ألحق...حبوبتك ماااتت!!!!!!!

[بنت الرفاعي]

وانت في بلد الغربة قاعد مع أهلك أمك وأبوك وأخوانك في أمن وأمان, وفي ليلة من الليالي وتحديدا كدة نص الليل تلفون البيت رن وانت لسة مانمت نطيت من السرير بخلعه طبعا أكيد في مصيبة, لقيت المكالمة من السودان ومن عمك قال ليك حبوبتك مااااااتت حتتصرف كييف أو موقفك حيكون شنو في اللحظة ديك؟؟

الموقف ده حصل معاي قبل عدة سنوات لما كنت في الثانوي (لما كنت مغتربة في يوم من الأيام يعني),
المهم التصرف الاتصرفتو في ناس شافوهو غريب جدا (في الحقيقة أنا نفسي ماعارفة من وين بتجيني الأفكار دي في عز المصايب) مع انو تصرف عادي ولاموني فيهو وبعدين في ناس شافوهو سليم وفي ناس محتارين فيهو ولليوم هو حديث الناس مع انو مرت عليهو سنوات ومع اني شايفاهو منطقي.وبحكي ليكم بعدين بعد ماتوروني انتو حتتصرفوا كيف!

[ودالسني]

العزيزه مرام
المفروض في البدايه
تورينا انت عملتي شنو
وبعدين ياخي حبوبتي
تبرأ صغيره وجاهله
ولسه دايره تقرأوتحضر
كمان ..

[شبرقية]

الله يديها الصحة واعافية
ويبارك في عمرا
مالك علينا يابت
والله ماقدرة اتخيل
يارب تجعل يوم قبل يوم اي عزيز وغالي


الله يرحمها ويغفر ليها حبوبتك
انت اتصرفتي كيف

[بنت الرفاعي]

أخوي ودالسني وأختي شبرقية طيب الله يديكم ليهم طول العمر لكن نفرض فرض ساي طيب أم أمكم؟
أصبروا علي كدة لما أعرف كلام الباقين شنو.
وشكرا ليكم.

[معذة احمد علي]

في حالة زي دي والله ماجابة بقوم بتكل علي السودان طوالي

[شبارقاوية]

الله يديها طول العمر حبوبتى ام امى تبرا
لكن ام ابوى ماتت زمان فحاقول ليك لو ماتت هسى مثلاحاعمل شنو:
بكورك وبلم الجيران وبخلع ناس الحى كله
بعدين بستغفر وبقرا قران وبقول الله يرحمها يومها

[محمد مصطفي]

يا مرام ما عارف اقول ليك شنو لكن حبوبتي صغيره ومشتركه معانا في منتدي ود مدني ده
ههههههههههههههههههههههههههه

طيب نرجع لي الموضوع

في الحاله دي لو الاتوفت حبوبتي ام ابوي بقوم بوري امي اول ولو د
الاتوفت ام امي بوقوم بوري ابوي اول ده لو اتي قاصده الكلام ده

اما اذا قاصده الصدمه ليك انتي زاتك فدي يا ستي

بكي وكوراك بس


ههههههههههههههههههههههه


دمتي،،،،

[مختار بازى]

الله يرحم حبوبتك وحبوباتي الاتنين ماتو مع انو انا تربية حبوبتي
صراحة التصرف ممكن يكون حسب الظرف الانتة ماري بيهو..!


المهم انتي اتصرفتي كيف؟

[الطويل]

[CENTER]ورينا عملتى شنو

والا أقول ليك حاجه انا عارف انتى سويتى شنو




غمرتى !!!!!!!![/CENTER]

[ابوشوتال]

الاثنين انقرضن

لكن لو جاني خبر زي دة ببكي تمام وبنخمد انوم

ربنا ادي الجميع طولة العمر

[المسافر]

طبعاً وأكيد دورتي السكاليب !!!!!!!!!!!!

