نـــــــــــــــــــــــــــــــــــــــــــــــــ ـــــــــــــــداء لكل الاعضاء

[ودالسني]

مبادره رائعه طرحتها صحيفه الدار للتضامن مع خالد حسن المشترك السوداني في برنامج (البوم نجوم العرب ).
ونشكر خالد كثيرا علي هذه المشاركه التي ستغيرالكثير مننظره الشباب العربي لرصيفه السوداني ولتؤكد أن جسور التواصل ممتده ..وخاصه وانه أظهر جراة ممتازه واداء لا يقل أمتيازا للاغنيات العربيه ..
وقد عم الحزن ربوع السودان مساء السبت الماضي عندما وقف مدير فريق (شمال افريقيا )ببرنامج البوم نجوم العرب وقال أن ان الشاب خالد حسن هو (الصوت الاضعف )خلال الاسبوع الماضي وينبغي عليه أن يدخل في تنافس مع مشترك جديد من تونس يتأهب ليحل محله ،ليبقي التصويت من قبل المشاهدين هو الفيصل ..
ساندوا( خالد السودان) ..صوتوا له تضامنوا معه ..أنقذوه من منطقه الخطر .. حرروا له شهاده عمر فني جديد حتي يستمر بالبرنامج .. تذكروا الدموع التي اغرورقت بعينيه وهو يقول (اننا كسودانيين لا تخيفنا القنبله الذريه ناهيك عن منطقه الخطر ) ..أرفعوا راسه عاليا ..ثبتوا أقدامه حتي نفخر به ونباهي العالم العربي بمطرب شاب صاحب صوت مميز وحنجره تسكنها عصافير الطرب !!
ولانحسب أن اكتساحه لمنافسه التونسي بالامرالعسير الصعب ..
مصيره في الستمرار بالبرنامج متوقف علي رسائل أهله في السودان ..هل ياتري سنبخل عليه برساله sms..
تذكروا الارقام جيدا .. فالرساله ينبغي ان عليها (2) وترسل علي الرقم (1424موبيتل) و(1433 أريبا) ..
وانشاء الله حيفوز ..

[samar_taha]

الاخ ود السني مبادرتك لا تقل روعة عن مبادرة جريدة الدار , وبالفعل بالرغم من أني لست من متابعي هذه البرامج إلا أن وجود إسم السودان في منافسة عربية بهذا الحجم وحده يكفي ليملئنا فخراً واعتزازاً , فما بالك إذا كان المتنافس صاحب حضور متميز وصوت عذب وإطلالة سمراء رائعة تضفي عليها روحه المرحة مزيداً من الإشراق .
لذا كان جدير بالاعجاب ومن حقه علينا أن نشد على يده ونشاركة بكل ما نملك .
أسأل الله له التوفيق ولعلمنا دوما الرفعة والسمو

[ودالسني]

samar-taha
شكرا علي مرورك
لقد حطم خالد عقبه السلم الخماسي واكد انها ليست
عقبه صعبه ولا تمثل حائلا ما بين الغناء السوداني
والغناء في الخليج العربي وشمال افريقيا ..

[مختار بازى]

بالتوفيق ان شاء الله للاخ خالد في مسيرتة الغنائية التي يمثل فيها السودان قبل كل شيء




وحقيقة اشهد لكم بوقفتكم مع الاخ خالد انت وشبرقية وsamar-taha

ومن هنا اقول لة سر ونحن من معك ان شاء الله

وبالتوفيق وما التوفيق الا من عند الله

[ودالسني]

العزيز مختار بازي
الف تحيه
نتمني ان يواصل خالد
المشوار وقدبدا كل العالم
يتعرف علي نجم سوداني
قــــــــــــــــــــــــــــــــــــــــادم

[ودالسني]

وهاهي شركه اريبا تواصل مشاركتها
الفاعله في المجتمع وتقدم مبادره تشكر
عليها كثيرابتفخيض 50% علي سعر
الدقيقهأو الرساله لكل من يرغب في
التصويت لخالد..

[بنت الرفاعي]

بس علشان السودان وناسه نتمنى انو يفوز وعلشان يوصل الصوت السوداني للخارج مايكون حكرا على السودان بس نتمنى له التوفيق انشاءالله.

[ودالسني]

مرام
تحيه طيبه
كلنا نتمناه ان يفوز
لكن ليست الاماني
وحدها نريد تصويتك له
واكيد ماحاتقصري

[s nger]

كل التوفيق الى الفنان خالد وانشاء الله يكون سفير الغناء السودانى الرجاء من جميع السودانين فى الداخل والخارج ان يصوتو الى ابن السودان والشكر للجميع

[Bet-alsudan]

الصراحة شي جميل جدا ويستحق ان يفخر به ... ان شاء الله نحن معاه واشكرك اخي ودسني على المشاركة الرااائعة دي والخلتنا نفرح ونعتز وما نستهين بانفسنا ....

وان شاء الله يفووز

[طلال الصول]

وفعلا احنا كسودانين محتاجين لي صوت ينشر الاغنية السوداينة على المستوى العربي
ونقلها الى ابعاد جديدة ورؤيا اوسع
بالتوفيق ونقول ربنا معاك

[المكاشفى]

للامام ياخالد وربنا معاك ومبادرهطيبه
وليعلم الجميع اننا موجودون نتمتع بما يتمتع به
الاخرون من جمال صوت وابداع فى شتى المجالات
بس ندى انفسنا فرصه وسوف نثبت للجميع

[النزير محمد شريف]

والله مبادره رائعه

اتمني ان يقف معه كل سوداني عشان بلدنا

واريبا كمان عندها مبادره رائعه في هذا الاتجاه

امنياتي له بالفوز


مع مودتي

[شبرقية]

امس كانت اول مرة اسمع فيها خالد يغني سوداني
صوت قمة في الروعة
وان شاء الله راجع للفريق

[ودالسني]

لسان حال خالد يقول :
تصور كيف يكون الحال
لو ما كنت سوداني
واهل الحاره ديل أهلي
لو ما جيت من زي كان
واماساتي واسفاي وأزلي

الف مبروك لخالد اكتساحه
لمنافسه التونسي بنسبه
لم تسجل من قبل في البرنامج

الف شكر لكل من صوت لخالد

[Madanawi]

بالتوفيق يا سفير الأغنية السودانية .. دعمه واجب علينا جميعا ،،

أتمنى أن أرى السودان وعلمه يتلألأ في جميع المحافل الأقليمية والدولية ،،،،،،