ضيفنا العزيز لهذا الاسبوع .. مكتول مدني .. على الكرسي الساااااااخن ..

[sambaaa]

الإخــــــــوة الأعـــــــــــــــزاء .
مرة أخرى نلتقيكم في رحاب هذا الملتقى

ضيفنا اليوم أخ عزيز وغالي علينا..
صدناه بعد أن صادنا أيام كثيرة..
فارسنا لهذا الاسبوع عضو نشط جداً..
يعشق جميلتنا مدني ..مكتول في حبها ..
بدءاً نتركه يتحدثاً قليلاً معرفاً بنفسه ..




من هو مـــكتول مدني ؟

<TABLE width="100%" border=1><TBODY><TR><TD width="100%" bgColor=#000080>



<MARQUEE style="COLOR: #ffff00" direction=right>ما له أعياه النضال بدني روحي ليه مشتهيه ود مدني ليت حظي سمح وأسعدني طوفه فد يوم بي ربوع مدني كنت أزوره أبويا ود مدني واشكي ليه الحضري والمدني آه علي حشاشتي ودجني وحنيني ولوعتي وشجنى دار أبويا ومتعتي وعجني يا سعادتي وثروتي ومجني حين سألنا حاوي الوصب من خمايل قرية القصب قالوا جات سيرتك علي النصب ونحن بين الروضة والقصب صنفه بعرها قالن إن تصب تربط الأحلام مع الخصب كان حبيبنا وحاشا ما نصبي ومن زمان فارقنا وهو صبي تاني ما سمعنا انقطع خبره يا حليلم طشوا ما إتخبروا واحدة فيهن قالت إنجبروا فقر ابونا وخدمة النبرو الكنانة أكرمت نزلي وأغدقت من خيره كل زلي إن حييت أو مت في الازل ده مقدر طبعه في الأزل غايته بختم نفثتي الخطرت بي تحية من حشاي شطرت للتدور والطايره والما طارت وسلاما ما الغصون خطرت</MARQUEE>



</TD></TR></TBODY></TABLE>

[sambaaa]

مرة اخرى نرحب بالاخ العزيز / مكتووووووووول مدني
ضيفا عزيزا على الكرسي الساخن ..
ومن هنا أناديه بأن تقدم أيها الفارس .. وبان ليك الآمااااااان ..
وما تشرد يا حبيبوووووووووووو ...

[zoolfrda]

أمانة ما وقع راجل ...
حبابو 100000 مكتولنا

[زيكو منيب]

يالله يا مكتول ما تخاف حنستجوبك بس يالله

[جنفر]

وينك يامكتول ماتتجرس نحن حنكون حنينين شديد معاك بس انت اظهر وبان وعليك الامان

[الجندي المجهول]

نفسي اتعرف علي مكتول هواك دا واعرف هو من وين في مدني لاني بالجد طولت شديد

[ابومرام]

وين مكتول شنو الحكاية ما تخاف الكل هنا اخوانك نحن عارفين مكتول بمدني لكن دايرين نعرف انك مكتول باخوانك
×××××××××××××××××××××××××××××××××××××××××××××××××× ×××××××××××××××××××
عارفني منك لا الزمن يقدر يحول قلبي عنك لا المسافةولا الخيال يبعدني منك ولا يحرمني عنك عارفني منك

[نور العيون]

و الله مكتولد الله يديه العافيه ماداير يظهر لغايه حس مالوا بحضر في العده ولا شنو

[bakri]

شنو يامكتول مدنى

نحن فى انتظاااااااااارك

[ابومرام]

سامبا الحكاية شنو يا اخوي ما تفقد لينا مكتول وتجيب لينا منو خبر انشاء الله يكون المانع خير وطمنا عليه
×××××××××××××××××××××××××××××××××××××××××××××××××× ××××××××××××××××××
مرت لحظات وكمان ساعات طالت وحياتك منتظرين لو وشوش صوت الريح في الباب يصبغنا الشوق قبل العينين

[الشريف الهندي]

مكتول مدني من ماليزيا فات الصين


والله تعبته يامكتول مدني

هههههه

[sambaaa]

الاخوة الاحباب

والله بكل اسف فشلت محاولاتي في تفسير غياب الاخ الحبيب / أمين ..
وأسأل الله ان يكون غيابه هروباً من سخانة الكرسي الراجياهو ..
واملي ان يكون مانعه عن الظهور خير ..

