هام جدا لكل أعضاء المنتدى

[هنا مدني]

من المعروف أن
من نهاية شهر ستة تبدأ الإجازات في معظم دول المهجر
إذا لماذا لا نرتب جلسة في مدني يساهم فيها جميع أعضاء
المنتدى بمبالغ رمزية وتكون في إحدى نوادي مدني او أحد
المتنزهات ويكون فيها برنامج ثقافي وكوميدي وممكن عشاء
حتى نتعرف على مبدعينا كبشر بأحاسيسهم وتعابيرهم
إضافة إلى كتاباتهم التى عرفناها من خلال المنتدى


أرجوا التفاعل مع الفكرة

[admin]

انا معاك واجازتي اخر شهر يوليو القادم ان شاءالله

[بورتبيل]

انا معاك واجازتي اخر شهر يوليو القادم ان شاءالله

وانا اثني على الراي .. وذي ما قال الادمن .. تكون فكرة حلوة بالجد .. اذا التقى بعض الاعضاء في احضان ود مدني .. ليكون الترابط اقوى في قلب الرائعة مدني.

والموافقون ... نعم

[مصباحيه]

فكره رهيبه ونحن معاكم (نحن الموجودين بمدنى) بس بعد نشوف راى الشباب نعرف التاريخ والزمن

[فدوى الحسن]

انا برحب بالفكرة ونازلة اجازة يوم 29/6 بنكون على اتصال مع بعض انشاء الله

[هنا مدني]

شباب نحنا عاوزين كلام جد

وعاوزين ناس من مدني يقولوا نحنا حنرتب
وأقترح تكون يوم1\7
وتكون في منتزه ودمدني العائلي منتزه وقيع الله سابقاً
ويكون الشيرغن 5 جنيهات سودانية بالجديد طبعاً

[admin]

شباب نحنا عاوزين كلام جد

وعاوزين ناس من مدني يقولوا نحنا حنرتب
وأقترح تكون يوم1\7
وتكون في منتزه ودمدني العائلي منتزه وقيع الله سابقاً
ويكون الشيرغن 5 جنيهات سودانية بالجديد طبعاً

يعني نحنا ما معاكم ولا شنو .. ما قلنا ليك اجازتنا اخر يوليو .. يعني يوم 1/7 دا مافي طريقة لينا معاكم .. خلوها الخميس 26/7 .. بعدين انا ابوي معلم برضو ادفع خمسة جنيه :d

[هنا مدني]

ياجماعة ما تفهموا غلط
انا ختيت أقتراح بس أشان أحمس الناس بس لما يستلمها الناس الحيرتبوها حيحددوا كل حاجة حسب أراء معظم أعضاء المنتدى
بس عاوزين ناسين يقولوا نحنا لها ويستلموها ولا ما حتعدي كلمات كتبت يوما ما في المنتدى

[اميمه عشريه]

والله بختكم ياخي ..لينا الله وعيشه السوق ..خلونا انحنا هنا نكمل الرطوبه دي بجاي ..ربنا معاكم وما تنسو التوثيق خلونا معاكم في الصوره,,,فكره جميله جدا..

[مصباحيه]

معاكم وموافقين ومستعدين وممكن تكون جلستين نبداها يوم 1/7 و ونجى ونتفق بعد كده لليوم الكبير يوم 26/7 البضم اكبر عدد انا شخصيا ما عندى مانع وانا موجوده فى مدنى ممكن ترسلوا ليه جوالتكم فى البريد الخاص وما فى مشكله نتفق انشا الله بس تكونوا جادين

[بورتبيل]

يعني نحنا ما معاكم ولا شنو .. ما قلنا ليك اجازتنا اخر يوليو .. يعني يوم 1/7 دا مافي طريقة لينا معاكم .. خلوها الخميس 26/7 .. بعدين انا ابوي معلم برضو ادفع خمسة جنيه :d

لا لا انتا ما تدفع تب يا الارباب .. من هسع الناس ديل لدفعوك يبقى الموضوع فيه إنّا.

يا اخوانا الزول ما قال ليكم ابوه معلم ما تقولو حاجة معفي من هسع وفي كل اللقاءات يا الارباب. وتسلم

[شاذروان]

معاااااااااااكم ولو عاوزة اى مساعدة يا (مصباحيه ) كلمينا ....








بس الـ 5 ج مافيها تخفيض شوية؟

[مختار بازى]

يعني نحنا ما معاكم ولا شنو .. ما قلنا ليك اجازتنا اخر يوليو .. يعني يوم 1/7 دا مافي طريقة لينا معاكم .. خلوها الخميس 26/7 .. بعدين انا ابوي معلم برضو ادفع خمسة جنيه :d

والله كلام زين بالحيل والله والله العظيم انا لو جيت متلب السودان الا عشان الكلام الزي دا صدقوني وربنا يلم شملنا ان شاء الله والله الواحد صباح ومساء بيفكر يلاقيكم واحد واحد
وربنا يتم لي الفي مرادي



تخريمة:
يا ريس القروش هسة بقت عند المعلمين بالقرار الجديد عشان كدا تدفع لي معاك

[bet madani]

والله ياريت لانو بجد الواحد بحتاج لقعدات زي دي في مدني

[المكاشفى]

الوووووووووووو مدنى
نحن جاهزين ويوم 26/7 ده ميه ميه ونأدزين وتاكلين
بس تكوووونوا جاديين.....

[ابراهيم مبارك]

فكره جامدة جدا ومستعدين من جنيه ال1000000000000000000جنيه
وجاهزىن ميه الميه بس ورونا شطارتكم

[أبو مهدي371]

يا هناء انتي عايزة تلميي الشمل في وقيع الله دي,,,,,,,,,ك حليلك وحليل ايام وقيع الله
والله الفكرة في قاية الروعة لكن الدفع مقدما ولا بتقسيط ,,,,,هههههه
الاخت هناء والله نحنا معاكي من جنيه لمائة جنيه طبعا بالقديم ما بلجديد لنو فيهو ثلاثة اصفار
لكن جديد قديم مافرق مدام يلم شمل الحلوين ديل ناس مدني
طبعا نحنا ماحنضر هذا الشمل بس راسنا بي راس اخوانا
بشرط ترسلوا لينا شريط الفيديو علي اول طائرة وانا بدوري اوزعوا علي كل الشباب في السعودية .
ربنا يسلمك .

[مصعب الريح]

الفكرة جميلة وأناشد جميع الاخوة في المنتدي بأن يكون هنالك يوم في السنة علي الأقل يتاقبل فيه الجميع ويكون يوماً ثابتاً ومحدداً في كل سنة
ويحمل اي اسم مثلاً يوم منتدي مدني ويكون محدداً له تاريخ ومن اقتراحي ان يكون في يوم 1/7 من كل سنة ميلادية

[الزبير محمد عبدالفضيل]

أوافقكم الراي