بالله شوف

[منتهى]

شاب سودانى درس فى جامعة الخرطوم كلية الهندسه
وكان طموحا فتخصص فى الاتصالات ثم ذهب الى


احدى الشركات السودانيه طالبا وظيفه و لكنه قوبل
بالرفض ( عادى فى السودان)

جاء الى المملكه العربيه السعوديه فتعين فى القصور
الملكيه واثبت كفاءه عاليه فاذا بالشركه السودانيه
تطلب منه زياره عمليه لى مدة اسبوعين لتحسين بعض


الاوضاع لديها ( بالله شوف )

[abomazeen]

عادي جداً يا غالية ..
ولو كنت في محل هذا المهندس لتقبلت الموضوع بنوع من الأريحية لأثبت لهم أولاً من أنا ؟؟ أقصد لأبرهن لهم مقدراتي العلمية ... ثم طالما أن الأمر خذ وهات ( تقديم .. دراسة الطلب .. قبول أو رفض ) علينا أن نتقبل الأمر ببساطته ... ولو هناك أمر خفي علينا الله أعلم ... !!!

الموضوع عادي جداً .... وبسيط زي ما ذكرتي في أول حديثك ..!!

إنتِ رأيك شنو أول حاجــة ؟؟

[خالد النور]

فى الإمارات العربية طلبت جامعة الإمارات من جامعة ستانفورد بأمريكا ان بروفسير أمريكى فى أمراض القلب والشرائين عشان يعمل ورشة عمل للجامعة، وفعلاً أجابت الجامعة وأرسلت البروفسير وعند إستقباله إكتشفو أن الأمريكى سودانى وإتصلت جامعة الإمارات مرة أخرى وقالو ما دايرينو وقابلوه بوش ما حلو. المهم البرفوف حس بالمقابلة كما إتصلت به الجامعة من أمريكا ووضحو له وجهة نظر جامعة الإمارات.
قام الدكتور سافر تانى يوم وعندما حاولو الإتصال بالجامعة مرة أخر رفضوا وقالوا لهم أن هذا البروف هو من أفضل الأطباء فى العالم وإنت فقدتو فرصة العمر

[عثمان جلالة]

زي ماقلتي ..... عادي .. وده احساسنا .. يوماتي بنحس انو خبرتنا ... أولى بيها بلدنا .. لكن في السودان ما مطلوب الخبرة العلميه والعملية .. مطلوب الواسطه ... القوية ..

بلاددددددددددددي وان جاااااارت علي عزيزة ... وقوووووومي وان ضنوا علي كراااام

[مدنيّة]

مشكلتنا في السودان ما بنعترف بالخبرة الا لما تجينا من برة

[عمر البشير]

نسأل الله يحسن الاوضاع في السودان.
والله يجيب الفيهو الخير.
ورمضان كريم يا منتهي.
ودمتم

[محمد عبد الله عبدالقادر]

صديق مهندس جيولوجي اتي الى المملكه بعد ان ضاقت به سبل العيش في السودان من عطاله وخلافه مع انو ماخد ماجستير، وعند حضوره الى جدة ذهب الى هيئة المساحة والجولوجيا بجدة وسمح له بمقابلة مدير شئون الموظفين وقال له بالحرف الواحد - انت السمح ليك تخش لحدى هنا مين وبعدين اوعك تحلم بانك تشتغل هنا - صاحبنا عصر ضنبو واتوكل وشاءات الاقدار يعمل لدى شركة تنقيب في الشرقية اثبت خلالها جدارة فائقة حيث ارسل من قبل الشركة الى هيئة المساحة كمستشار ورافق مهندسين من الهيئة عشان يوريهم بلدهم فيها شنو ودعي الى مؤتمر عالمي عقد بجدة كمندوب عن شركتة وتلقفه وفود السودان بقيادة ابو الجاز وطلبوا منه راجين ان ينضم اليهم وهو الان ماشاء الله له مكانه كبيرة بشركتة وهيئة المساحة

[عبدالرحيم سعيد]

منتهي(ياريت توصليها ابراهيم البزعي وسارة لبرنامج الصباح رباح)

[GREY MAN]

كل الدول المتقدمه والدايره تتقدم بتعتمد علي نظام تعينات يعرف باسم التاهيل العلمي يعني لو انت خريج بكالوريوس لا يمكن ان تعمل بوظيفه حامل ماجستير حتي لا تشعر بانك اقيم.واذا كنت خريج ماستر لا يمكن ان يحدث العكس حتي لا تشعر بالدونيه.
ونظام ال Education Qualification ناجع حتي في وجود المحسوبيه والجهويه.....فنسال الله ان يطبق عندنا حتي لا تهرب العقول.

