بابا بغسل العدة

[أبوياسر]

بابا بغسل العدة وبابا بغسل العدة
يلبس الفوطة يكنس الأوضة
يجهز الأولاد يلحقوا الروضة
بابا بغسل العدة وبابا بغسل العدة
أمي قالت ليو جيب معاك دكوة
وأمشي للغسال إتناول المكوة
أمي في السرير تضرب المنكير
وبابا شغلوا كتير حيلوا إنهدا
أمي قالت ليــــــو أوعا تتهدا
تضربوا أم دلدوم وحلقو إنسدا
بابا في المكتب يمضي في ورقة
ورقة في ورقة ورقة في ورقة
يلحق المطبخ يطبخ المرقة
وبابا بغســــــــــــــــــل العــــــــــدة

هذا النوذج موجود بيننا وهذه دعوة للنقاش
هل هذا النموذج موجود حقيقة؟
هل أنت مستعد تكون مثله؟
مارأيك أنت فيه؟
ما رأيك أنتي فيه؟
هل هي دعوة للمشاركة؟ وهل المشاركة لهذا الحد تظل تحمل نفس الإسم مشاركة؟
علماً بأن رسولنا الكريم صلي الله عليه وسلم كان يقيم البيت ويخصف النعال ويرقع ثوبه
وقال خيركم خيركم لأهله وأنا خيركم لأهلي فهل نموذجنا أعلاه مطبق لحديث الرسول صلي الله
عليه وسلم أم مزود العيار حبتين؟؟
أتمني إثراء هذا الموضوع بأرائكم

[الفارس البنفسجي]

الغالي ابوياسر

موضوعك جيد جداً وهو يمس قيم وسلوكيات
كل بيت وحتماً هذه السلوكيات لها دلالاتها.

الحياة الزوجية .. مشروع شراكة راقي جداً
ولا أعتقد أن هذه الشراكة تعني غسيل العد
أو غسيل الهدوم .. ولا شد الملاح ونظافة
البيت.

مدخل أول
من حق الزوجة أن يأتيها زوجها بخادم للبيت

مدخل أول مقلوب

ليس من واجبات الزوجة أن تطبخ أو تكنس
أو تغسل أو تكوي لزوجها !!!!!!!!!!!!!!!!!!!


مع التحية

[صلاح ودالطاهر]

اولا في التبادي شكيت محنك كدي برجعليك موضوعك حلو

[هشام السماني إبراهيم]

الاخ ابو ياسر

لقيتك صعب لعلو دا حاصل فيك

موضوعك جميل وانا شخصيا شفتا الرجال البتمشيهم المدام وللاسف الشديد كتييييييييييييييييرين

بس العاوز افهمو الواحد منهم فكرتو بتكون شنو لي لي لي ؟؟؟؟؟؟؟؟

رغم انو الزوجة المعروف والمفروض انها تسهر على راحت زوجها لكن لو العرس بعمل كدا احسن الواحد افضل عزابي


اخوك العزابي هشام / Doom99

[صلاح الدين محمد]

عزيزي / ابوياسر

سلامات والله الموضوع عندو عدة جوانب ومفاهيم

في البداية شنو يعني الراجل لمان اغسل العده

هل هذا بعني انو بقي ما راااااااااااااجل

ولا لمان اورق الخضرة برضو ما رااااااجل

ولا ده بنقص شي من رجولته

اكيد لا لان الحياة بين الرجل والمراة مبداها المشاركة والمودة والالفة وكتير من العاني

السامية الجميلة والدليل علي ذلك هل لو ان المراة موظفة مهندسة او دكتورة اواوا

وما اكثرهم اليوم في كل القطاعات . فهل هذا ينقص من شان المراة ونقول مثلا علي نفس

الفهم انو انوثتها ناقصة او ده ما مرااااااااه.

وبعدين الكلام ده موجود في ثقافة انسان السودان القديم وليس في عقلية انسان السودان

الحالي والدليل تقلب الموازين في شكل التكوين الاسري الحالي .

فالظروف الاقتصادية ليها دور في تغير احوال المجتمعات يعني كلما كانت الاوضاع سيئة

كلما طرا تعديل في المجتمعات وربك استر من الضغوط الاقتصادية عشان ما نشوف نموزج

جديد من با با اغسل العدة

[أبوياسر]

الغالي ابوياسر

موضوعك جيد جداً وهو يمس قيم وسلوكيات
كل بيت وحتماً هذه السلوكيات لها دلالاتها.

