يااعضاء المنتدي المقيمين بالسعودية .. ارجو المساعدة

[admin]

الاخوة والاخوات اعضاء منتدي ودمدني والمقيمين بالمملكة العربية السعودية
لغرض البحث العلمي ارجو مساعدتي بتوزيع الاستبيان المرفق لأكبر عدد ممكن من الاخوة السعوديين الذين يعملون حولكم .. بشرط ان يكونوا من المستثمرين او المضاربين بسوق الاسهم السعودي.

1- الاستبيان التالي يمكن تعبئته عن طريق برنامج الوورد مباشرة .. لا يحتاج الى طباعة فبعد تعبئته يمكن ارساله مباشرة عن طريق الايميل الى عنوان البريد الالكتروني : bakry01@gawab.com او بريدي الخاص المعروف لدى اغلبكم.
لتحميل هذا النوع اضغط هنا

2- وهذا الاستبيان نفس السابق ولكن للطباعة .. فبعد طباعته وتوزيعه وتعبئته يمكن ارساله لرقم الفاكس : 026225279
لتحميل هذا النوع اضغط هنا

اشكركم سلفاً على مساعدتكم
اخوكم
ابوبكر المبارك

[admin]

يعني شنو ياجماعة لا زول يكسر ثلج .. ولا زول يقول ياخي الطالب النجيب دا كدي النساعدو ونرفعو ليهو موضوعو دا .. ودالمطامير الفي منتدي المشرفين لقي ليهو درب هنا ما غشانا

مشاققة
صحي زي ما قال المسافر منتدي واسطات بس كان ما عندك واسطة موضوعك دا يدردق في النجيلة

[مدنيّة]

يعني شنو ياجماعة لا زول يكسر ثلج .. ولا زول يقول ياخي الطالب النجيب دا كدي النساعدو ونرفعو ليهو موضوعو دا .. ودالمطامير الفي منتدي المشرفين لقي ليهو درب هنا ما غشانا

مشاققة
صحي زي ما قال المسافر منتدي واسطات بس كان ما عندك واسطة موضوعك دا يدردق في النجيلة

وحاة الله يا اادمن انا مافي السعودية وكلمتكم من بدري قلت ليكم شوفوا لي تريقة ابقي مغتربة ابيتوا هسي لو كنت رسلت لي عقد عمل كنت وزعت ليك الاستبيان في الحلة كلها والحلات المجاورة
هي حلة شنو يامدنية حليلك ديك السعوووودية انتي قايلاها السودان مافيها حلل ياخ ما تفضحينا

[نزار حسن محمد]

مدنيه ..وزيعى الاستبيان فى المسعوديه ..ولك الاجر.

[admin]

مدنيه ..وزيعى الاستبيان فى المسعوديه ..ولك الاجر.

بالغتا فيها دي يانزار .. والله حقو الموضوع دا تدمجوه مع نكات المساطيل

[ابورجاء]

هنيالك يا فاعل الخير صدقة وحيدة
تمنع بلاوي كتيرة من قدم شئ بيداه
في الاخره التقاه ....

يا ابور انيا يا طلال ود الصول يا رضا ود عمي
حسن يا شبارقة يا استاذ صلاح يا شوتال يا بت
يا شبارقاوية يا المعز ود طه ويا المعز راجل الدكتورة
ويا منو تاني عشان اخوكم مخرف ما ينسي كل الاعضاء
دي فرصة وجاتكم من السماء اتبركو في الادمن ده ...


ودوما في رعاية الله وحفظه....
مع كل الود باقة ورد...

[ود المطامير]

يعني شنو ياجماعة لا زول يكسر ثلج .. ولا زول يقول ياخي الطالب النجيب دا كدي النساعدو ونرفعو ليهو موضوعو دا .. ودالمطامير الفي منتدي المشرفين لقي ليهو درب هنا ما غشانا

مشاققة
صحي زي ما قال المسافر منتدي واسطات بس كان ما عندك واسطة موضوعك دا يدردق في النجيلة

هههههههههههههههههه
والله يا ( عمدتنا ) جيت غاشى و أنا من الصباح بحاول أفهم فى البضاعه الجبتها لينا دى نوعها شنو ما عرفتها ؟ يا ( عمدتنا ) نحنا ناس جرجير وبصل وفجل ساااى وكاش كدى شوف ناس ( أبو رجاء ) والله شاطر شطاره فى الحاجات القلتها دى .
وأكان شفت موضوعك عاوز يدردق فى النجيله قول عووووووك ولا يهمك رقبت أخوك سداده .

[Madanawi]

بالتوفيق .. لك ولطالبي العلم يا admin

تم تحميل الملف .. وتوزيعه على بعض الزملاء .. ونحن في انتظار ردودهم ،،

[Jamal Elmahi]

الوجيه الادمن
أنا غايتو مع أخوي ود المطامير بعد العولمه ود المتامير ...كان عندك قنقليس ..نبق..تبش..نعناع..لالوب ..آبري ..حرجل..لبان بخور ضكر ..فجل ..بنوزعوا ليك ونملأ عبّك كنجالات أو ضحاكات لكن جنس شغلك دا إطرشني ...بريّه من الطرش...
مشاققه..
شيتك دا كان ما جاب مريسة تامزينو تعالي نسوي ليك معانا كشك في سوق أم دفسو وكمان ناصيه ..والعيشه قاسيه ...وهبوبك ياالله ...طراوه ساي ...
أضعف الايمان رفع الموضوع...

ود الماحي

[ود المطامير]

الوجيه الادمن
أنا غايتو مع أخوي ود المطامير بعد العولمه ود المتامير ...كان عندك قنقليس ..نبق..تبش..نعناع..لالوب ..آبري ..حرجل..لبان بخور ضكر ..فجل ..بنوزعوا ليك ونملأ عبّك كنجالات أو ضحاكات لكن جنس شغلك دا إطرشني ...بريّه من الطرش...
مشاققه..
شيتك دا كان ما جاب مريسة تامزينو تعالي نسوي ليك معانا كشك في سوق أم دفسو وكمان ناصيه ..والعيشه قاسيه ...وهبوبك ياالله ...طراوه ساي ...
أضعف الايمان رفع الموضوع...

ود الماحي

والله يا حبيب القلوب قلت ليهم ... رجعونا للزمن الجميل زمن زولا وحاة الله ينسيك الهم
وصدقنى من هسى أعمل ليهو الكشك سااااى وكان داير يضغط الدبوس أحسن يضغطو من هسى عشان والله بكره يلقاهو مشى الصفحه التانيه مش عشان شئ عشان الناس ولأ أقول ليك قلناها زمان بس كلام القصير ما بتسمع .