منتزه الجزيره الجديد وقريبا الفرنساوى لاند بالصور

[التيمان]

بدون اى مقدمات

تم افتتاح منتزه الجزيره

فى محل ميدان الشهداء زماااااااااان لو بتتزكرو

فى الدرجه جنب الاهليه

اخليكم مع الصور

النقل ده عشان ناس بره يعرفو الحاصل شنو معانا

الموضوع حصرى على منتديات ودمدنى ومنتديات ارض المحنة

اخليكم مع الصور




ده قسم ارض المحنه ض1

[التيمان]

راسكل

[التيمان]

[التيمان]

[التيمان]

القناص

[التيمان]

[التيمان]

ده جزء من الصور

واستودعكم الله

ياناس

ويومين كده الفرنساوى لاند


مع تحياتى لكم التيمان

[رضاك ياصفيه]

الكلام دا بتين

[التيمان]

يوم الوقفه


انت صفيه دى لى هسى مارضت عنك

[أشرف صلاح السعيد]

توميكس كل عام وانتو والاهل بخير وللعرق بس تستعملو الكلنكس..
كل الامانى الطيبات محققات ..

يعنى هسع دى نخلى الاغتراب ونرجع ؟..جنس الزيى ديل المشو الخليج ساكنلهم طوطحانية خلاااس التطوطح عندنا بقى مقنن وملون ..علا الطبلية الخدرا الماااكنة ام طماطمن ملون دى شنو؟..والناس دى الشايلا ام عشرة دى بنيشو فوق شنو؟..صورة عبد الواحد ولا الضكران العراااض؟..
والله ما شاء الله شى جميل علا الريع بيمشى ياتو جيوب؟..
والنسعلكم كدا سوعال اخير..رسوم الدخول بكم؟؟..

[النويري]

التيمان سؤال الناس دي ما قالوا البلد مافيه قروش الناس المصورين ديل سمان كده ديل تجار ولا شنو ض 1 ض 2

[ابوخالد]

والله شئ جميل ومُفتخر

ونتمنى المزيد ,,,

إلا دحن الواطة دى ما ملك الحكومة ,,, والشهداء حقهم راح وين ,,,

موضوع رائع يالتيمان

لكن وين الجكس ,,, ووين الأطفال ,,, وأوض التنشين دى مافيها

أهداف والا شنو ,,,

لكن أجمل شئ طاولة البلياردو الذى حقت نادى الجزيرة

زمااااااااااااااااااااااااااااااااااااان ,,, فى الزمن السمح

الإسكواتش وحوض السباحة والبلياردو والمطعم الجوة الصالة

والمطعم البرة الصالة تحت النيمة والبنغ بونغ ,,,
زماااااااااااااااان والا زمان ,,,
ياليت الزمان يعود يومآ لأخبره بما فعل الزمانُ

[بت مارنجان]

والله المنتزه خطير شديد وجميل .... انا مشيت وسايقا معاي الشفع
وصراحة انبسطو واجمل شئ انه مامليان شديد والقعدات الاسرية كانت اجمل ...



همسة : انتو يالتيمان مشيتو متين اوعي اكون الكنتو جمب الطوطحانية

[درديري كباشي]

كلام جميل ومزيد من التقدم ..


لكن ملاحظة ما دام هو منتزه الجدران لونها واحد واخضر ليييه .,.. انا افتكرتها صالة العاب في سجن مدني ولا في مصحة نفسية ..


كان المفروض ان تملا الجدران بالالوان الفرايحية والرسومات والديكورات وممكن يستعينوا بابناء واد مدني الدارسين بكلية الفنون الجميلة في فترة الاجازات ويوفروا لهم الوان الزيت والبوهيات انا متاكد ممكن يحولوا هذا المكان لجنة وتحفة بدلا عن هذا اللون الكئيب .

[ودالعمدة]

العزيزان التومان
مجهوداتكم عظيمة لكم الشكر أجزله
ونأمل لأم المدائن بالنماء والازدهار

[التيمان]

تسلمو ياشبباب على الردود

مافى جكس ماشى معانا الفرنساوى لاند

انشاء الله الاصفر الزمان

[رامى طلبه]

شى جميل والله ومزيد من العاب الفرفشه ان شاءالله لانو بصراحه عندنا
اطفال مكبوتين ومحتاجين مثل هذه الالعاب .
ولكن تبقى دائما الملاحظات ...
المكان محتاج لزياده اناره .. والاناره هى دائما ما تعكس روح المكان
الارضيه محتاجه الى تنجيل اضافه الى تلوين الجدران .
ودمتم

[اسماعيل الجزيرة]

نتمناء لمدينة ودمدني مزيدا من التطور والزدهار وكذلك بقية مدن الولائة
وانشاء الله تقوم مناطق سياحية ومتنزهات في كل من
الحصاحيصا
الكاملين
المناقل
جنوب الجزيرة
ام القري
شرق الجزيرة
بكافة مدنهم وقراهم وحضرهم وباديتهم

[ود سعدابى]

غايتو كنت معزوم فيهو لاكن لو قايلو بالجمال دا كان مشيت وجليت فكرة العرس المشيت ليهو اصلو الحفلة خربوها سكارى

[التيمان]

القسم المناسب ليو فعلا

[عبدالحفيظ]

شكرا على الصور و الله فى اماكن انا ما شفتها بالرغم من اننى كنت موجود
لكم الشكر

[الوليد علي]

المنتتزه جميل
بس الدخول ب 2ج
الالعاب ب 2ج
دخول الصاله ب 2ج
سندوتش الطعميه ب 2ج
واي حاجه ب 2ج
منتزه ولا السوق العربي
$$$$$$$$$$$

[امال مالك]

التيمان كل سنه وانت طيبين فى داعى للصور دى الشفع حمونا القعده فى البيت

[التيمان]

هههههههههه


امنعوهم من الفسحه كماااااان


ياولد اتشبك وابكى وكورك فى البيت


نتلاقى هناك

فى الساقيه بتلقانى جنبك اوك