قصتي مع .......................(يا سُحبُتي)

[سوار الياسمين]

في مرة من المرات كنت في السيارة مع الوالد في طريقنا من الشغل للبيت
فقام شغل شريط الكابلي ( وأمطرت لؤلؤاً) مع فرقة البلابل الرائعة
المهم جات أغنية من الأغاني فإستغربتى في اول كلمة من الأغنية
وكل شوية ارجع الاغنية من الاول عشان احاول افهمها وابوي ساكت ما علق
فلما تعبتى من محاولة فهم الكلمة عاينتا لابوي وسألتو (( يعني شنو يا سُحبُتي)
قام ابوي انفجر من الضحك ويشيل ويقول لي الكلمة شنو ؟؟!!
اقوم بإستغراب اقول ليهو يا سُحبُتي
يرجع الراجل يضحك تااااااني

إتخيلو الكلمة طلعت شنو !!!!!!!!!!!


















المقطع طلع بيقول

ياسحبُ تيجان الرُبا من اغنية (كللي يا سحب )

وانا طلعتى بسمعها يا سُحبُتي وما فاهمة الكلمة هي شنو
وما سكها لي مسخرة لحد اسه الكلمة ده
كل ما يلقى فيني فرصة يقول لي امشي يا سُحبُتي


انا بصراحة ما خجلتى اني اقول ليكم القصة لانو انا اساسا ما من زمان بسمع الأغاني السودانية الا من كم سنا فاتو ما بيتعدوا الخمسة سنين

اتمنى انو القصة تعجبكم


تحياتي ( سُحبُتي)

[المسافر]

إنتِ محتاجة تعرفي أول شيء اللهجة السودانية . . . وأنا هنا بنصحك تحاولي تمتحني إمتحان محو الحنكشة بأسرع فرصة لأنو عندنا الأيام دي واسطة .

ودمتي يا الغالية

[خالد أحمد الصول]

ليهو حق ابوكي يضحك عليك أسع عليك الله عندك عزر خصوصا أنو الأغنية باللغة العربية الفصحي
بس أنتو يا ناس الزمن دة بتفتكروا حاجات زمان دي كلها تخلف و الله التخلف في حاجات الزمن ده ... كدي شاهدي تسجيلات فترة أكتوبر 1964 في التلفزيون تلقي السوداني لابس منتهي الاناقة لازم بنطلون مشكوك داخل القميص و البدلة و الصديري و الكرافته ملفوفة علي طريقة أكسفورد و الحزاء لا بد أن يكون لامعا ... و الشعر مسرح

[نور العيون]

و الله ما عارفه اقول ليكي شنو
لكن بالجد د حال الناس المغتربه
انا كمان من 5 او 4 سنين بس بقيت اسمع
الاغاني السودانيه
و و الله فيها كلمات جميله و معاني
اجمل
و دي ضريبه الغربه
انو الواحد ما عارف حاجات كتيره عن بلدو
و ما عارف اي حاجهو لمن يمشي السودان
بمشي زي الاهبل
تسلمي يا سوار

[سوار الياسمين]

إنتِ محتاجة تعرفي أول شيء اللهجة السودانية . . . وأنا هنا بنصحك تحاولي تمتحني إمتحان محو الحنكشة بأسرع فرصة لأنو عندنا الأيام دي واسطة .

ودمتي يا الغالية

والله يا المسافر كان لاحظتى في موضوع الحناكيش
انا من اول الممتحنين
والنتيجة ظهرت لي من خلال تعليق ابوعلا وعمي الماحي
ومنتظرا المدرسة بس تفتح بتين عشان تووووووووووووشك اتحكر واقعد فيها

وتسلم على مرورك الكريم

[سوار الياسمين]

ليهو حق ابوكي يضحك عليك أسع عليك الله عندك عزر خصوصا أنو الأغنية باللغة العربية الفصحي
بس أنتو يا ناس الزمن دة بتفتكروا حاجات زمان دي كلها تخلف و الله التخلف في حاجات الزمن ده ... كدي شاهدي تسجيلات فترة أكتوبر 1964 في التلفزيون تلقي السوداني لابس منتهي الاناقة لازم بنطلون مشكوك داخل القميص و البدلة و الصديري و الكرافته ملفوفة علي طريقة أكسفورد و الحزاء لا بد أن يكون لامعا ... و الشعر مسرح

ما مشكلتها انها باللغة الفصحى الي اصبحت في زمنا ده ركيكة وما عليها انتباه كامل وفي المدرسة اللهم مقرر ويخلص خفظ بدون استيعاب للمعاني وبقى الناس تفضل السهل الممتنع والكلام البسيط

والله ابدا يا عمي اخالد احنا بنعتبر زمنكم زمن الناس الراقية ومتمسكة بالاصول والزوق والاخلاق
وبنتمنى اننا لو كنا عشنا في زمنكم الجميل الي كانت فيه النفوس مطايبة مع بعض والناس كانت بتعشق الفن الجميل المحترم لاكن هيهات على الاحنا فيهو اسه والحمد لله على كل حال