الحياة الزوجية .. مشروع شراكة راقي جداً
ولا أعتقد أن هذه الشراكة تعني غسيل العد
أو غسيل الهدوم .. ولا شد الملاح ونظافة
البيت.

مدخل أول
من حق الزوجة أن يأتيها زوجها بخادم للبيت

مدخل أول مقلوب

ليس من واجبات الزوجة أن تطبخ أو تكنس
أو تغسل أو تكوي لزوجها !!!!!!!!!!!!!!!!!!!


مع التحية

حبيبنا الفارس البنفسجي
أشكر مرورك الأنيق والإضافة الثرة
ورأي النهائي بكتبوا بعدما أشوف مداخلات الأخوان
تسلم ياغالي ولك تحياتي

[أبوياسر]

اولا في التبادي شكيت محنك كدي برجعليك موضوعك حلو

ود الطاهر
مالك مستعجل كدا ياأخوي
لسع ما غسلت عدتك ولا شنو؟
نحنا قاعدين أمش غسل بسرعة وتعال

[أبوياسر]

الاخ ابو ياسر

لقيتك صعب لعلو دا حاصل فيك

موضوعك جميل وانا شخصيا شفتا الرجال البتمشيهم المدام وللاسف الشديد كتييييييييييييييييرين

بس العاوز افهمو الواحد منهم فكرتو بتكون شنو لي لي لي ؟؟؟؟؟؟؟؟

رغم انو الزوجة المعروف والمفروض انها تسهر على راحت زوجها لكن لو العرس بعمل كدا احسن الواحد افضل عزابي


اخوك العزابي هشام / Doom99

حبيبنا هشام
أنا علي المسح ولولي الشفع
وبغسل بزتي
وبورق خدرتي
وبسمع كلام مرتي
أها إنت بعد دا كلوا بتعرس ولا حا تظل عذابي كدا
والله وبعيدا عن المزاح الحياة الزوجية مافي أجمل منها
والله نصيحتي لكل شاب ما إتزوج بقول ليهو إتزوج اليوم قبل بكرة
لأنو والله حا تندم علي أي يوم قضيتوا عذابي ونحنا المواضيع دي بنثيرها
لأنها بتمثل شريحة بسيطة جدا جدا وفيها نوع من الفكاهة أكثر مما هي قضية إجتماعية
لك أمنياتي بحياة زوجية خالية من غسيل العدة

[أبوياسر]

أخونا صلاح الدين محمد
ياشباب يا أخوان يا رجال
أخوكم صلاح بطرح عليكم أسئلة وهي :
شنو يعني الراجل لمان يغسل العدة هل دا معناها إنو ما راجل ؟
ولا لمان إورق الخدرة برضو ما راجل ؟
أنا بحول الأسئلة دي ليكم !!!!!!!!!!!!

[رضاك ياصفيه]

هههههههههههههههههههههههههههههههههههههههههههههههههه هههههههههههههههههه
أمي قالت ليو جيب معاك دكوة
وأمشي للغسال إتناول المكوة
عام 2200 الكلام دا بكون حقيقي بس وين تلحقووووووووووووووووووووووووووووووووو

[الفارس البنفسجي]

حبيبنا الفارس البنفسجي
أشكر مرورك الأنيق والإضافة الثرة
ورأي النهائي بكتبوا بعدما أشوف مداخلات الأخوان
تسلم ياغالي ولك تحياتي

نحن على أحر من الجمر نترقب

[أبوياسر]

هههههههههههههههههههههههههههههههههههههههههههههههههه هههههههههههههههههه
أمي قالت ليو جيب معاك دكوة
وأمشي للغسال إتناول المكوة
عام 2200 الكلام دا بكون حقيقي بس وين تلحقووووووووووووووووووووووووووووووووو

رضاك ياصفية
لغاااااااااااااااااااااااااااااغية 2200
أسأل ناس هناي دا في 2007 حاصل
لك عاطر تحياتي

[أبوياسر]

نحن على أحر من الجمر نترقب

حبيبنا الفارس البنفسجي
عليك الله دا ما حاصل
وخصوصاً أخوانا ناس السعودية ودي فيها نكتة برسلها ليك في الخاص
وتسلم يا غالي

[المكاشفى]

