[CENTER]إبراهيم يارائع
لك الشكر لهذه الرؤية الرائعة التى تتشعب منها ملائين المواضيع ( متين ماجيت )
قرأت حروفك .....
وبديت ارسم .....
فى اللوحة الجاية فى جيتك ....
وادسها جوه حنايا وحدتك ......
ومشيت معاك كمان مشوار الرجعة فى سكتك ....
وتقول متين ماجيت ...... إنت الجيت فينا زمان .....
ودخل فينا ضوءك .....
وتقول متين حنيت ....
حنيت من اول قبل أشوفك .....
قبل تلامس أيدى أيدك ......
حنيت وأنا طفل برسمك .....
فى شخبتى غنا ......
بجسدك بين بكآى فرح .......
حنيت لأبتساماتك البتجى من تفاصيل أحزان الناس ....
ولميتك جواى وطن تاى .....
تعال إنت وقرب من شخبتت أطفالى ....
المرسومة فى حكاوى شليل.......
وتعال أشرب معاى من نيل دموعى فى غروب الإنتظار ....
تعال أدخل جواى وتلقانى ......
تلاقنى أنا الراجيك......
ونرسم ......
وننحت .....
نرسم أنا ......
وننحت إنت .....
ونرجع نفرح ونملأ كل الكون حنان ....... ونلون الأيام ............. .[/CENTER]
رد مع اقتباس
المفضلات