دمتى يا عمي العزيز


وما تنسى الخنفس

[سوار الياسمين]

و الله ما عارفه اقول ليكي شنو
لكن بالجد د حال الناس المغتربه
انا كمان من 5 او 4 سنين بس بقيت اسمع
الاغاني السودانيه
و و الله فيها كلمات جميله و معاني
اجمل
و دي ضريبه الغربه
انو الواحد ما عارف حاجات كتيره عن بلدو
و ما عارف اي حاجه لمن يمشي السودان
بمشي زي الاهبل
تسلمي يا سوار

تصدقي يا نور
انو معلوماتي عن السودان بسيطة لو احصيتيها
لاني ابدا ما درستى ولا قريت عن السودان الا حاجات سطحية شديد
وفي مدن في السودان ما علمتى بيها الا مؤخرا

لاكن نعمل شنو بس نشد حيلنا من هنا وجاي

وسلمتي يا نور على المرور الجميل

[خالد عبدالماجد]

كنّا بنزعل لمن حد عربي يسمع موسيقى سودانية ويسال ده غناء عربي لكن بعد كده أحسن الواحد يكون ( طبيعي ) ..
أنت عارفة ياسوار الكلام السوداني عموماً ذي المهارات اليدوية تغيبي عنها شهر تفقدي الكثير عشان كده أحسن ليك تلحقي روحك لأنو بعد شوية حاتحتاجي لي مترجم عشان تفهمي الكلام خليه الغناء .
كوني بخير ..

[تسنيم خالد]

سوارالياسمين ربي يعينك يا اختي تعالي لاختك تديك دروس وكمان مجانية ..ووالله ما تقولي شئ
نور العيون انتي زاتك معاها...خلاص انا بفتح فصل رايكم شنو؟ انا بدرسكم وامشوا امتحنوا عن شبارقة...............................
هههههههههههههههههههه






دمتي (سحبتي)

[محمد السر احمد]

يا زولة اصلو ما عيب الواحد ما يعرف لكن العيب يكون هو ما عارف و ما داير يعرف
ودمتي

[الشريف الهندي]

قلتي شنو ياسوار (يا سُحبُتي ) ههههههه
طبعا بالغتي شديد لكن طبيعي جدا ده حال الحناكيش فعلا علشان كده انكربي على مدرسة محو الحنكشه والله يعينك

[الشريف الهندي]

سوارالياسمين ربي يعينك يا اختي تعالي لاختك تديك دروس وكمان مجانية ..ووالله ما تقولي شئ
نور العيون انتي زاتك معاها...خلاص انا بفتح فصل رايكم شنو؟ انا بدرسكم وامشوا امتحنوا عن شبارقة...............................
هههههههههههههههههههه
دمتي (سحبتي)

استاذه تسنيم بعد اذنك ممكن احضر معاكم الحصص دي

[مزوني]

معليش يا جماعه البنت دي دايما فاضحنا ورافعه راس الحناكيش فوق مع انو دي فضيحه ليهم برضو

انتي اضنيك كشب ولا حديد يا بنت !!!!

هههههههههههههههههههههههههههههههههههههههههههههههههه هههه

لكن يا سحبتي ربنا يعينك ويساعدك في معرفه تراث بلدك

ودمتي بود يا سُــحبُــتي

[تسنيم خالد]

الشريف الهندي انت برضو (سحبتي) ولا شنو؟
الله يعين الطلبة الكانوا مدسيين بدوا يظهروا حبة حبة .. البركة في سوار الخلتكم تتكلمو

ههههههههههههههههههههههههههه






دمت

[سواااح]

تعرفي يا سوااار الياسمين

انتي قلبتب الهوبة
نص النهار
وقدام الناس
لكن عادي
لا في كلمات كتيرة في الاغاني
ما بتتفهم من اول استماع
يعني لازم تفضلي تعيدي فيها
كتير جدا حتي انك تصلي لحقيقة الكلمة

* لكن حكاية بتضحك الغنماية بتاعتك الزمان
كانت رهيبة وما تكوني نسيتيها

دمـــــــــــــــــــتي ،،

[وليد عمر سعيد]

ههههههههههههههههههههههه

سحبتي


ياخ بالغتي عدييييييييييل

هههههههههههههه

[سوار الياسمين]

كنّا بنزعل لمن حد عربي يسمع موسيقى سودانية ويسال ده غناء عربي لكن بعد كده أحسن الواحد يكون ( طبيعي ) ..

ما تستغرب لانو السودانين اكثر ناس بيستخدموا مفردات من اللغة العربية في حياتهم اكثر من اللغة العامية الي متعود عليها اغلبية الشعوب العربية الاخرى

أنت عارفة ياسوار الكلام السوداني عموماً ذي المهارات اليدوية تغيبي عنها شهر تفقدي الكثير عشان كده أحسن ليك تلحقي روحك لأنو بعد شوية حاتحتاجي لي مترجم عشان تفهمي الكلام خليه الغناء .
كوني بخير ..

