اجمعو يامريخاب طمبل مريخابى

[ابوعزة]

استلم موفد نادى المريخ العقيد صديق على صالح اوراق انتقال اللاعب هيثم طمبل من نادى اورلاند ليصبح طمبل مريخيا بصورة رسمية

اشترى المريخ بطاقة اللاعب يسدد ضربة قاسية ومؤلمة لعشاق البلوز


خارج النص: ايها المريخاب الضربات القادمة اقسى وامر على بنو الازرق وفترة التسجيلات ستمر عليهم كالحنظل

[امير عبدالباقي]

كبك الكلام ده ماشفتو

[مدنيّة]

ايوة يا ابوعزة عليك الله منطق لينا كبك دا

ومبارك علينا طمبل

وهاردلك ياهلالاب وعقبالجمرة اقصد ضربة قاضية اخري

[محمد حسين (المميز)]

ايوة يا ابوعزة عليك الله منطق لينا كبك دا

ومبارك علينا طمبل

وهاردلك ياهلالاب وعقبالجمرة اقصد ضربة قاضية اخري

هعهعهعهعهعهعهعهعهعهع

شوف البت كمان
كله عرفناهو
حتى في الكوره كمان متشربكه معانا
خلاص كدي النشوفك بتفهمي في الكوره
ولا متسلبطه سااااااااااااااي

وريني الصوره دي حقت ياتو فريق
والمناسبه دي شنو؟؟




بس الليله ابقي مره وماتعرفيها
عشان اوصي عليك يطردوك من المنتدى الرياضي


***************

[روبش]

ابوعزه ...
اولاً مبروك عليكم طمبل .. بس في حاجة .. انتو غائبه عليكم .. وغائبة على طمبل نفسه ..
وهي عدم استمرار اي لاعب ينتقل من المريخ للهلال أو بالعكس ..
اقول ليك حاجة اسمعها مني ما حيقدر يستمر مع المريخ .. لانو هو ما عندو رأس حد يمشي يحترف بره البلد ويرجع تاني .. ده مصيبة الكورة السودانية يا ابوعزه عشان كده عمرنا ما حانتقدم في الكورة . اي يا ابوعزه انا هلالابي لكن حقيقة الواحد بقولها .. الدحيش ما استمر مع المريخ .. عبده الشيخ ما قدر يلعب مع الهلال ... يعني طمبل حايستمر .. ولا العب من ديل

[مدنيّة]

هعهعهعهعهعهعهعهعهعهع

شوف البت كمان
كله عرفناهو
حتى في الكوره كمان متشربكه معانا
خلاص كدي النشوفك بتفهمي في الكوره
ولا متسلبطه سااااااااااااااي

وريني الصوره دي حقت ياتو فريق
والمناسبه دي شنو؟؟




بس الليله ابقي مره وماتعرفيها
عشان اوصي عليك يطردوك من المنتدى الرياضي


***************

انت يالمميزياخوي قايلني جاية من وين !!

اها ياخوي دا فريق برشلونة والكاس كاس الاندية الاوربية وكان لاعب مع الارسنال السنة الفاتت وانتهت المبارة 2/1 - اوع تقولي الواحد لمنو والاتنين لمنوووو -

و

عندك من اليمين للشمال
انستا - رينالدينو - ديكو - بيول - لارسون

اي سؤال او استفسار !!

اها قصرت بعد كدا !!

[امير عبدالباقي]

الاخ المميز
لك الف تحيه
اها ح تقبل وين مدنيه جاوبت ليك اجابه شافيه حتمشي وين تاني قطعت ليك لسانك ياخوي امسك خشمك عليك ساي منها

[محمد حسين (المميز)]

واللــــــه قصتـــه لي يا أميـــر

الشقيه ماشاء الله عليها
جابتها لي بي ضبانتها
لارسون وديكو ورونالدينهو وأنيستا كمان
ماباقي الا تقول لي الحكم منو كمان كان


بصراحه لكي التحيه يا أستاذه
مدنيــّـــه

البت ماطلعت متسلبطه


****************

[مرتضى ساتى]

شى عجيب يامدنيه والله اقنتعت ان مدنى كفر ووتر اولاد وبنات
وياروبش كلامك صاح وسمعنا د/ كمال شداد فى اللقاء بتاع دبى الرياضيه
ياجماعه الهلال والمريخ سرطان الكوره السودانيه

[مزوني]

ههههههههههههههههههههههههههههههههههه

مدنيه ده شنو ؟؟؟؟؟ لكن والله سكتيني انا برضو تصدقي ؟؟؟؟؟

لكن ماشاء الله عليييييييييييييييك

ويا جماعة كورت السودان عليها الفاتحه والسلام

وربنا يوفق طمبل في المريخ

وتسلم يا ابو عزة على الموضوع وربنا يديك العافيه