ولو كان ده مقلب بقول ليهو :

دي ما المحرية فيك يا حبيبووووووووو

[مكتول مدنى]

بسم الله الرحمن الرحيم

اخى سامبا مشكور حبيبى على الورطة دى
اخوتى الاعضاء انا متاسف جدا على التاخير والذى حدث لظروف خارجة عن ارادتى ولكم العتبى حتى ترضوا


السؤال الاول
الاسم: امين يوسف الامين
العمر: من مواليد مدنى الجميلة فى 30_3_1985
طالب طب سابقا بالخرطوم
وطالب حاليا بماليزيا ( الكلية دى تخصصا شنو انا ما عارف لحدى هسة)
الحالة الاجتماعية عازب والحمدلله
لكن النشأة كانت فى برى لظروف عمل الوالد والدراسة

[جنفر]

حمدلله على السلامه يامكتول مدني
سؤالي ليك الطف موقف ليك واصعب موقف
انا وعدتك انو السؤال يكون ساهل وانا بوفي بالوعد

[اميمه عشريه]

تحياتي يا مكتول اها اخواتك الكبار وصلوا وبسلمو عليك وبقول للجماعه رفقا يا اخوانا بمكتول ديه .. نسعد بوجودك في الكرسي الساخن .. زي نصيحتي للجميع جيب معاك مكيف ال جي قواااااااااااااااااوم شكلهم ناويين عليك .. ربنا يعينك .. يلا يا رجل حدثنا عن اغترابك واشمعني ماليزا .. طب الخرطوم مالو ؟؟

[sambaaa]

جيتك يا حبيبووووووووو بقولة خير سريعة كده ..

أها حمدلله على سلامتك يا فردة .. يلا ركز معاي وعاين لي جاي ..

واحب انبهك ان الاجابات على الاسئلة يجب ان تكون بمنتهى الصراحة

* ماذا تعنى لك مدنى الجميلة؟

* اكثر شخصية تحبها استثناء الاهل واكثر شخص ترتاح له فى المنتدى و اكثر شخص يضحكك فى المنتدى وتتمنى وجوده بإستمرار ؟

* السلك التعليمي من الخلوة والروضة للجامعة مع ذكر موقع الدراسة؟

* لو ماكنت من مدنى من اية مدينة كنت تتمنى ان تكون؟ وماتقول لى مدنى

* يا امين آخر مرة إتنشلت فيها متين ؟

* اى نوع من المكيفات تستخدم؟

* حلم دائما براودك في اليقظة؟؟؟

بس خلاص يا أمين دى البداية بس فاتحة شهية الوجبات الرئيسية فى السكة يا حبيبوووووو .. <!-- / message --><!-- sig -->

[مهيرة]

الأخ امين

سلامات

عود بينا في سياحة جميلة كدة ذكرياتك في مدني
والكاتلك فيها شنو

مع تحياتي

[نزار حسن محمد]

اخى مكتول مدنى انا داير اريحك شويه من الكرسى الساخن عند طلب ((فى فيلم عرس الزين ..كان الزين بكوريك ياناس البلد ان مكتول فى حوش ناس............ وتانى يوم البيت بكون عرسوها .)) فانا دايرك تعرس لبنات المنتدى كلهم كل يوم تكورك على وحده والعزاب نشوف ليهم واحده مكتوله .... اديك العافيه

[السلامى]

بالله طب ماليزيا فيه شنو جديد يعنى مثلا بتشرحواهناك ( صارقيل ) وضح

[مكتول مدنى]