هو انا اسه الحمد لله احسن من زمان بكثيييييييييييييير كنتى وين وبقيت وين والاثر علي زيادة في عدم فهم اللغة السودانية انو لحد الاول ثانوي ماكانت معاي اي بنت سودانية في مراحل دراستي من الابتدائي لحد الثانوي لاني غيرتى المدرسة في المرحلة الاخيرة واغلبية صديقات عمري من الجنسيات المختلفة
والحمد لله على كل حال وسلمت لمرورك الجميل

[سوار الياسمين]

سوارالياسمين ربي يعينك يا اختي تعالي لاختك تديك دروس وكمان مجانية ..ووالله ما تقولي شئ
نور العيون انتي زاتك معاها...خلاص انا بفتح فصل رايكم شنو؟ انا بدرسكم وامشوا امتحنوا عن شبارقة...............................
هههههههههههههههههههه

دمتي (سحبتي)

بتضحكي يا تسنيم
اصبري لي

وانتي تعالي المنتدى فاتح لينا كم فصل لمحو الحنكشة عايزين تجهجهونا مالكم
حددو ليكم فصل واحد وياها الغرزنا كان تختو لينا امتحان شبارقة

وتسلمي يا عسل على المرور

[سوار الياسمين]

يا زولة اصلو ما عيب الواحد ما يعرف لكن العيب يكون هو ما عارف و ما داير يعرف
ودمتي

الاخ محمد

كلامك صحيح وفي النهاية حيكون باين الزول العارف من الزول العامل نفسو بيعرف

دمتى على مرورك الطيب

[سوار الياسمين]

:

قلتي شنو ياسوار (يا سُحبُتي ) ههههههه
طبعا بالغتي شديد لكن طبيعي جدا ده حال الحناكيش فعلا علشان كده انكربي على مدرسة محو الحنكشه والله يعينك

اها يا الشايب
عامل لي فيها حريف
كدي خش على امتحان شبارقة
وكان فلحتى ابقى قابلني

[سوار الياسمين]

معليش يا جماعه البنت دي دايما فاضحنا ورافعه راس الحناكيش فوق مع انو دي فضيحه ليهم برضو

انتي اضنيك كشب ولا حديد يا بنت !!!!

هههههههههههههههههههههههههههههههههههههههههههههههههه هههه

لكن يا سحبتي ربنا يعينك ويساعدك في معرفه تراث بلدك

ودمتي بود يا سُــحبُــتي

فاضحاهم بشنو يا جدو
والاعتراف اخير من الانكار عشان بيجيب ورا

وتشكراااات يا مزوووووني

[سوار الياسمين]

تعرفي يا سوااار الياسمين

انتي قلبتب الهوبة
نص النهار
وقدام الناس
لكن عادي
لا في كلمات كتيرة في الاغاني
ما بتتفهم من اول استماع
يعني لازم تفضلي تعيدي فيها
كتير جدا حتي انك تصلي لحقيقة الكلمة

* لكن حكاية بتضحك الغنماية بتاعتك الزمان
كانت رهيبة وما تكوني نسيتيها

دمـــــــــــــــــــتي ،،

سوااااااااح الغالي
وحياتك الشريط حفظتو صم لانو عاجبني شديد بالزات خال فاطمة


ايييييييييييييييك يا سواح لسا متزكر الحكاية بتاعت الغنماية
وانساها كيف الله يرحم ايامها اسه بقيت أأمن علىىىىىىى رويحتي ده
ياروح ما بعدك روح

دمتى على المرور الجميل

[سوار الياسمين]

ههههههههههههههههههههههه

سحبتي


ياخ بالغتي عدييييييييييل

هههههههههههههه

هههههههههههه وليد ابو حلق ازيك

شفتى الإعاقات البتجي على كبر ده

تسلم يا مان

[شاكسس]

خخخخخخخخخ


والله حليل ايام زمان


هسى بقى كلو

راجل المره وحنانه

وحاجات تانى حاميانى

خخخخخخخخخخخخخخخخخخخخخ

والله لقب جميل لكن

تحياتنا ليك يا سحبتى

خخخ

دمت،،

[سوار الياسمين]

خخخخخخخخخ


والله حليل ايام زمان


هسى بقى كلو

راجل المره وحنانه

وحاجات تانى حاميانى

خخخخخخخخخخخخخخخخخخخخخ

والله لقب جميل لكن

تحياتنا ليك يا سحبتى

خخخ

دمت،،

شاكسس اللذيذووووووووووووني

يا حليل زمان وغنى زمان زاي حاجة كانت زمان
ورحم ربي من هم في الزمن الحالي

لك مودتي