أنا حصل موقف أمكن أغرب شوية عندما وفاة حبوتي قبل 4 سنوات وكنت في السودان
عند الجيران وجاني ولد الجيران وقال لي حبوبتك ماتت !!! الغريب في الموضوع ما قال
لي حبوبتي منو ( أم أمي ولا أم أبوي ) !!! وطبعاً وأنا ماشي على البيت بسأل نفسي منو الماتت أي واحد فيهم ، وعندما وصلت البيت لقيت السكاليب شغالة تمام وما عرفت أسأل منو . . لكن شاهدت أمي بتبكي بحرقة شديدة جداً وعلى طول عرفت الماتت هي ( حبوبتي أم أمي ) .

لكن ولو حدث لي نفس موقفك . . . طوالي وتوشك بقول ليهم .

[ود المطامير]

حصل لى فى وفاة حبوبتى أم أمى
وعملت ذى ما انتى عملتى يا مراام

[الفارس البنفسجي]

في أغلب الحالات خبر الوفاة
لشخص عزيز أو قريب يكون
في البداية زهول وأستغراب
وممكن الإنسان يكون متماسك
في اللحظات الأولى. وبعد فترة
من هذا التماسك تبدأ معالم
الخبر تتضح رويداً رويداً وعلى
أساسها يكون تفاعل الشخص مع
هذا الحدث والذي قد يصل لدرجة
الإنهيار.
وأسلم المواقف ساعة سماع
مثل هذه الأخبار أن تقول
إنا لله وإنا إليه راجعون

[بنت الرفاعي]

أعزائي
معذة, شبرقاوية, مختاربازي, كبك, أبو رانيا, أبو شوتال, المسافر, ودالمطامير, الفارس البنفسجي..

أحييكم أخواني واخواتي لكن التصرف الإتصرفتو يمكن ما بيخطر على بال بس واحد فيكم قرب شوية لكن حقي كان فيهو انسانية نوعا ما انشاءالله بوريكم يوم السبت إذا الله أحياني.

[الطويل]

أعزائي
معذة, شبرقاوية, مختاربازي, كبك, أبو رانيا, أبو شوتال, المسافر, ودالمطامير, الفارس البنفسجي..

أحييكم أخواني واخواتي لكن التصرف الإتصرفتو يمكن ما بيخطر على بال بس واحد فيكم قرب شوية لكن حقي كان فيهو انسانية نوعا ما انشاءالله بوريكم يوم السبت إذا الله أحياني.

والله الشمار عايز اقتلنا

الله اصبرنا لى يوم السبت والله استر ما يوم السبت تجى تقولى لينا خلوها للسبت الجاى

[المسافر]

أعزائي
معذة, شبرقاوية, مختاربازي, كبك, أبو رانيا, أبو شوتال, المسافر, ودالمطامير, الفارس البنفسجي..

أحييكم أخواني واخواتي لكن التصرف الإتصرفتو يمكن ما بيخطر على بال بس واحد فيكم قرب شوية لكن حقي كان فيهو انسانية نوعا ما انشاءالله بوريكم يوم السبت إذا الله أحياني.

نحن منتظرين أسبوع كامل وبعد ده تجي تقولي يوم السبت

كويس أرجوك خليها يوم الأحد عشان أنا يوم السبت إجازة

[طلال الصول]

لو في الغربة وبراك وكدا المفروض يعنيي تدمدمي وتنمومي والصباح احلها رب العباد
اكان علي حبوباتي الاتنين ربنا يرحمن ويكنن الجنة

[طلال الصول]

اها السبت لسة ما جاء
احنا عندنا هنا الليلة يوم السبت
لأنو قبال الناس بي تلاتة ايام احنا

[ابورجاء]

اها السبت لسة ما جاء
احنا عندنا هنا الليلة يوم السبت
لأنو قبال الناس بي تلاتة ايام احنا

