شادين الرحال الى ود مدنى .... تجو معاى

[رامى طلبه]

اخوتى فى المنتدى
فى اجازه قصيره 21 يوما سوف اكون بمدينه ودمدنى عاصمه الجمال .. وكم اتشوق ان اتعرف على اخوتى فى المنتدى سكان مدينتى ... ارجو منهم التواصل على الرقم 0924620070 .. حقيقه الشوق يغمرنى لمدنى وناس مدنى وكانى غبت عنها سنوات وسنوات ... كانت هنالك فكره من احد الاخوه فى المنتدى ان تكون هنالك نشاطات فى الاجازه حتى يلتقى مغتربى مدنى مع بعضهم فى زمن الاجازه بمدنى .. اتمنى فى المستقبل ان يقوم الاخوه بالترتيب على هذا البرنامج وانه لعمل رائع فى ان يلتقى اخوه لم يرؤ بعضهم البعض لسنوات عديده وربما لم تحن لهم ان يتقابلو فى العمر كله ..
اتمنى من الاخوه فى مدنى التواصل والعايز يقابلنى الصباح بكون عند كشك بتاع الفول ... وبالنهار عند ادم بتاع الشيا .... وبالليل عن عمك حسن جادالله بتاع السمك ... ههههههههههه
والى لقاء مع بدايه الاسبوع القادم .

[الفارس البنفسجي]

الأخ الراقي رامي طلبة
تمشي وتجي بالسلامة
ولا تنسى أن تبلغ تحياتنا
لجميع الأحبة بودمدني
الدباغة وودكنان وحي المدنيين
وكذلك تحياتي لجميع الأهل

ولك الود

[مختار بازى]

رامي طلبة بالله عليك تحياتنا للغاشي والماشي
وما تنسي تاكل لي معاك فول من كشك واقشي
وتحياتنا لي شوارع واحياء مدني شارع شارع وحي حي
وتصل بالعافية والسلامة ان شاء الله
وتحياتنا عبرك للاسرة الكريمة
وما تنسي عليك الله تسلم لي حبيبتي معاك واسمها





























































( مــــــــــــــــــــدني )

[محمد أحمد الشيخ]

والعايز يقابلنى الصباح بكون عند كشك بتاع الفول ... وبالنهار عند ادم بتاع الشيا .... وبالليل عن عمك حسن جادالله بتاع السمك ... ههههههههههه
والى لقاء مع بدايه الاسبوع القادم .

بالسلامة الأخ رامي

ما قلت لي ما شي مشروع تسمين ولا شنو

[samar_taha]

يا رامي ويا مختار ويا جماعة
مدنية دي كلمتكم مية مرة
وانا بكلمكم تاني
قلنا ما أي زول نازل إجازة يعمل لينا إعلام , ما تنزل الإجازة من سكات وخلاص
وبعدين إنت يا خوي شغال فول وشية وسمك دي إجازة ولا معسكر ؟؟؟

[مصطفي دعوب]

مع انني لم ازور مدني في حياتي إلا انني قد زرتها من خلال منتديات ودمدني وتعرفت بأخوة لو زرت مدني علي الطبيعة لم اكن لااتعرف بهم .
حبيت مدني واهل مدني ووأصدقاء مدني من خلال المنتدي مع ان عمري في المنتدي صغير . الا أن الاخوان والاخوات يحسسونك بأن عمرك في المنتدي مائة عام .
كم كنت اتمني ان اكون مكان الاخ رامي طلبة حتي امتع نفسي بزيارة مدني .
إجازة سعيدة وعوداً حميداً اخي رامي وتحياتنا لكل أهل مدني ولكل أعضاء المنتدي الذين نعرفهم والذين لانعرفهم .
تحياتنا لبتاع الشية وتحياتنا لحسن جاد الله بتاع السمك وماتنسي بتاع الفول .

[zukibush]

الغالى علينا
رامى
طالت غيبتك علينا واحشنا والله
تمشي وتجى بالسلامة يارب وتحياتى لكل الاهل
وقبلاتى الحارة لخالتى وعم طلبه واشرف سلالالالالالالالالالالام خاص

[ودكمبال]

الاخ رامى/ مرحبا بك فى بلدك مدنى بس ورينا موعد قدوم من اجل الاستقبال واجازة سعيدة والجو اليوميين دى روعه والسمك ماعايز طعم بس ترمى الجباده والله انا مرات بقول السمك ده بجكس من لطافة الجو عايز يطلع بره المويه .والجكس شاتى تحت الغيم فى يمينو النيل وحدائق حنتوب وفى شمالو منتزهات مدنى الرائعه وخوفى كلو عليهو من جبابيد المغتربين .المابصيد الا سمك البياض .
سمك البياض(اجود انواع السمك)

[باسطه]

تمشي وتجي بالسلامة وياريتنا كنا معاك لكن على العموم ماتنسانا من فول كشك والسمك والحركات دي هههههههههههه
وبعدين إنته ماشي الإجازة دي مشروع أكل ولا شنو؟؟؟؟ ههههههه

[رامى طلبه]

الاخت سمر .... هو فى ايه

[رامى طلبه]

الاخت سمر ... افتكر فى اساليب ارقى من كده فى الرد .. الشى الثانى لم اصادف اى بوست من الاخت مدنيه بخصوص الموضوع ده .. علما باننى قصدت من خلال البوست ( وهذا هو لب الموضوع) التعرف على الاخوه فى المنتدى سكان مدنى وليس اعلام كما قصدتى .. وانا متاكد اذا كان الرد من الاخت مدنيه كان حايصلنى فى فى رساله خاصه,, وليس بهذا الاسلوب
ثالثا والاهم باى صفه انتى تكلمينا تانى ,,,خاصه عضو مجلس الاداره الاخ الفارس البنفسجى رد على الموضوع بكل اريحيه """ وتاكدى اذا كان ردك بهذا المستوى .. على كل شارده حتلاقى نفسك فى المنتدى لوحدك....... سلام.

