شبارقه
يا غدار
أنا فيك محتار
تتذكر ؟
السرحه فى قش الجروف ؟
والعكاز وهوووى تك إش حاااو
والهنايه فى الخلايه
وعبّار
ورا
عبّار
تتذكّر ؟
فنيلتك الخدرا
حفيان جارى
ورا الترتار
والكدوبه مع العرق
ولون الغبار
تقول بعّاتى
يا ستار
وتتذكّر ؟
حفلات العرس
والجنصصه
تشك القميص
سيقانك طوال
وكرعين البنطلون قصار
تتفحّص السمحات
بالعيون تختار
ولما السمحه تبسم ليك
دقات القلب تقول دفار
ودمّك يفور
موية نار
بتتذكّر
يا مكّار ؟
سعاد السمحه والشاكوش
وشبشب ليلى على راسك
وسهير الحلوه والفرار
شواكيشك
بالكوم .... كتار
وقلبك بس تقول أمجاد
للسمحات
يفك مسار
ويمسك مسار .
رد مع اقتباس
المشاركة الأصلية كتبت بواسطة مدنيّة
المفضلات