مادا تفعل لو كنت مكان هيثم او نجوي؟

[شبرقية]

هيثم احكيلكم حكايتو
قولوا صح مافيهو ريبة
قصتو المشهورة كانت ح
حاصلة قبل سنين قريبة
تبدا بي مشوار غرامم
بقلوب مليانه طيبة
مطوي في الوجدان غرامم
زي خلايق ساترة عيبا
نجوي بت خالتو الوحيدة
ريدو اصبح مبتليبا
كانت اليوم مابتشوفوا
نهارا كلو تكون كئيبة
تبكي لما الليل يهون
وتسمع الجيران نحيب
في اشتياق للقيا دايما
كان بسوقا علي دريبا
ماكتر جات امو داخلة
ودابا وصلت عنقريبا
وبحنان الام بتسال
مالو راقد علو طيبة
اختصر حبل الكلام وقالها
الكلمة الرهيبة
نجوي انا دايرا في حياتي
تكنلي من اليوم خطيبا
الدموع من عينا سالت وردت الام بينحيبا
البنيه هي زين سميحة
وجمال تاجوج نصيبا
وانا من زمان خايفهو قلبك
ريدت البت يبتليبا
الا يهيثم جناي
هيثم جناي
خالتك انت رضع حليبا
وفي الشرع تبقالك اختك
ومابصح لختك خطيبا

لعلي اخطات في بعض الكلمات او نسيت بعض الابيتا والعتب علي الزاكرة

مادا تفعل لو كنت مكان هيثم او نجوي؟

[بت الشبارقه]

ما حا اعمل شيء لانو خلاص الطوبه وقعت في المعطوبه
انت عارفه يا شبرقيه هيثم ود خالتي كان برضو رضع من امي؟ الجميل انو نحن لحدي الليله بنتقالعوا واصلا هو معانا علي طول وبنحبه ونخاف عليه من هبة النسمه

[المسافر]

جميل جداً بأن يكون هناك حب وصدق ووفاء
والأجمل حقاً ومع هذا أن يضع أي شخص
مكاناً يستطيع منه الرجوع . . .
فلا يحب بكل قلبه ومشاعره فقد يقتله هذا الحب
ولا يحب بإستخفاف وإستهتار فيفقد من احبهم

وأعتقد ما حل غير الصبر الصبر الصبر

[مختار بازى]

خالتك انت رضع حليبا
وفي الشرع تبقالك اختك
ومابصح لختك خطيبا

خلاص ارضي بالواقع وبعتكف الحب ما تشام بس............................؟

[Madanawi]

لا افعل سوى انني اقول حسبي الله ونعم الوكيل ، وبعدين دور البيت والاسرة ان يخبرو اولادهم بالمواضيع دي من بدري عشان ما تتجرجر المواضيع ونبقي في جنس الشاكوش ده،،

[شبارقاوية]

لا حول الله والله الله يعينهم
لو انا مكانهم بعمل شنو؟
بعمل
نايم

[الفارس البنفسجي]

العزيزة شبرقية

والله بصراحة دا موقف
آمل ألا أدخل فيه.
ولو وجدت نفسي وسط
هذا الكم الهائل من المشاعر
والإنفعالات ... لازم ارسم
خط أحمر كبييييييييييييييييير
وأقول لي نفسي

قـــــــــــــــــــــــف

[شبرقية]

الشكر الجزيل علي مروركم الطيب
فردا فردا

سوال ع الطاير :
تفتكروا كيف بتكون علاقتهم بعدين
يعني هيثم ممكن يقيف في عرسا لو عرست
وشيل وخت زي كانو اخوها من زمان
وهي ممكن تحننوا زي ماكان ممكن تعمل اختو؟؟؟؟؟

[شبرقية]

ما حا اعمل شيء لانو خلاص الطوبه وقعت في المعطوبه
انت عارفه يا شبرقيه هيثم ود خالتي كان برضو رضع من امي؟ الجميل انو نحن لحدي الليله بنتقالعوا واصلا هو معانا علي طول وبنحبه ونخاف عليه من هبة النسمه

بركه المابقي عمدة

[عصام الدين عموش]

شبرقية يجازي محنك
هو الشفقة ليهو شنو ما يحب بعد ما يتأكد
ولو أنا محلو بحاول أقنعهم بأن عدد رضعاتي ما تجاوز الثلاثة رضعات مشبعات
عشان أمرق من الكربة دي
أو كل واحد يعرس زول تاني لكن السكن يكون بيت واحد
عشان البفوتوا الميري يدردق في ترابو

[شبرقية]

يا استاذ عصام
الحب بيستاذن عشان نسال ندخلوا ولا لا
دا بجي داخل توووووووووووووووووشك

طيبا فرضا انه قالوا رضعوا سنة كاااااملة
ماخلاص الفاس وقع في الراس


عشان البفوتوا الميري يدردق في ترابو
والله مافهت المثل دا
هنا انا البقول ليك يجازي محنك

[بورتبيل]

الحمد لله الما بقيت محلو

اصلي خلاص .. اتلملمتا .. واتزوجتا .. والحمد لله
وتاني ما في حبكانات ولا اي شي من هذا القبيل
لك التحية

[عصام الدين عموش]

الميري يا شبرقية كان زمان في صعيد مصر هو البنقل الناس من التخلف للحضارة يعني بشيل الصعايدة بوديهم القاهرة حيث العز والجاه والميري لما يجي البلدة وما تكوني من المحظوظين في ركوبه عشان يوديك إلى حيث النضارة والأبهة حقو تدردقي في ترابو( أهو زي الركبتيهو)

[samah]

هيثم احكيلكم حكايتو
قولوا صح مافيهو ريبة
قصتو المشهورة كانت ح
حاصلة قبل سنين قريبة
تبدا بي مشوار غرامم
بقلوب مليانه طيبة
مطوي في الوجدان غرامم
زي خلايق ساترة عيبا
نجوي بت خالتو الوحيدة
ريدو اصبح مبتليبا
كانت اليوم مابتشوفوا
نهارا كلو تكون كئيبة
تبكي لما الليل يهون
وتسمع الجيران نحيب
في اشتياق للقيا دايما
كان بسوقا علي دريبا
ماكتر جات امو داخلة
ودابا وصلت عنقريبا
وبحنان الام بتسال
مالو راقد علو طيبة
اختصر حبل الكلام وقالها
الكلمة الرهيبة
نجوي انا دايرا في حياتي
تكنلي من اليوم خطيبا
الدموع من عينا سالت وردت الام بينحيبا
البنيه هي زين سميحة
وجمال تاجوج نصيبا
وانا من زمان خايفهو قلبك
ريدت البت يبتليبا
الا يهيثم جناي
هيثم جناي
خالتك انت رضع حليبا
وفي الشرع تبقالك اختك
ومابصح لختك خطيبا

لعلي اخطات في بعض الكلمات او نسيت بعض الابيتا والعتب علي الزاكرة

مادا تفعل لو كنت مكان هيثم او نجوي؟

كلام ياشبرقيه
قسمتك ياهيثم حسبك الله وهو نعم الوكيل
الكلام دا حقيقه ولا خيال