقدنك

والأماسى الحالمة .. ترحل

والمشاوير يتعبنك

********

شفتى كيف

لما الشمس لمت نوافير الشعاع

والضفاف بعدت كتير

والريح ملت .. جوف الشراع

كيف هناك بدت الضفاف

تتلاشى فى زمن الضياع

وإنتى ساعة المغربية ..

وخايفة من كلمة وداع

[أبوبكرحامد]

شكر لك لميس ولإبن مدنى المبدع الشاعر مدنى يوسف النخلى ، والأغنية فيها حنين بس الله إجازى ناس البصات السياحية الزمن داك كل ما الواحد اركب البص يلقى الأغنية دى شغالا التقول بيصرفوها ليهم مع كوتة الجاز لمان مسخوها على الناس.

[مصباحيه]

عسسسسسسسسسسسسسسسسسسسسسسسسسسسسسسسسل تسلمى لميس

[esmat]

رائع أخت لميس والله أول مره أتأمل في كلمات هذه الاغنية الرائعة
ومنتظرين منك كتير
بالتوفيق أنشاء الله
شفتي كيف لما الشمس لمت
نوافير الشعاع والضفاف بعدت كتير
والريح ملت جوف الشراع
كيف هناك بدت الضفاف

[خالد حمد موسى]

لحظات ندية- بصوت خالد الصحافة

لحظات ندية

مدنى النخلى

*******

فى خاطرى لحظاتنا الندية

وإنتى ساعة المغربية

قعدتك جنبى وعيونك ..

سارحة فى الدنيا البهية

خوفنا من سفراً يودى

للمسافات القصية

قصة الزول المفارق

قلبو عشرة على الوصية

*************

كنت جد ناوى الرحيل

إلاّ شايل ذكرى منِّك

خفت فى الغربة البعيدة

المسافات يبعدنك

العيون الشايلة سيرتك

بكرة يبكن .. ويفقدنك

والأماسى الحالمة .. ترحل

والمشاوير يتعبنك

********

شفتى كيف لما الشمس

مدت نوافير الشعاع

والضفاف بعدت كتير

والريح ملت جوف الشراع

كيف هناك بدت الضفاف

تتلاشى فى زمن الضياع

وإنتى ساعة المغربية ..

خايفة من كلمة وداع


...............

مع تحياتي لك اختي لميس

[sambaaa]

تسلمي ... لميس على الاختيار الجميل ...

النغم ماهو موسيقى وبس ... النغم احساس .. وعكس لدواخلنا بكل صفاء ... وترجمة لخلجات نفوسنا ..

ومن هنا بتظهر روعة الانسانية .. في التعبير

وياريت نشوف منك كمان وكمان

[عبيد خالد صديق]

الرائعه لميس اختيار جميل واكثر من رائع

الف شكر ليك علي الروائع .

التحية للاخ خالد حمد الزي كمل الروعة

بادراجه للاغينة صوتا .

لكم جزيل الشكر علي الروائع

[نسرين]

مشكوره اختي لميس علي الاختيار الجميل

الف شكر ليك ياغالية .

والشكر لي صاحب الابداع دوما خالد حمد

خالد حقيقة انت رائع بمعني الكلمة

ولاتحرمنا من جديدك يارئع

[دراكولا]

جميل ورائع ومبهر ذوقك في اختيارك
شكرا كتير علي الابداع والجمال دا
وربنا يحفظك وتقدمي كل جميل ومتفرد

[سواااح]

لحظات ندية ، وساعة مغربية ، ما اظن في اكتر من كده ، مشكورة.

[sambaaa]

الأخت الغالية .. لميس

ليتك تعودي لنا .. عاودنا الحنين اليك ياغالية .. كان وسيظل وجودك لحظات ندية بكل صدق
نناشدك عبر لحنك الشجي هذا ان تعووووودي ..
تعالي .. لتهدينا من روائعك ..
سنكون هنا .. ولن نرحل
فهل رافقتينا ؟؟