حمدلله على السلامه يامكتول مدني
سؤالي ليك الطف موقف ليك واصعب موقف
انا وعدتك انو السؤال يكون ساهل وانا بوفي بالوعد

اختى جنيفر والله ماقصرتى فى السؤال ابدا والحمدلله انك من النوع البوفى بوعده
الطف موقف لى
للمواقف اللطيفة كتييرة اديك منها واحد
لما جيت مسفر هنا اول مرة كان يوم عيد الفطر المبارك وما نمت يوم الوقفة والطيارة مواعيدا الساعة 2 صباحا والنتيجة انى نمت فى المطار والطيارة فاتتنى واتهمونى انى فوت الطيارة من نفسى والنتيجة انى عيدت فى السودان لكن مافى مدنى


واصعب موقف لما جيت مسافر من السودان برضو فى المرة التانية وكانت دموع اختى الصغيرة وهروب اهلى من وداعى هى اصعب مواقفى
ان شاءلله اكون اجبت اجابة كاملة على سؤالك ختى جنيفر

[مكتول مدنى]

تحياتي يا مكتول اها اخواتك الكبار وصلوا وبسلمو عليك وبقول للجماعه رفقا يا اخوانا بمكتول ديه .. نسعد بوجودك في الكرسي الساخن .. زي نصيحتي للجميع جيب معاك مكيف ال جي قواااااااااااااااااوم شكلهم ناويين عليك .. ربنا يعينك .. يلا يا رجل حدثنا عن اغترابك واشمعني ماليزا .. طب الخرطوم مالو ؟؟

اختى اميمة اهلا ومرحب بيك وشرفتينا بزيارتك لينا هنا
وانا عارف ان سامبا مبيت لى النية من بدرى
والله اختى اميمة انا حديث تجربة بموضوع الاغتراب انا طلعت من السودان فى نوفمبر الماضى والغربة والله حارة نار لكن انا سويتا فى نفسي ودى رغبتى يعنى ما عندى طريقة انط منها
بالنسبة لطب الخرطوم والله هو احسن طب فى السودان بعد جامعة الجزيرة لكن انا لم تكن رغبتى دراسة الطب بل الطيران الحربى تحديدا وبعد موافقة الاهل _بعد تعب شديد_ تحطمت طائرة بورتسودان لتعود الاسرة وتجتمع وترفض الامر جملة وتفصيلا وانتهى الامر الى تركى دراسة الطب والالتحاق بجامعة ملتيميديا الماليزية والدراسة بكلية تخصصاتها العمل السينمائي والمؤثرات
والتصميم
وصناعة افلام الكرتون
وانا الى الان لم اختر اى منها
ارجو ان اكون قد اجبت على جميع الاسئلة بنجاح
بالمناسبة ابلغى تحياتى الى الاخ ولاء _انا عرفته من النت وطلع صديق خيلانى وكمان خالتى معاهم فى المانيا_

[مكتول مدنى]

جيتك يا حبيبووووووووو بقولة خير سريعة كده ..

أها حمدلله على سلامتك يا فردة .. يلا ركز معاي وعاين لي جاي ..

واحب انبهك ان الاجابات على الاسئلة يجب ان تكون بمنتهى الصراحة

* ماذا تعنى لك مدنى الجميلة؟

* اكثر شخصية تحبها استثناء الاهل واكثر شخص ترتاح له فى المنتدى و اكثر شخص يضحكك فى المنتدى وتتمنى وجوده بإستمرار ؟

* السلك التعليمي من الخلوة والروضة للجامعة مع ذكر موقع الدراسة؟

* لو ماكنت من مدنى من اية مدينة كنت تتمنى ان تكون؟ وماتقول لى مدنى

* يا امين آخر مرة إتنشلت فيها متين ؟

* اى نوع من المكيفات تستخدم؟

* حلم دائما براودك في اليقظة؟؟؟

بس خلاص يا أمين دى البداية بس فاتحة شهية الوجبات الرئيسية فى السكة يا حبيبوووووو .. <!-- / message --><!-- sig -->

