احذروا البيبسي والكوكاكولا

[مصعب الريح]

احذر البيبسي والكولا...!!؟

--------------------------------------------------------------------------------

اكدت الأبحاث العلمية والطبية ان شرب البيبسي والكولا يؤدي للاصابة بالسرطان لأن العنصر الاساسي فيهما مأخوذ من امعاء الخنازير.. علما بان الكتب السماوية (القرآن الكريم والإنجيل والتوراة) حرمت اكل لحم الخنزير كونه الحيوان الوحيد الذي يأكل القاذورات والروث والبراز الأمر الذي يجعل لحمه ملوثاً بالجراثيم والميكروبات المميتة والقاتلة.
وجاء في تقرير نشرته المجلة الأردنية ان رئيس جامعة نيودلهي للعلوم والتكنولوجيا د.مانغوشادا اصدر بحثا علميا اثبت بموجبه ان العنصر الرئيسي للبيبسي والكولا مأخوذة من أمعاء ودم الخنازير.. وان مادة البيبسي تسبب السرطان للمعدة والقولون والبروستات والمرارة والبنكرياس والفم والبلعوم والكلى والمثانة وهذا هو التفسير العلمي لارتفاع اعداد الوفيات بامراض السرطان في العالم.
فقد اجرت الجامعة الهندية اختبارات علمية حول اثر شرب البيبسي والكولا واثبتت ان شربهما يؤدي إلى زيادة سرعة ضربات القلب وهبوط الضغط وان شرب ست زجاجات منها يؤدي للوفاة فورا كونهما مصنعان من مياه معالجة كيميائيا تحوي ثاني اكسيد الكربون وحامض الفوسفوريك وحامض السيتريك والكربونيك ومادة الكافيين التي تؤذي الأسنان وتسبب الاصابة بمرض هشاشة العظام ذلك ان التجارب اثبتت ان وضع سن مخلوع في كأس من البيبسي يؤدي إلى ذوبانه خلال اسبوع علماً ان عظام الميت تبقى في القبر ثلاثين عاما.. الأبحاث نفسها اكدت ان الكالسيوم المذاب في البيبسي يضعف نشاطات المثانة والكلى ويميت البنكرياس ويؤدي للاصابة بمرض السكري ..


* جريدة الرياض

[الفارس البنفسجي]

الأخ مصعب الريح

تحياتي لك


المعلوما بجد مفيدة ولو
ملاحظين حكاية السرطان
دي انتشرت في مدني بي
صورة فظيعة جداً.
يا ترى السبب شنو؟ هل
الببسي ولا هل الخميرة
الجديدة اللي ملت الأفران
دي ، ولا في مواد تانية
مسرطنة ونحن ما خاتين
ليها بالنا.
سلمت على المعلومة
وفي ميزان حسناتك.


نأمل أن تشهد السنوات
القادمة أختفاء ظاهرة
أنتشار السرطان في
مدينتنا الحبيبة وجميع
ربوع بلادي.

[samah]

الاخ مصعب والله ربنا يسلم بس هو البيبسي والكوك بس خليها علي الله المهم والله انا بيتي مايخلي منهم الاثنين ومابقدر اعيش بدونم اها اعمل شنو

[مصعب الريح]

الاخت سماح كل حاجة بالعزيمة والأصرار ممكنة وممكن تشوفي بدائل تاني مثل العصائر لان فائدتها معروفة وبالذات الطازجة فانتي جربيها وانسي الكولا
فانا كنت من المدخنين سجائر + تمباك لمدة سبعة سنوات وطبعاً كل واحد عارف ان مادة النيوكتين الموجودة بهما واذا تعود الانسان ان يتركهما مسألة صعبة جداًً ولكنني بحمد الله اتخليت عنهما الاثنين معاًً وانا بقصد من كلامي دا انو ممكن بالعزيمة تقدري تخلي الكولا
واتمني من الله ان تتخلي عنها وذلك بما فيها من مضار.

[بدرينا]

أحسن حاجة الناس تشرب العصاير زي البرتقال والليمون والمانق وغيرها..
عشان تضمن السلامة من الأمراض ..
وتسلم يا غالي على الموضوع الحلو..

