سلام من الله عليكم بعد غياب طويل
والمره دي الغياب سببو المنتدي ذاااااااااااتو ومايحدث فيه
المثل في العنوان اعلاه
سراره اللعوت تتلاقي يوم الموت
يعني الاتي
سراره (اي اسرار) اي قرايب واهل
اللعوت هو شجر لاتلتقي فروعه الاعندما تحرق
وهو يوم موت الشجره
المثل يضرب للاشخاص الذين بينهم جفاء او سوء فهم ولايلتقون الا في المصيبه
قصدت بايراد المثل كعنوان ان اناقش موضوع هام جدآ
المشاكل الفي المنتدي دي
اول سؤال سألت نفسي ليه ؟؟؟؟؟؟
ليه مانستحمل بعض ؟؟؟ليه نزعل في امور بسيطه ونطور الخلاف ؟؟؟؟
ليه مانتقبل الرأي الاخر
ليه مانوسع صدورنا
لييييييييييييييييييييييييييه ؟؟؟؟؟؟؟؟
المنتديات مجتمعات اقرب للمثاليه
نلتقي فيها جميعنا
لايري اي شخص فينا الشخص الاخر
لكنه يحس به
من خلال كتاباته وآهاته وزفراته الحري التي يشركك فيها من خلال موضوع اورد
من خلال ابتسامه تتهلل علي محياك وانت تقرأ لاشخاص ينتزعون منك الضحكه باسلوبهم الكوميدي
ودقه وصفهم
ياجماعه انا جيت المنتدي ده ولقيتكم واااااااااااااااحد
خليكم وااااااااحد
انبذو الخلافات
صفو النفوس
شوفو الزعلانين رضوهم
وابقو عشره علي المنتدي
عشان ماتجو في يوم لاقدر الله تتلمو يوم موتو وكل زول يتحسر
ماتبقو زي سراره اللعوت
تتلاقو يوم الموت
الله يطول عمر الجميع ويطول عمر المنتدي بيكم
ومعليش لو كلامي مارضي علي زول بس صدقوني من حبي ليكم كتبت الموضوع ده
ليكم التحيه والتجله كلكم بدون فرز
عضو اسمو معاويه قمر الشريف واسم عضويته الشمشار
رد مع اقتباس
المشاركة الأصلية كتبت بواسطة ريمون
المفضلات