ابوي اعز واغلى ما عندي

[حاتم عمر]

أبوي.. شعبتنا.. روح آمالنا.. ضو البيت..
ضراعو الخدرا ساريتنا نقيل وفي ظلالها نبيت،،
أبوي عاشق الشمس والنيل عشانو ردد الغنوات،،
هو ذاتو الشمس تصارع الليل تصر تبدد الظلمات،،
أبوي القدلة بي عزه ** أبوي زغرودة السمحات،،
عظمتو وسر سعادتنا بلاقي الصعبه بالبسمات،،
ابوي
حبك شمعه في ليلنا تنور للخطا وتهدي،،
حكمك وصوت وصاياكا أعز وأغلي ما عندي،،
ابوي
أبوي الدنيا بتودي ،،، بتدي ومره ما بتدي،،
حبك شمعه في ليلنا تنور للخطا وتهدي،،
نحبك يابا ذي نيلنا طويل وأصيل وممتدي.
*************************
يدق باب الزمن ويفتحلنا البيبان،، دروب في الدنيا شان نمشي
وتجاربو مشاعل التوهان،، يسوي من الفرح عمة ويدرع شال من الأحزان،،
يسوي العمة ذي منديل عشانا ويدي للجيران،،
ويدس الشال عشان ما نشوف عذابو وأنة الحرمان،،
تجارب تثري دنيانا وتقيف للهموم صدي ،،

[Amin Idries]

يا سلام يا حاتم يا رائع أظهر و بان عليك الأمان
أنا عارف انو رويسك دة مليان كلام درر و لكنك بخيل كلمات
( و يدس الشال عشان ما نشوف عذابو و أنة الحرمان) اللهم ارحم أبي و اغفر له و اسكنه فسح جناتك
شكرا حاتم على الكلام الجميل دة و يا ريت تتم جميلك و ترفع لينا الاغنية دي هنا

[همسات]

أبوي اعز واغلي ماعندي
حاتم عمر تحياتي واحترامي
كلمات جميله جدا
اتمني ان لاينقطع عطاءك

[حاتم عمر]

شكرا ابوهمسات على مرورك مع التقدير لك

[احمد ابو امنة]

كلمات معبرة و جميلة أخى حاتم

[حاتم عمر]

يا سلام يا حاتم يا رائع أظهر و بان عليك الأمان
أنا عارف انو رويسك دة مليان كلام درر و لكنك بخيل كلمات
( و يدس الشال عشان ما نشوف عذابو و أنة الحرمان) اللهم ارحم أبي و اغفر له و اسكنه فسح جناتك
شكرا حاتم على الكلام الجميل دة و يا ريت تتم جميلك و ترفع لينا الاغنية دي هنا

شكراً يا امين على ثناءك يا مرسال الشوق يا الكلك ذوق
وربنا يرحم امواتنا جميعاً

[بت أم درمان]

أبوي الدنيا بتودي ،،، بتدي ومره ما بتدي،،
حبك شمعه في ليلنا تنور للخطا وتهدي،،
نحبك يابا ذي نيلنا طويل وأصيل وممتدي.

ابوي اغلى واعز ما عندي دا شي اكيد
اللهم ارحمه كما رباني صغيرا

شكرا على القصيدة الرائعة

[حاتم عمر]

اقدر اهتمامك ومرورك يا بت امدرمان

أبوي الدنيا بتودي ،،، بتدي ومره ما بتدي،،
حبك شمعه في ليلنا تنور للخطا وتهدي،،
نحبك يابا ذي نيلنا طويل وأصيل وممتدي.

ابوي اغلى واعز ما عندي دا شي اكيد
اللهم ارحمه كما رباني صغيرا

شكرا على القصيدة الرائعة

[مدنيّة]

اتنين ياحاتم في الدنيا دي
ماعندهم زي
الام & الاب

-------
شكرا كتير حاتم

[حاتم عمر]

فعلاً يا مدنية ما في اعظم منهما على الاطلاق بخلاف المصطفى صلى الله عليه وسلم فهو احب الينا منهم
وانا انضح بما في انائي من لوعة وأسى وآهات
اشكرك جدا
.

اتنين ياحاتم في الدنيا دي
ماعندهم زي
الام & الاب

-------
شكرا كتير حاتم