[مدنيّة]

انا ياسموحة كنت بحب المياة الغازية دي بصورة ماعادية لكن ولله الحمد والمنة الان اتخلصت منهم تماما ولو انتي عايزة تتخلصي منهم سااااااااااهل بس المهم الرغبة الاكيدة وعلي فكرة انا اتخلصت منهم اول ما قريت موضوع بيوضح انه من العناصر المكونة ليهم من الخنزير من يومها والحمد لله انا انتهيت من المشكلة دي
طبعا هي حاجة صعبة ما ساهلة يامصعب الريح ومازي السجاير لانها - السجاير - حرية شخصية وما ولما تجي تخليها مافي زول بيقولك لا بالعكس بشجعوك عليها لكن المشروبات دي صعوبيتها ناتجة لما تمشي تزور ناس ويقدموه ليه لكن الحمد لله الناس بدات تتفهم وربنا يعينا

[okasha]

مرة تانية بكرر الرد دا


التحزير الموجود فى علب السجاير

التدخين ضار بالصحة


والباقى معروف


ودمت يا مصعب

[غيداء نورالدين]

الاخ مصعب والله ربنا يسلم بس هو البيبسي والكولا بس خليها علي الله المهم والله انا بيتنا مابيتخلي عنهم الاثنين ومابقدر اعيش بدونهم اها اعمل شنو

[مصعب الريح]

الأخت غيداء حاولي اشربي الكركدي وممكن المشروبات الاخري كبديل مثل سبرايت ـ سفن اب بالرغم من ان يوجد في تركيبتها مواد غازية ولكنها احسن بكثير من مادة الكولا انتي قومي جربي الكلام دا وان شاء الله بتقدري بتعيشي من غيرهم واذا دا كلو ما نافع فارجو الافادة
ولكي شكري وتقديري

[ابوندى]

مشاركة في الصميم يا اخي مصعب ,, واتساءل اين البيبسى من مشروباتنا القومية الحلوة كالعرديب والحلـــــــــــــــــــــــــــــــــــــــــو مـــــــــــــــــر وعصائر فواكه خيرات بلادى
ولاننسى يا اخي مصعب ان البيبسى وشاكلاته مشروبات غربية .......لماذا ندعم الغرب؟؟؟

[شبرقية]

لا حول ولا قوة الا بالله
كل يوم منتج جديد يودي للسرطان
موامرة واضحة والملاحظ كلها منتجات غربية
مقصودة طبعا

تشكر اخي مصعب الريح ويديك الصحة والعافية
لو امكن اخونا الاعضاء كل واحد يحاول ينشر المعلومات دي
وعوا كل الناس الحواليكم

[المكاشفى]

العزيز مصعب نحن ما احوج اليوم من الامس لمراجعة حياتنا
وعاداتنا الغزائيه وكمان اضافة لمعلومتك انو الغاز المستخدم فى الببسى والكولا مستخلص من حريق
الجاز العادى ولا توجد فلتره جيده شغل كلو بدائى الله يحفظ من لم تتوفر لديه المعلومه
وفوق كل ده الشركتين تدعمان اللوب الصهيونى والعيازة بالله...
دمت ياغالى

[غيداء نورالدين]

الاخ مصعب
شكرا على النصيحة وحنجرب مشروباتنا البلدية ونشوف بتدهضم ولا ]لا"

[wdglas]

قبل ثلاثه ايام فى ابوظبى حذرو من الدايت
بيبسى والسبب هذه المره الماده العازله
داخل العلبه انفصلت عنها مما ادى الى سحب
كل الدايت من الاسواق السبب غير معروف
(بس السبب ربما المواد المذابه داخل البيبسى نفسه)

[خواطر]

بالنسبة للمشروبات الدايت هي المواد التي يتم بها التحلية ك السكرين والاسبرتيم وخلافة هي مواد تتاثر بالحرارة لدرجة وجود تحذير بعدم استعمالها علي النار واو المواد الحارة جدا او الخبز لانها تتفاعل مع الحرارة وتتحول الي مواد اخي قد تسبب السرطان او العمي ولذلك نلاحظ ان البيبسي العادي مدة صلاحيتة هي 10 شهور بينما مدة صلاحية الدايت لا تتجاوز ال 4 شهور وهنا التخزين يلعب دور كبير بعدين اسم بيبسي هو pay evry pens to save israel والترجمة هي ادفع كل بنس لحفظ اسرائيل

[جيفارا]

كل شئ بقي فيهو مشاكل
أخر حاجة قالوا شكولا الكادبوري ربنـــــا يستر من النصيبة الكبيرة اللي الناس ما جايبة ليها خبر وهي المنتجات المعدلة وراثيـــاً . الله يســــتر بقولوا مشاكلها حاتظهر بعد كم سنة كده

[مصعب الريح]

الشكر الي ابوندي ـ شبرقية ـ جيفارا ـ المكاشفي - خواطر وبقول ليك شكراً كتير علي ترجمة كلمة بيبسي