[محمد السر احمد]

منتهي شكرا كتير علي الموضوع
بس انا داير اقول حاجة السودان بقت الواسطة اهم من الشهادات ودا الرجع السودان لوري ولو نظرتو لكل المؤسسات الجكومية دمرت لعدو وجود الكفاءات
للك الله يا سودانا

[النور محمد يوسف]

كل التخبطات التي تحصل في الخدمة المدنية في أي مكان بالعالم هي نتيجة عدم اعتماد المقاييس الدولية في التخصصات كمرجعية بها تقاس الكفاءات..وتملأ عبرها الخانات الشاغرة ..ففي كل تخصص هنالك معايير ومقاييس نفتقد الخبرة والشجاعة في تطبيقها....

وسودانا فوق

[المعلم]

دي مشكله في غالبية الدول العربيه
التقييم اسسه بتختلف عن دول زي امريكا وكندا
عندنا هنا انت بتعرف ليك زول بتشتغل مابتعرف حقك راح.
والله كريم.

[الفارس البنفسجي]

صور مقلوبة
وللأسف
نعايشها ... وتعايشنا

[هالينا]

ربنا يصلح الحال

[mahagoub]

متين يحتوينا السودان بخبراتنا والخبرات المكتسبه من الاجهزه الحديثه التى يتعامل بها الوطن العربى والعالمى والتى اجاد فيها ابناء السودان

[هيثم عبدالعال]

ليس الأمر مقصور على السودان فقط ولا الدول العربيه بل كل دول العالم الثالث أي الدول المتخلفة لأن مثل هذا يعتبر مؤشر جيد للتخلف وكما تفضل الأخوه عدم وجود معايير وأسس للتصنيف والوصف الوظيفي وسمو إعتبارات الواسطة والجنسية والأخيرة عقده يعايشها كثير منا فانت عربي .. ( وحتى في العرب هناك تدرج ) فإن قبلوا بك فلن تكون خبيراً أو مديراً ولا تحلم بذلك وإن كنت أشقر الشعر وذي لسان أعوج فأنت الخبير والمدير ومستحق الإمتيازات الخيالية وإن كنت لا تزال ترتدي روب التخرج .

[منتهى]

عادي جداً يا غالية ..
ولو كنت في محل هذا المهندس لتقبلت الموضوع بنوع من الأريحية لأثبت لهم أولاً من أنا ؟؟ أقصد لأبرهن لهم مقدراتي العلمية ... ثم طالما أن الأمر خذ وهات ( تقديم .. دراسة الطلب .. قبول أو رفض ) علينا أن نتقبل الأمر ببساطته ... ولو هناك أمر خفي علينا الله أعلم ... !!!

الموضوع عادي جداً .... وبسيط زي ما ذكرتي في أول حديثك ..!!

إنتِ رأيك شنو أول حاجــة ؟؟

الاخ ابو مازن لو حكيت لى بكره ماحا اقدر اوصف الحسره التى اشعر بها امكن لانو الموضوع بهمنى علشان كده خلانى احس بالغير وشكرا على المرور

[منتهى]

مشكلتنا في السودان ما بنعترف بالخبرة الا لما تجينا من برة

بشكرك كتيييير يا اخت مدنيه على المرور

وطلبت منكم طلب انتى والاخت اميمه عشريه

فى النواعم بتمنا تردو لى

[منتهى]

الاخوه الاعزاء

بتمنى ارد لى كل واحد على حدا
بس لى ظروف انشغالى ماحا اقدر
ولكم العتبه حتى ترضوا

وشكرا على المرور (ودمتم سالمين)