عليك دينك يا طلو اسه انت ما قلبك ميت
الناس في شنو والمشوكشين في شنو
والله امانه ما وقع راجل في زول قال ليك توريني
انك مشوكش ما كلموك القبلك قالو ليك ابو رجاء ده
مسحوب من لسانو وجنو شمارات اها انت في الحالة
دي زي ما سألت حبوبتنا مرام اقصد اختنا مرام يعني مفروض ومن
منطلق الشاكوش الانت ماخدو يكون بالنسبة ليك عادي الموقف
يعني بما ان اثار الشاكوش لسه ظاهر للعيان فبنقول على وزن قالوا
ونتجنب تكاتل الانشطار مع كتل البشر (اها البيحصل زي الحصل لي ده )
واختنا مرام الله لا وراكم الحصل ليها والله اصلوا ما تتوقعهو
يعني شئ كده ما معقول شئ ما بيتوصف يعني ما عارف اقول ليكم شنو
المشكله الواحد زاتو ما مصدق الشئ ده حصل كيف لكن مضطر اوريكم

حصل



















اغفر لي يا رب حرقت ليها الفلم حقها




حصل

















معليش يا مرام يا اختي لازم اوريهم عشان ما بيقدروا ينتظروا
لحدي يوم السبت والله بعيد السبت اها الحصل













كدي تعالو وراي عشان ما حد يسمعنا
















هو الحصل شنو يا مرام ما كلمتيني ....



ودوما في رعاية الله وحفظه...
مع كل الود باقة ورد.....

[مختار بازى]

أعزائي
معذة, شبرقاوية, مختاربازي, كبك, أبو رانيا, أبو شوتال, المسافر, ودالمطامير, الفارس البنفسجي..

أحييكم أخواني واخواتي لكن التصرف الإتصرفتو يمكن ما بيخطر على بال بس واحد فيكم قرب شوية لكن حقي كان فيهو انسانية نوعا ما انشاءالله بوريكم يوم السبت إذا الله أحياني.

والله بدينا نخبط ايكون وايكون كدا

لســــــــــــة السبت ما جا.......؟

[الشريف الهندي]

يا ابو رجاء والله بالقت عديييييييييل اسه انا قايلك خبت الخبر ..... لا حوله ولاقوة الا بالله

[راشد خضر]

يا مرام ربما قتلتي عنصر المفاجأة لدي ، فلكأنك ألزمتِني بتصرف مُعين فيما لا قدر الله حصل هذا ، وبما أن الموت حقٌُ وسُنةٌ للحياةِ ، فربما يُوجه هذا السؤال للجدة ! : ماذا تفعلين إن سمعت بخبر موت حفيدك

[الشريف الهندي]

الغاليه مرام تحياتي ليك طبعا شختفتي روحنا شديد والخوف تطلعي ماعملتي اي حاجه غير انك شنقتينا معاكي بس ههه ليك كل الود وربنا يرحم حبوبتك ويسكنها فسيح جناته
.................................................. ....................................

