قائمه ال51 المتهمين بارتكاب جرائم حرب في دار فور

[ودالسني]

ضع نفسك مكان احمد هارون وكوشيب ووجهت اليك اتهامات بارتكاب جرائم حرب ضد الانسانيه
في دار فور ماذا تفعل ؟
واي الخيارين تراه جيدا مثولك امام محكمه الجنايات الدوليه بلاهاي ام القضاء الوطني !!

[محمد السر احمد]

طبعا المحكمة الوطنية لانو عمو عمر بضارو لي وبخفف الحكم لانو دافنونو سوه

[MASS77]

لو كنت مكان هارون بتزكر اضراب سامي الحاج عن الطعام
ولو كنت محل كوشيب بمشي البس حجاب اخفاء وبمشي
بس مالمحكمه بمشي لي بوش عديل
وبي جديه بفضل انو اتحاكم امام القضاء السوداني حتي لو ما نزيه
لانو دي بلدي وهم اهلي حتي لو حكموا علي بالاعدام برضو في بلدي

[Madanawi]

السودان دولة ذات سيادة وكمان عضو في الامم المتحدة عشان كده لا اظن ان محاكمة دولية سوف تحدث لاي من المتهمين ، كل الموضوع اوراق ضغط ومسالة كسب وقت ومساحات لاملاءات خارجية

[مدنيّة]

بلادي وان جارت علي عزيزة واهلي وان ضنوا علي كرام

[عماد عبدالشكور]

نحن ما دام روحنا فينا مافي زول بقدر علينا

لا بد من احترام سيادة الدولة
والحمد لله عندنا قضاء مستقل ونزيه لدية المقدرة الكاملة لمحاكمة كل شخص ارتكب جريمة ضد الانسانية او تجاوز القانون

[samah]

المدعي يمثل الحكومه والمتهم نفذ اوامر القياده العليا للجيش وللنظام الحاكم بدأ من البشير وانت نازل فكيف يدين النظام نفسه....................فكيف تدين حكومة نفسها................ياناس انتو نصاح...........محكمة شنو البتقوم في السودان........وياحستري علي دارفور واهل دارفور.........مافي زول جايب خبر

[المسافر]

ضع نفسك مكان احمد هارون وكوشيب ووجهت اليك اتهامات بارتكاب جرائم حرب ضد الانسانيه
في دار فور ماذا تفعل ؟
واي الخيارين تراه جيدا مثولك امام محكمه الجنايات الدوليه بلاهاي ام القضاء الوطني !!

تحية خالصة لك أخي ود السني وإنتَ تطرح مثل هذا الطرح الراقي
وقد ينتادب الإنسان شكوكاً إلى حدٍ ما في القضاء السوداني
فقد قيل بأنه نزيه ولكن هنالك حوادث كثيرة تبين عكس ذلك . .
وعلى العموم برضو بكونوا أحن علي من هؤلاء الذين يدعون
العدالة . لأن مرجع قضاؤنا هو الدين الإسلامي . . لذلك هم
الأفضل على ما أعتقد .

ودمت أبداً

[فادي الماحي]

ح أختار خيار البندقيه

[الشوربجي]

يااخ عماد تحية طيبة .
اولا اختلاف الاراء لايفسد للود قضية .ممكن تسيبونا من الحب الكاذب المبالغ فيهو دا اي نزاهة التي تتحدث عنها في السودان كدي اقعد مع نفسك براحه كدي واحسبها بطريقه عقلانيه من الذي اودي باالسودان الي هذا الدرك .تفسير الاشياء بطريقه عقلانيه خيرا من الهتاف والاوهام .
مع خالص حبي وتقديري
شوربجي

[الشوربجي]

الاخ المسافر اتمني لك عودا حميدا.
تحية طيبة
بعد ان تعود ايها المسافر اتمني ان تسافر مرة اخري لكي تغوص في مرجعياتك وقوانينك التي تتحدث عنها ليس هنالك في السودان شي يدعي قوانين الشريعة الاسلامية اذا كنت تظن ذلك فاما انت جاهل لاتدرك مايدور من حولك او متجاهل او غرر بك ايهما تختار هنالك في بلدنا شي يسمي قوانين الجبهة الاسلامية التي هي تعتبر مولود غير شرعي لما يسمي بتنظيم الاخوان المسلمين وهذا ازفت من ذلك .ممكن نزيد ليك لو عايز الفول كمشه.
مع خالص الود والاحترام .اخوك الشوربجي

[الشوربجي]

خيار البندقية ايها الاخ العزيز ماذا فعل في السودان منذ 50 سنه هاك البندقيه دي وعلي باالطلاق دي
ماتكونو مضحكه واعرفو قدركم

[Madanawi]

اليس غريب يا ود السني ان تطرح قضية للنقاش ولا ترد على أي من المشاركات؟؟؟

اسأل الله ان يكون المانع خير وان نراك ترد على مشاركات الاعضاء قريبا !!

يا شباب افقدوا الراجل ده،،،