قصة طويلة بديتا زمان..
في يوم إتولدت فيو أحزان
أحزان إتولدت ورا أحزان
وأحلام إنطمرت بالأزمان..
بداية القصة دي كان يا مكان..
في .. ولداً متفائل فرحان
في دنيا مزخرفة بالألوان
وأحلامه السمحة بدت تزدان
وعكست آمال لي شيئ ما كان..
بدأ المشوار بعلام لجهول..
نوّر لطريق عقله المشلول
فتّح آفاق دربه المجهول
وطوّل لمشوار علمه ملول
وقوّى عزيمته وكان مخبول
في دنيا أحلامه الفاردة سهول..
خلّص مشوار حلمه الأول ..
ودخل في دنيا جديدة من أول
ظهر مشوارها طويل ومطول
ووقف محتار بي صبره الطول
وحام حولينا وبدأ يتجوّل
يدخل من وين يبدأ الأول..
مسك الدروب من البداية..
كل الدروب واقفة في نهاية
أفكاره جاطت ماشة جاية
وآماله إتخزلت كفاية ..
وأحلامه ضاعت في الرواية ..
رد مع اقتباس
المشاركة الأصلية كتبت بواسطة مازن الجمّال
المفضلات