يلا تابعي معاي انا الحصل لي شنو في وفاة حبوبتي عليها رحمه الله أم ابوي توفت من اعوام وفي نفس يوم وفاتها كنت معاها الصباح وكنت باحكي ليها عن وفاة واحد من جيرانا بعيد منهم وخكيت ليها لحظة وصول الخبر لينا اول ناس ومشينا جبناهو من المستفى بالليل وكان معاه ولده فقط حينا وحكيت ليها لحظات عشل الجنازه وتكفين الميت والشي العجيب اني كلمتها بأن الكفن الكفناهو بيهو كان حقي وكنت خاتيهو معاي في دولابي علشان يكون لي عظه دائما واني كنت مدخره لنفسي ...( كان كفن مميز حج وعمر واتغسل بموية زمزم ) ففجأه اتخلعت عليها رحمة الله وشاكلني واستنكرت علي اني احتفظ بكفن في البيت .. واخبرتها اني احتفظ بيه منذ وفاة زميلي بالجامعه فبعد وفاته فمت انا وتحدث للزملاء والزميلات بان الموت المر على زميلنا المرحوم الصادق ممكن يحصل لأي واحد فيها ووريتهم كفني وشريتو قدامهم ووريتهم السبب ان يكون عظه لينا وكل ما بافتح دولابي بالقاهو قااااااااااااااااااعد يعاين لي واعاين ليهو ....فبتنكسر النفس والواحد بيتذكر وبيعود لعقله وبيخلي باله ... المهم حاولت اهدي حبويتي المرحومه شويه بعد ما اتهجيت فيني شديد ربنا يرحمها المهم وواصلت ليها الحكايه وحكيت ليها وكت كنا بنغل في الجثمان وهو ماقادر يتكلم ولاقادر يتحرك ولاقادر يقول اي حاجه ولما ولده كب المويه في خشمو وماقدر يطلعها ... يعني مواقف بس ربنا يرحمنا برحمته ...المهم قعدت تبكي شدييييييييييييد وقالت لي الزايله ياحليلنا فيها ... قلت ليها ربنا يطول في عمرك ويديكي الصحه والعافيه وتحضري ولادة اولادنا وقرايتهم . طوالي قاعده تدعي لينا بكده ... المهم بعد شويه قعدنا نضحك وقعدت اكوس في النكت كواسه واحكي ليها وطلعتها من الموضوع ... لكن المشكله انا بقيت اتوه في ملامح وجهها كتير وكل لحظه اتلفت عليها واعاين فيها مسافه طويييييييييييييييييييييله وفجاه تتلفت علي اقوم اقبل منها اتكررت المسأله كم مره وفي النهايه حسيت باحراج واستاذنت وطلعت منها واصرت علي اقعد افطر معاها لكن كنت خجلان منها وزغت طوالي واتحججت ليها باني ماشي ناس البكا . وطلعت ... لكن مشيت قريب وجيت راجع بعد كم ساعه لفيتها نايمه واتفاجأت بانها نايمه وخاته راسها في المخده ودي حركه غريبه جدا واول مره تعملها في حياتها ماكانت بتحب النوم في المخده نهائيا بتخت التوب تحت راسها وتنوم فاستغربت من الحركه دي وسالت بت عمتي قالت لي والله ماعارفاها الليله جابت ليها حركات غريبه كل صلاه بتستحم ليها وتتوضى وتصلي وقبل شويه مرقت علي ناس فلانه وفلانه وجات منهم سريع ديل صاحباتها وجيرانها المهم مشيت وجيت راجع تاني لقيتها دايره تصلي العشا برضو استحمت واتوضت وصلت ولاقتني بابتسامه كبيييييييييييييييييييره وعاينت فيها وسلمت عليها من جديد زي الجاي من السفر وقعدت جنبها وقالت لي اعفي مني ياولدي ...فاستغربت لأنها كل مره بتقول لينا عافيه منكم المره دي قلبتها مالا وقلت ليها ياحاجه البعفي من التاني منو كدي قولي باسم الله واعفي مننا انتي فقالت لي عافيه منك ومن ابوك وامك واخوانك واخواتك وابقة عشره على رقبتكم . هنا اد استغرابي شديد وقبلت عليها وقلت ليها ده كلام شنو ده ياحاجه انتي مالك صرت وشها وقالت لي ما بعرفو ياولدي فلما اتوترت معاها واتغيرت شديد ...غيرت هي الموضوع بسرعه فاتمالكن مفسي وقصرت الكلام فقبلت على بت عمتي وقالت ليها يابتي مارتبتي البيت مالك قالت ليها والله تعبانه ياحبوبه ولدي ده عيان وتاعبني درت عليها قالت قومي رتبي البيت ده قبل ما يجيكم شي يحميكم الترتيب . هنا انا تاني اتهيجت شديد ولم اتمالك نفسي وقبلت عليها وقلت ليها ياحاجه انتي مالك الليله تاني قالت لي ما بعرف يا ولدي ...طبعا انا بقيت الدنيا كلها ماشايلاني وماعارف اتصرف كيف وعلشان اطلع من الجو ده مرقت من غرفتها وناديت بت عمتي وسالتها قالت لي والله انا زاتي مستغربه شديد فاتدسيت ورا الشياك وقيت متابع حركاتها فوجدتها بتتصرف طبيعي ماعندها اي تصرف غريب او جديد ..... المهم الى بعد العصر وانا مازلت ماقادر امشي افارقها قالت لي تعال سوقني دايره امشي لحاجه (ففلانه ) قلت ليها على راسي يلا اوديك وفعلا سقتها مشت لصاحبتها برضو مره عجوزه لما دخلت عليها اول حاجه قالت ليها اعفي مني وانا عافيه منك واتونست معاها شويه وتاني وديتها لبيت عمتي بت ابوي الكبيره برضو نفس الفلم يتاع العفو وطلعنا