حبيبى سامبا دة شنو البتعمل فيهو دة قربت ازوغ والله
ساجيب على جميع الاسئلة بالترتيب وساكون صريحا معك ومع الاخرين
الاول : مدنى هى كل حياتى وهى امى الحنون والحضن الدافئ الذى الجاء اليه كلما حاقت بى الكروب ويكفى مدنى عظمة انسانها
الثانى : والله يا سامبا بحبك انت وكل اخوتى فى المنتدى وبرتاح ليك فى المنتدى ويضحكنى جمال الماحى باشعاره الظريفة واتمنى وجوده باستمرار
الثالث: روضة القيادة العامة ومن ثم التمهيدى فى المنزل والابتدائي فى مدرسة الخرطوم العربية العالمية اما الثانوى فقد درست السنة الاولى فى معهد صلاح بالصحافة وتركتها فى الصف الثانى لبعدها من المنزل حيث انى اسكن برى وانتقلت الى معهد عابدين فى البرارى ومن ثم الى مدرسة الكويت الثانوية التى امتحنت منها الشهادة السودانية والجامعة بالخرطوم وحاليا فى ماليزيا
الرابع : عزيزى سامبا لقد عرفت معظم مدن السودان وعرفت ناسها ولكنى ايضا عرفت مدنى _زهرة المدائن_ وصدقنى ان السودان وبرغم عظمته وعظمه اهله ومدنه لم اجد فيه مدينة تضاهى اميرتنا جمالا او القا او حتى ثقافة ولذلك لو لم اكن من مدنى لتمنيت ان لا اولد
الخامس: عزيزى سامبا لم انشل من قبل ولكنى سرقت حين نسيت المحفظة فوق ماكينة صرف النقود وحين عدت بعد اقل من دقيقة لم اجدها فى مكانها
السادس : مكيفات كولداير التى تضاهى المستورد جودة هههههه (زمان كنت بديت اسجر وخلاص انتهينا من موضوع التدخين)
السابع : العودة والاقامة فى مدنى وقضاء ما تبقى لى من عمر فى ربوعها هى حلمى الدائم فى اليقظة والمنام وهو ما ساعمل على تحقيقه باذن الله
عليك الله دى البداية طيب النهاية بتكون كيف
انت تعال هنا الاسئلة دى جبتها من وين

[مكتول مدنى]

الأخ امين

سلامات

عود بينا في سياحة جميلة كدة ذكرياتك في مدني
والكاتلك فيها شنو

مع تحياتي

اختى مهيرة كيف احوالك واحوال اهلنا السودانيين فى عمان
والله اختى مهيرة اى حاجة فى مدنى كاتلانى
السوق _ شارع النيل _ المنتزهات _ السينمات _ المستشفى _الجامعة _ بركات _ الزمالك _ جزيرة الفيل
يعنى اختى مهيرة اى نقطة فى مدنى كاتلانى
وللاسف زكرياتى ما كتير انا معظم الوقت بقضيه فى جناين جدنا شقدى فى الجزيرة او فى مشروع نور الدين الزراعى لكن البقولوا ليك ان اى لحظة قضيتها فى مدنى كانت من اجمل اللحظات فى حياتى
شكرا لكى اختى مهيرة

[زيكو منيب]

بيك يا مكتول مدني

مرحب بيك تاني في الكرسي الساخن وسؤالي ليك؟؟؟

طالب طب سابقا بالخرطوم

يعني كملت ولا ماكملت؟؟؟

السؤال الثاني.....؟؟؟ ماهو فريقك السوداني المفضل؟؟؟ وما هو النادي العالمي المفضل ليك ؟؟؟ وما هو المنتخب العالمي اللذي تراه افضل المنتخبات في العالم؟؟؟

دي الاسئله دي في البادية ... بداية معرفة يعني ok انتظرني بس وانا بجيك تاني...

[زيكو منيب]

وينك يا مكتوووووووول