تعدد الزوجات

[صديق بلال]

يا جماعة الخير هناك موضوع هام ومحير لدى الكثيرين ألا وهو أن الأصل في الزواج هو التعدد...حيث يقول الله تعالى في محكم تنزيله:-

((فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة))...

"سورةالنساء الآية 3"

هل توافقوني هذا الرأي... مع ذكر العلة في كل إجابة أومشاركة من الإخوة والأخوات... وأرجو أن لا أكون قد تسببت في إحداث شئ من البلبلة.. وعموما طرحت هذا الموضوع وهو الأول وذلك بسبب شخص عزيز علي في المنتدى طلب مني المشاركة.. وأرجو أن يكون هذا الموضوع شيق...

[غيداء نورالدين]

الاخ صديق موضوع جميل وشيق
ولي رجعة لاجابة هذه الاسئلة

[جيفارا]

مع تعدد الزوجات

[هشام السماني إبراهيم]

مع تعدد الزوجات

في حاله المقدره على اعاشتهم وكفايتهم وفي الاول وفي الاخير العدل بينهم


لك الف تحيه

[الريانه]

هى ياجماعه بطلو فراغه العين وماتسمعوا كلام الجماعه عن تعدد الزوجات والبيقول غير كده يستعد للبجيه (تحت تحت راجلى قاعد يقرا مواضيع المنتدى ) يعنى راس الصوت لمسنا بس لسه ماعلم احذذذذذذذذذذذذذذذذذذذذذذذذذذذذذذذذذذذذذذذذذذذذذذذذ ذذذذذذذذذذذذذذذذذذذذذذذذذذروا

[أبوياسر]

صديق أخوي
الجا منك ما قلت ناس التاية وهناية بنزين وكبريت
الليلة عجبتا ليهن دبييل وضرة
حيرتنا يا رجل

[ابو لوزة]

الاخ صديق تعدد الزوجات في الوقت الحالي لا يحتاج الي امكانيات مادية اوغيرها انما يحتاج الي شخص يتحمل الصبر وربنا يعين الجميع علي زوجاتهم

[هاني 2]

حبيبنا .... تعدد الزوجااات في حالات :
1/ زوجتك الاولي نقناقة
2/ ماشايفه بيتها واولاده ونفسه
3/ مافي اهتمام بالزوج
4/ تجي من الشغل وتلقي البيت خرابه
5/ تجي من الشغل وتلقي الاكل ما جاهز
6/ تجي من الشغل وتلقي مافي راحه
وتجي ..... وتجي ... وما تلقي ...وووووووو
دي اسباب تخلي الواحد اعدد الزوجااااااااات
لكن لو مرتك شايلاك علي كفوف الراحه ... وتلولي فيك لولاي ... البخليك تعدد شنو
وراجع ليك ......

[مدنيّة]

هى ياجماعه بطلو فراغه العين وماتسمعوا كلام الجماعه عن تعدد الزوجات والبيقول غير كده يستعد للبجيه (تحت تحت راجلى قاعد يقرا مواضيع المنتدى ) يعنى راس الصوت لمسنا بس لسه ماعلم احذذذذذذذذذذذذذذذذذذذذذذذذذذذذذذذذذذذذذذذذذذذذذذذذ ذذذذذذذذذذذذذذذذذذذذذذذذذذروا

[الريانه]

يانبويه ضحكتك خبيسهههههههههههههههههههههههههههههههههههههههههههههه هههه شديد ووراها كلام وينه

[صديق بلال]

لكم الشكر الموصول على تعليقاتكم الظريفة واللطيفة في نفس الوقت دليل على أخذكم الموضوع وتقبله برحابة الصدر فلكم مني خالص التقدير والأماني الطيبة

[هشام السماني إبراهيم]

التعددددددددددد


عرسو ساااااااااي


ماعندكم اي عوجة انشاء الله

كدي بس شوفو لي الاولى

[ساندريلا]

مساء الورد
بتذكر قصة طريفة عن مريضة جات عندنا مستشفى الأسنان وكانت الشفة السفلى عندها مقطوعه ولما سألها الدكتور عن السبب طلعت انها اتشاكلت مع عروس راجلها الجديدة والشكلة سخنت فالمرة الجديدة عضتها لمن قطعت الشفه السفلى فسألها الدكتور طيب اسه القطعه وين قالت بلعتها ضرتي!!!
المهم ...انا مع التعدد اذا كان سبب واضح مثلا اذا الزوجه لا تستطيع الانجاب او بها مرض يمنعها من مزاوله مهامها الزوجية او كانت اصلا مهمله في حق زوجها وبيتها فله كل الحق في الزواج وتختار ليهو الشنطة كمان..
لكن اذا الواحد ماناقصو حاجه بس لقى ليهو قرشين وقال يلا اعرس احسن ناسي زوجته المسكينه العمرها ماقصرت فيهو لا في رخاء لا في ضراء كده بيكون ظلم للزوجه الاولى
والله يسهل للجميع

