ضيف الكرسي الساخن الاسبوع القادم المشرف سامبا

[مكتول مدنى]

الاخوة والاخوات المشرفين والاعضاء
السلام عليكم ورحمة الله وبركاته
هذا تصويت وضع لمعرفة رائكم فى ان يكون ضيف الكرسى الاسبوع القادم هو المشرف العزيز

سامبا

ودى فرصة للمشرفين الذين اصطلاهم سامبا بنيران اسئلته حين كانوا ضيوف الكرسى للانتقام منه وهى ايضا فرصة للمشرفين المتجرسين يكونوا ضيوف الكرسى الاسبوع القادم علشان الواحد يتنفس شوية لمدة كم يوم كدة


فنرجو التصويت بالموافقة وصوت المشرف يحسب بخمسة اصوات
والمراقبين بتلاته اصوات
والاعضاء بصوت
اما كبير المشرفين فصوته بسبعة اصوات
اما البيغ بوس الادمنستريتر فصوته بعشرة اصوات دفعة واحدة
نرجو من الجميع التصويت بنعم

[admin]

يازول على بركة الله .. انا من زمان مستني اليوم دا .. بس بل راسك يامكتول مدني على قول ابوروان



نعم

[فوزيه]

موافقين طبعا

[مكتول مدنى]

هلا هلا يا سامبا امانه ما وقع راجل
الجماعة سنو السكاكيين من هسي انت خلاص انتهيت
ههههههههههههههههههههههههههههه

[الشريفية]

موافقين بدون تردد

[ناصر الباشا]

يا جماعة سامبا دة زول رهيف و براحة عليه

[HAMADTO]

[أبوبكرحامد]

أغدأ ألقاك .......... مهداة لسامبا
بس يامكتول مدنى كل عضو لديه صوت واحد بغض النظر عن موقعه سواء مشرف أو غيره فنحن هنا كلنا سواسية ، أعرف أنها مزحة " بس بينى وبينك النفس اليومين ديل فى المنتدى بقى حار عشان كده خلوا الأصوات متساوية "

[أبوريلان]

بدون تصويت يا مكتول مدنى سامبا قامة رفيعة فى الأدب وبالأخص فى أدب الحوار وصاحب شعبية كبيرة رغم حداثة إنضمامه للمنتدى ولكن أحب الناس والناس بادلته ما صنع معهم ، ونمنى أنفسنا بالإستمتاع لردوده الشيقة ونتمنى له قضاء فترة لذيذة فى الكرسى .

[سوار الياسمين]

والله جاك الموت يا تارك الصلاة

الناس ده كلها مستنياك يا سامبا

ياااااااااااااا معين

وبالتأكيد نعم يا مكتول مدني

[salwa]

ووووووووووووووووووووالله قدرها يا اخ سامبا وانا افتكر انت الحتقعد مستضيفك على الكرسي الساخن ...... وان ما انسحب اصلا من الحوار

[sambaaa]

.....

كده يعني يا أمين ؟؟ عملتها ؟؟

صبرك علي .. ليك يوم

[admin]

ههههههههههههههه .. غايتو يا سامبا عندك شعبية مبالغة .. استعد لينا بس
يا امين مادام صاحبك دا فاز بالاجماع رايك شنو تقعدو لينا في الكرسي الساخن من بكرة .. عشان مايقوم يزوغ كدا ولا كدا

[مكتول مدنى]

ونحن ما نقدر نكسر اوامر الادمن بس انتو جهزوا اسئلتكم ساى انا هسى برشو ليكم بكم سؤال كدة يعذبوه لحدى ما تجهزوا

[سواااح]

ارمي لي قدام يا مكتول ..

دمــــــــت ..