[عوض صقير]

الأخ
رامى طلبة

أجازة موفقة وتحياتنا من خلالك لأهل مدنى الطيبين
فردا فردا

وتمشى وتجى بالسلامة

[باسطه]

الاخت سمر ... افتكر فى اساليب ارقى من كده فى الرد .. الشى الثانى لم اصادف اى بوست من الاخت مدنيه بخصوص الموضوع ده .. علما باننى قصدت من خلال البوست ( وهذا هو لب الموضوع) التعرف على الاخوه فى المنتدى سكان مدنى وليس اعلام كما قصدتى .. وانا متاكد اذا كان الرد من الاخت مدنيه كان حايصلنى فى فى رساله خاصه,, وليس بهذا الاسلوب
ثالثا والاهم باى صفه انتى تكلمينا تانى ,,,خاصه عضو مجلس الاداره الاخ الفارس البنفسجى رد على الموضوع بكل اريحيه """ وتاكدى اذا كان ردك بهذا المستوى .. على كل شارده حتلاقى نفسك فى المنتدى لوحدك....... سلام.

الأخ رامي والأخت سمر هدو اللعب شوية
الموضوع أبسط من كده وخلي قلبك أكبر من كده يارامي ويا سمر الزول لو غلط ممكن يتصلح بس مش بالطريقة دي بعدين نحن ياجماعة وزي ماقلته يا رامي الهدف من البوست التعارف والمآخاه بالرغم إنو في كتير مننا ماإتلاقينا لكن والله الواحد في المنتدى بحس إنو بعرف الناس كلهم بطيبة قلبهم وأسلوبهم فياريت نتقبل بعض بأسلوب أرغى وليكم التحية والود والإعتذار مني ليك ياأخ رامي وليك التحية ياأختنا سمر أنا عارف إنو المقصود ما الإهانة بس ربنا يقدم الفيهو الخير والناس تتصافى لأنو مابيهون علينا نشوف إتنين في المنتدى أعداء بسبب موضوع بسيط .
وتقبلوا فائق إحترامي.

[رامى طلبه]

تشكراتى اخوتى على المرور .. الاخ الفارس تحليه المنتدى ما اروع كتاباتك وتعليقاتك النابعه من الوجدان ليك على حا اعدى على الاهل انشاءالله .. اخى مختار لك كل الود وسلامك وصل وماتنسى لما تكون مسافر ادينا خبر فى المنتدى عشان فى وصايا ؟؟؟
زوكى يا بنت خالتى تحياتى لك من على البعد وبينا اتصال قبل السفر ..
ود كمبال انا جاييك عديييل .. بس جهز السناره ... مشكور اخى عوض ونشوفكم فى ساعه خير انشاءالله.
باسطه ,, اسم على مسمى لك ودى وتقديرى .. وطبعا الواحد ما ماشى مشروع اكل لكن بس الواحد قصد يمزح مع الشباب شويه ... لكن برضو حا نمشى هههههههه .. ويا روعه

[samar_taha]

يا أخونا رامي
إنت فهمت الموضوع خطأ
والموضوع ده عندو علاقة بموضوعات تانية مماثلة زي البوست بتاع أخونا رضا والأخوان الأعضاء عارفين الكلام ده كويس
والموضوع كلو مجرد مزاح وما مقصود منو أي تجريح أو إهانة وارجع للموضوع المذكور
وإذا كلامي زعلك
أعتذر
ولك العتبى حتى ترضى

[محمد أحمد الشيخ]

بالسلامة يا حبيبنا ولا يهمك

[مختار بازى]

والموضوع كلو مجرد مزاح وما مقصود منو أي تجريح

معليش يا رامي والله سمر ما قاصدة وزي ما قالت الموضوع مزاح ما اكتر
ولك العتبي حتي ترضي

[رامى طلبه]

معليش اخت سمر .. اللى ما بيعرفك يجهلك ... حقيقه اول مره عديت على كتاباتك واقتنعت انك فعلا ما بتقصدى شى .. على العموم ما عايز اسرد اعتزارات لانو ما بينا ... اعتزر لكل الاخوه فى المنتدى ومعزومين سمك بكره عند حسن جادالله ... بس سمر معزومه عند ام ياسر فى امدر عشان المشوار ... صافيه لبن ؟

[عماد عبدالشكور]

تمشي وتجي بالسلامة وتحياتنا لكل فرد في مدني
اي واحد يلاقيك قول ليهو عماد بسلم عليك

[رامى طلبه]

اخوتى فى المنتدى
عدنا وعاد الشوق الى مدنى الحبيبه ... قضيت ايام حلوه لا تنسى الى ان نعود اليها بالتفاصيل فيما بعد ؟؟

[مدنيّة]

نحن في الانتظار

وعودا حميدا

[ابوالنور]

الف مرحب بيك اخي رامي في بلدك ووسط اهلك لكن انا زعلان منك ما قلت انك بتجيني في الكافي عملتو لي اكل كلو تقول صايم في البلد ديك علي العموم حبابك في دارك

[GREY MAN]

اخي وحبيبي رامي جيت ومشيت ولاقيناك touch and move تجينا تاني بالسلامه