[صديق بلال]

التعددددددددددد


عرسو ساااااااااي


ماعندكم اي عوجة انشاء الله

كدي بس شوفو لي الاولى

ياحبيبنا دوم99 ... إنت هنا تقول تريد أن تحصل على الزوجة الأولى.... ولكن من مضمون كلامك ما عندك مانع من الزوجة الثانية.... وإضافة إلى ذلك لقد طرحت موضوعا خاصا في المنتدى لإختيار الزوجة المناسبة من حيث فوارق السن بين الزوجين.... ووضعت نظرية... فيتودوميات... فسؤالي هنا يطرح نفسه بنفسه... أنت إختيارك للأولي تريدها أكبر منك أو أصغر... والثانية أيضا أطرح نفس السؤال...فأرجو أن تجيب على هذين السؤالين... يااااادووووم....
وإن أردت المساعدة في الإختيارات سوف أعطيك إختيارات كمساعدة لك ولفتح شهيتك... فأقول ممكن أن تأخذ الأولي أكبر منك... وثم تأخذ الثانية ولتكن أصغر منك... فهنا تجد نفسك لا خيار ثالث لك... ومنتظرين تعليقكم ياااااااادوووووومي

[عبدالمنعم الصديق(خدرا)]

اخى الصديق بلال
تزوجوا مثنى وثلاث ورباع فان خفتم الا تعدلو فواحده
فعلا الاصل التعدد والافراد فى حالة الخوف من العدل بين الزوجات
وليس الخوف من الفقر او العدم
بس انت سويها والباقى الله بتمو
انا عن نفسى ناوى اعملها
وبعدين ياحبيبى السودان دا فيهو مشاكل مابحلها الا التعدد
مع خالص حبى لك

[صديق بلال]

مساء الورد
بتذكر قصة طريفة عن مريضة جات عندنا مستشفى الأسنان وكانت الشفة السفلى عندها مقطوعه ولما سألها الدكتور عن السبب طلعت انها اتشاكلت مع عروس راجلها الجديدة والشكلة سخنت فالمرة الجديدة عضتها لمن قطعت الشفه السفلى فسألها الدكتور طيب اسه القطعه وين قالت بلعتها ضرتي!!!
المهم ...انا مع التعدد اذا كان سبب واضح مثلا اذا الزوجه لا تستطيع الانجاب او بها مرض يمنعها من مزاوله مهامها الزوجية او كانت اصلا مهمله في حق زوجها وبيتها فله كل الحق في الزواج وتختار ليهو الشنطة كمان..
لكن اذا الواحد ماناقصو حاجه بس لقى ليهو قرشين وقال يلا اعرس احسن ناسي زوجته المسكينه العمرها ماقصرت فيهو لا في رخاء لا في ضراء كده بيكون ظلم للزوجه الاولى
والله يسهل للجميع

عموما مشكورين على المرور والتعقيب... ولكنني أحب أن أوضح لك نقطة بسيطة ألا وهي حينما يريد أن يتزوج الرجل بالمرأة الثانية مثلا فذلك لايمنعة شئ مادام الشرع لم يحرم له ذلك... وإنني قد طرحت موضوعا في هذا المنتدى عن تعدد الزوجات فذكرت فيه أن الأصل في الزواج هو التعدد.... وعلى حسب كلامك ذكرتم فيه أن الزوج إذا تحصل على زيادة المال لماذا يتزوج بأخرى... فأنا حينئذ أسألك هذا السؤال وأرجو الإجابة عليها... وهو الأفضل أن يتزوج الزوج بأخرى بالحلال أم يذهب ويختلي بالنساء بالحرام؟؟؟؟

[بسطاوى]

والله ياخوى صديق موضوعك جميل خايفين نقول نعم يطلع لينا بعبع المراة ونقول لا يضحك
علينا مختار بازى والمتعارف عليه العربى كان كترن فلوسو ياعرس يااشترى بندقية وفى الحالتين مقتول

[صديق بلال]

اخى الصديق بلال
تزوجوا مثنى وثلاث ورباع فان خفتم الا تعدلو فواحده
فعلا الاصل التعدد والافراد فى حالة الخوف من العدل بين الزوجات
وليس الخوف من الفقر او العدم
بس انت سويها والباقى الله بتمو
انا عن نفسى ناوى اعملها
وبعدين ياحبيبى السودان دا فيهو مشاكل مابحلها الا التعدد
مع خالص حبى لك

ماشاء الله عليك يا أخي عبد المنعم على تعقيبك الجميل والمتوافق مع الشرع الحكيم... وأسأل الله أن يحقق لك ما تصبو إليه وأن يبارك لك في عمرك...