وعده فى عده ايامنا تتعده
ياابو ياسر مالك والفضائح
ماتخلى الطابق مستور ياخى
(وعلى راى الجماعه المابتهرشو مرتو ماراجل)

[شبارقاوية]

لا حول الله انا مع مبدا الراجل البيساعد فى البيت بس ما بحترم الراجل البيصل لمرحلة العدة والمرة تضرب فى المنكير

[معذة احمد علي]

والله مافي حاجة يعني شنو مابريدة وقطوع قلبة عليها وماعيزة تتعب ويعني شنو الراجل يغسل العدة ما عادي مابيساعد المدام وعادي وياما بنشوف اكتر غسيل عدة ولولي شفع وما خفي كان أعــــظم .
وشكراً علي الطرح

[طارق محمد الحسن]

الحياة الزوجية مشاركة وماعيب انو الزوج يشارك زوجتو فى عمل المنزل لكن فى بعض الرجال بيشوفو المسالة عيب لكن هى تكامل ومشاركة ليس الا ودمتم .......................

[صلاح الدين محمد]

حبيبنا / ابو ياسر

الحياة الزوجية مبنية علي التكامل والمشاركة

وده كلو بعتمد علي درجة الاحترام والمودة والحب الذي يربط الطرفين

فلو في شي بسيط من الالفة والمودة اكيد غسيل العدة والمكوة وووو شي طبيعي

[مدنيّة]

الحياة مشاركة وزي ما تفضلت انه الرسول (ص) كان بيساعد زوجاته في البيت
بس حتة انه يعمل شغل البيت وهي بتضرب في المنكير دي واسعة حبتين ومابتتهضم

[أبوياسر]

وعده فى عده ايامنا تتعده
ياابو ياسر مالك والفضائح
ماتخلى الطابق مستور ياخى
(وعلى راى الجماعه المابتهرشو مرتو ماراجل)

المكاشفي
والله بس نقول يا المكاشفي يا أبو عمر
دا كلام شنو يا الشيخ قلت لي ( الما بتهرشو مرتو ما شنو؟؟)

[أبوياسر]

لا حول الله انا مع مبدا الراجل البيساعد فى البيت بس ما بحترم الراجل البيصل لمرحلة العدة والمرة تضرب فى المنكير

شبارقاوية 100 ال 100
إنصر دينك يا شيخة

[أبوياسر]

والله مافي حاجة يعني شنو مابريدة وقطوع قلبة عليها وماعيزة تتعب ويعني شنو الراجل يغسل العدة ما عادي مابيساعد المدام وعادي وياما بنشوف اكتر غسيل عدة ولولي شفع وما خفي كان أعــــظم .
وشكراً علي الطرح

بري ما فوقا حاجة !!!!!!!!!!!!!!!!!!!!!!

[أبوياسر]

[/COLOR];190671]الحياة الزوجية مشاركة وماعيب انو الزوج يشارك زوجتو فى عمل المنزل لكن فى بعض الرجال بيشوفو المسالة عيب لكن هى تكامل ومشاركة ليس الا ودمتم .......................

طارق أخوي
مالك يالحبيب في حمة ولا حاجة
ما كنت كويس يا ود الناس الحصل شنو
ولا بترد قدام الجماعة؟ لا خلاص فهمتا

[أبوياسر]

حبيبنا / ابو ياسر

الحياة الزوجية مبنية علي التكامل والمشاركة

وده كلو بعتمد علي درجة الاحترام والمودة والحب الذي يربط الطرفين

فلو في شي بسيط من الالفة والمودة اكيد غسيل العدة والمكوة وووو شي طبيعي

صلاح يا أخوي
الحكاية فيها ضرب منكير وضرب أم دلدوم
عايزين نعرف موقعك من جداول الضرب دي؟؟؟؟

[أبوياسر]

الحياة مشاركة وزي ما تفضلت انه الرسول (ص) كان بيساعد زوجاته في البيت
بس حتة انه يعمل شغل البيت وهي بتضرب في المنكير دي واسعة حبتين ومابتتهضم

مدنية أختي
أول حاجة حمدا لله علي السلامة والله فقدتك كتير لأنك أول شخص تعرفت به في هذا المنتدي
وحزنت جدا لغيابك وقلت إمكن كراعي حارة أول ما جيت الناس الكرام ذهبوا
الشغلة يا خالتو ما ضرب منكير بس فيها ضرب أم دلدوم كمان