ينا لباقي عماتي اخوات ابوي من ابوهو برضو نفس الفلم بتاع العفو وكل مره تقول لي انا عافيه من ابوك ورضايه عليهو وبوي كان بره السودان الوقت داك ..... المهم جينا راجعين البيت وكلمت عمتي جابت فتيل الريحه وريحتني واتريحت وبرضو كانت اول مره في حباتها تتريح بفتيل الريحه الحاجزه لأنها ما بتنفع معاه ..... بتتريح بارياح خاصه ليها ...... فاستغربت تااااااااااااااااني من التصرف ده يلا ياستي قعدت معاها شويه وفكرت استاذن منها والكلام ده بعد المغرب قريب العشا قلت اصلي العشا في الجامع وافوت منها فاستاذنت منها وهي كانت خلاص مستنيه العشا علشان تتعشى وتاخد علاجها وتنوم فودعتها في آخر وداع ولم اعلم وفارقتها ... ومشيت ناس البكا جيرانا وقعدت معاهم لى الساعه عشره تقريبا وكنت تعبان جدا اليوم داك فاستاذنت منهم ومشيت نمت ...كان اخوي بكره عندو امتحان في الكليه وقاعد يذاكر رقدت نمت ونبهت عليهو ما سصحيني لأي سبب ولا يزعجني .. وفعلا نمت وقبل ما انوم بديت اتذكر في ملامح وجهها بالتفصيل ولقيت صورتها قدامي وما قدرت انوم الى بعد مساقه نمت وفجأه صحاني اخوي فكنت متضايق وقبلت عليهو وقلت ليهو مالك ياخي مالك ؟ بضيق شديد فسكت مسااااااااااافه فاتلفت عليهو وسالته تاني ... قال لي حبوبتي ماتت ... فمت من السرير ويديت اسال فيهو الكلمك منو ويجاوبني بتين ويجاوبني طيب المات منو فيجاوبني والكلمك منو قيجاوبني طيب بتين ووين ... المهم بقيت زي الاهبل باسأل السؤال باخد لفه حول نفسي وتاني اساله سؤال تاي فيجاوبني وهكذا استمر الحال الى ان علا صوتك شويه فانتبهت فكلمني بالخبر وحينها تيقنت ... لكن كان القلب يكره ان يصدق مثل هذا الخبر ولم استطع ان اقف على رجلي وتاني سالته فلم يرد المره دي فجهزت نفسي للمشي لبيتها وعرفت انها اتوفت في المستشفى وساقوها بعد ما طلعت منهم بساعتين وفي باب المستشفى بعد ان سلمت على البواب لأنها كان دائما بتجي المستشفي فكلهم بيعرفوها من البواب لكل الدكاتره ... بعد ان سلمت على البواب نطقت الشهاده كامله وسلمت روحها لمولاها .... انا اتجهت للبيت ولم اتجه للمستشفى كنت خايف ان تكون وصلت الالبيت وجهزوها وماشين على الدفن قبل ما اشوفها واتاكد من انها ماتت زي الزول جارنا الكفناهو وغسلناهو ...وفعلا وماهي الا دقائق ووصلت العربيه الفيها المرحومه ومعاها عمتي وعمي واولاد اعمامي وعماتي وحالهم لايسر حبيب ولا عدو .. اللحظه ديك انا كنت عايز اركب في العربيه وهي ماشه علشان كل الكان قدامي ان اشوف وجهها فقط هل هي حيه ولا ماتت فعلا ولا الناس ديل كضابين ولا الحاصل شنو لأني للحظه دي ما اقدر اتخيل الكلام ده وفعلا اعترضت العربيه وحاولت اركب لكن الناس الكتار والعربيه ماشه ... المهم صبرت لحدي ما العربيه اتوقفت والناس شالت الجثمان ودخلو البيت ودخلت معاهم وفعلا فتحت وشها وبقيت اعاين في الملامح الشفتها وحفظتها قبيل ياها حبوبتي وقدر ما حاولت اتكلم معاها واسالها واحرك فيها ماردت علي . انا لله وانا اليه راجعون ربنا يرحمها وانتهينا من التغسيل والتكفين وفي اللحظه ديل وقبل صلاة القجر كان العالم كله اتلم حولينا وكل الناس البعاد والقراب والفي ابعد مكان وصلو وبعد صلاة الفجر دفنت عليها رحمة الله الى اليوم التاني انا كنت متخيل ان عندنا مناسبه زواج والناس الكتار ديل قاعدين معانا في البيت وكنت مع الصباح عايز امشي ادخل عليها في غرفتها اشوفها كيف اصبحت وانا كنت جادي جدا جدا وفعلا مشيت الى ان لاقتني بت عمتي الكانت معانا امبارح وقالت لي حبوبتي كانت حاسه حتموت تتذكر قالت لي رتبي البيت قبل ما يجيكم شئ يحميكم الترتيب واللحظه دي بديت اتدارك في نفسي واتذكرت كلامها وكل حركاتها وانفاسها في اللحظه ديك . لا اله الا الله محمد رسول الله ... رجعت واستغفرت الله وفي نفس اليوم بالليل ونحن مازال فيها الظهر قد انقصم والروح قد بليت والجسد ... ومازلنا نعاني من فقد أم وعميدة لأسرت ممتده الاطراف أم لعالم بأكمله ام لكل الجيران ولكل الايتام ولكل المحتاجين وكل الشباب ولكل الرجال والنساء ... ألا رحمك الله واسكنك في فسيح جناته والهمنا الصبر على فقدك يا غاليه ... لتسكني في رحمت الرحمن والى جوار .... ( يس ) فطالما كانت تردد أيتي ( يس * والقرأن الحكيم ) ولم تفارق الكلمات لسانها طيلة حياتها .. رحمك الله بحق ياسين وبرحمت منزل القرآن الكريم .........