[صديق بلال]

والله ياخوى صديق موضوعك جميل خايفين نقول نعم يطلع لينا بعبع المراة ونقول لا يضحك
علينا مختار بازى والمتعارف عليه العربى كان كترن فلوسو ياعرس يااشترى بندقية وفى الحالتين مقتول

يا راجل أنت بالطريقة هذه قد إعترفت من دون أن تعلم بأن لديك نية قوية في التعدد... وأنا لايسعني إلا أن أقول لك مبروك.. مبروك.. مبروك.. مبروك.. وهذه التبريكات متفرقات موزعات للأربع المناسبات الزوجية التي سوف تقوم بها مستقبلا.. وشد حيلك..

ومشكورين على تعقيبكم الظريف

[ruby]

انا صراحه كدا ما مع التعدد ابدا
الا في حالات مثلا الزوجه لا تنجب ودا اكتر سبب مقنع
لكن التعدد دا مشاكله كتييييييييييييييييييييره والمتضرر الاكبر منه الرجل
ويلزمه في التعدد العدل بين الزوجتين ودا امر صعب
وغير كدا لو بيقدر على الحيصل ليه من كيد كل زوجه على الاخرى والتسبب في المشاكل التي ليس لها اول ولا اخر خلي يتزوج
وكمان الراجل العينه فارغه دا كمان احسن يعرس اكتر من واحده
لكن مهما عرس حتفضل عينه فارغه لانه دي بتكون طبيعه فيه (حمانا الله منهم)

[صديق بلال]

انا صراحه كدا ما مع التعدد ابدا
الا في حالات مثلا الزوجه لا تنجب ودا اكتر سبب مقنع
لكن التعدد دا مشاكله كتييييييييييييييييييييره والمتضرر الاكبر منه الرجل
ويلزمه في التعدد العدل بين الزوجتين ودا امر صعب
وغير كدا لو بيقدر على الحيصل ليه من كيد كل زوجه على الاخرى والتسبب في المشاكل التي ليس لها اول ولا اخر خلي يتزوج
وكمان الراجل العينه فارغه دا كمان احسن يعرس اكتر من واحده
لكن مهما عرس حتفضل عينه فارغه لانه دي بتكون طبيعه فيه (حمانا الله منهم)

شكرا على تعقيبك ياروبي... وكما ذكرت أنت في تعقيبك أن الرجل لا يستطيع أن يعدل بين نسائه فهذا أمر طبيعي ومعروف... ولكن نحن نقول أن الإنسان يحاول قدر المستطاع أن يبعد عن الظلم.. ونسأل الله السلامة والعافية للجميع

[معتز الريح]

في حالات مثلا الزوجه لا تنجب

طيب إذا كان العيب من الزوج ..
الزوجه تعمل شنو ؟؟ ..

اتخيل لي الموضوع ما ساهل كده ..
عندي قروش وصحة أمشي اتزوج تاني ..
في اعتبارات تانية لازم نحسب ليها حساب ..

ما تعملوا لي فيها الحاج متولي ..

ملحوظة ..
والله زوجتي ما بتقرأ مواضيع المنتدى ..
لكن الموضوع ده بطبعو ليها ..

[صديق بلال]

طيب إذا كان العيب من الزوج ..
الزوجه تعمل شنو ؟؟ ..

اتخيل لي الموضوع ما ساهل كده ..
عندي قروش وصحة أمشي اتزوج تاني ..
في اعتبارات تانية لازم نحسب ليها حساب ..

ما تعملوا لي فيها الحاج متولي ..

ملحوظة ..
والله زوجتي ما بتقرأ مواضيع المنتدى ..
لكن الموضوع ده بطبعو ليها ..

مشكورين جدا على مرورك يا معتز الريح... بالنسبة لسؤالك إذا كان العيب من الزوج... نجد أغلب النساء يرضون بهذه القسمة فأولئك النساء الأصيلات... ولكنى أستطيع أن أقول بكل صراحة يقل من الرجال من يرضى بقسمته حينما يكون العيب من الزوجة... وعموما أتمنى من الزملاء في المنتدى أن يدلو بدلوهم في هذه النقطة بالذات... وشكرا جزيلا لإثارتك هذا الموضوع من منحنى آخر...

[معتز الريح]

الحبيب صديق بلال ..
موضوعك يستاهل المرور مرة أخرى ..

من نظرتي للموضوع ..
تخيلت أن المعني بهذا الكلام
أمي وأختي وابنتي ..

فآمل منكم النظر معي بهذا المنظار ..
بالإضافة إلى المنظار السابق ..

[صديق بلال]

الحبيب صديق بلال ..
موضوعك يستاهل المرور مرة أخرى ..

من نظرتي للموضوع ..
تخيلت أن المعني بهذا الكلام
أمي وأختي وابنتي ..

فآمل منكم النظر معي بهذا المنظار ..
بالإضافة إلى المنظار السابق ..

نعم يا أخي الكريم... فأنا معك فيما تقول... ولكنني أتمنى من الآخرين المشاركة في هذا النقاش....