************************************************** ******************

الرائعه moram اعتذر لأطالتي وخروجي عن الموضوع ولكن الحديث اخذني الى ذلك التاريخ البعيد فلم تزل كل الاحداث حبيست في خاطري وانتي اليوم خليتيني احكي واحكي
لكي تترحمو كلكم معي على روحها الطاهرة عليها رحمت الله ..... اللهم ارحم كل اموات المسلمين والمسلمات واسكنهم في فسيح جناتك وارض عنهم وعاملهم بما انت اهل له ولا تعاملهم بما هم اهل له وارحنا اذا صرنا الى ماصارو اليه يا ارحم الراحمين

[بنت الرفاعي]

والله يا أخوي الهندي قصتك بالجد محزنة والله يرحمها ويدخلها فسيح جناته, والعفو ياخ البوست كلو ليكم ولحكاويكم وآراءكم وكلامكم.

أبو رانيا إتعلم الصبر عارف مع انو ماكانت حركة مقصودة شحتفة الروح دي على قولة أخوي الهندي لكن مامشكلة حلوة برضو.

[بنت الرفاعي]

المسافر أكان خليتو للأحد أبو رانيا بشيل حالي أحسن اخليها السبت أكان ما اتكلت انا ذاتي.

طلال ما معقولة أدمدم وأنوم؟؟ أنا ما إدمدمت ونمت لكن عملت حاجة تانية,
طبعا الضايع في ده كلو أبوي يا جماعة ناسين إنها أمو ولا شنو؟؟