النتائج 1 إلى 25 من 149

الموضوع: من مطعم نور العيون نحييكم ....

أدوات الموضوع
- مشاهدة صفحة طباعة الموضوع


	24-09-2006 10:36 PM #1 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 من مطعم نور العيون نحييكم .... كيفكم يا حبايب و كل عام و انتم بخير و تصوموا و تفطروا على خير و من مطعم نور العيون نحييكم تحيه كبيره .... و من خلال هذا المطعم نتمنى ان نقدم لكن ألذ المأكولات الرمضانيه التي نتمنى ان تنال اعجابكم و رضاكم و عشان ابو علا ما يزعل افطروا و حلوا معانا و المشاريب زي ما ياها في الكوفي شوب بتاع ابو علا ..... اولا ..... نبدا بالازانيه .... و هي اكله ايطاليه بس جميله جدا و هي عباره عن معكرونه بالباشاميل بس بطريقه رائعه و الأكله دي عشقي و ماشه أعملها اليليله.... نسلق معكرونه اللزانيه أز اي معكرونه متوفره ، و تسلق بالماء و الزيت و الملح .... بعد السلق توضع في كوره فيها مويه بارده عشان المعكرونه ما تتلبك أو تتلصق ... نقوم بعد ذلك بعمل الباشاميل .... طحين + حليب سائل + زيت + بيضه + ماء + بهارات ( ملح + فلفل أبيض أو أسود ) حسب المتوفر + جبنه شدر مبشور أو جبنه الموزاريلا ... نقوم بوضع كميه من الزيت في النار .. بعد ذلك نضع كميه من الدقيق القمح حوالي كوبين ... يحمر الدقيق في الزيت مع مراعاة التقليب المستمر حتى لا يحترق الطحين او يلصق .... ثم بعد ذلك نضع الحليب السائل عباره عن لتر شويه شويه عشان الدقيق ما يتعجن مع مراعاة التقليب المستمر .... نضع قليل من الملح و الفلفل الأسود ... نضع الخليط في النار و لمن يتقل الخليط نرفعه من على النار و نكسرالبيضه و نقلبه ... نقوم بعمل الخلطه .... الخلطه الي هي القيمه و عباره عن ... لحمه مفرومه + بصل مفروم ناعم ( قطع صغيره ) + طماطم حبتين بدون القشر + ثوم + مرقه بقر ان وجدت + ملح + بهارات ( فلفل أسود +كزبره مطحونين ) + جزر مبشور + فلفله خضراء حلوه كله على النار . نضع القليل من الصلصه بعد ما يستوي الخليط .. في هذه الأثناء نشعل الفرن و نجعله ساخن ... نحضر صينيه بايركس أو صينيه فرن عاديه و نضع الخليط كالآتي .... من الأسفل الى الأعلى... تمسح الصينيه بالزيت ... طبقه قليله من الباشاميل قليل من المعكرونه باشاميل خلطة القيمه معكرونه ياشاميل جبنه . ملحوظه ... لا تخلط المعكرونه بالباشاميل ... في الفرن يقفل النار الفوق و توضع الصينيه لمده 20 دقيقه و بعد كده يفتح النار الفوق لمده 10 دقائق ... وبعد ذلك تخرج من الفرن و تترك لتبرد .. تؤكل بالملعقه ... و بالهناء و الشفاء .... و لو في اي استفسار انا موجوده و في الخدمه .... الوصفه الجايه في الطريق .... مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	25-09-2006 12:10 AM #2 امل حياتى الملف الشخصي مشاهدة المشاركات عضو فضي Array تاريخ التسجيل Apr 2006 الدولة دولة الامارات العربية المتحدة المشاركات 1,277 والله يا نور دى لو سمع بيها ود الماحى يضحك فيك السنة كلها ههههههههههه يسلمو يديك ورمضان كريم اللهم اجرنا من النار ونجينا من عذاب القبر ونجينا من فتنة المحيا والممات وثبت اقدامنا على الصراط المستقيم اللهم انك عفو كريم تحب العفو فأعفو عنا وتوفنا مع الابرار ربنا امنا بما انزلت واتبعنا الرسول فأكتبنا مع الشاهدين. رد مع اقتباس


	25-09-2006 12:46 AM #3 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 مشكورة نور العيون على الوصفات الجميلة بس صراحة ما فهمت شي و طلعت زي ما دخلت بس بجيب معاي أعمامك ود الماحي و نزار حسن بعد الفطور و بعدين عندنا معاك كلام تاني ربنا يوفقك في المطعم يا بت أمي و يانا كلنا واحد مطعم و كوفي شوب و دكان و د الصول كلنا نخت إيدينا مع بعض و نشفططط قريشات الجماعة من أول الشهر قولي بسم الله و لعى بركة الله أبتدي و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	25-09-2006 01:00 AM #4 abu_ola الملف الشخصي مشاهدة المشاركات عضو فضي Array تاريخ التسجيل Jul 2006 المشاركات 2,236 مشكورة نور العيون على الوصفات الجميلة بس صراحة ما فهمت شي و طلعت زي ما دخلت بس بجيب معاي أعمامك ود الماحي و نزار حسن بعد الفطور و بعدين عندنا معاك كلام تاني ربنا يوفقك في المطعم يا بت أمي و يانا كلنا واحد مطعم و كوفي شوب و دكان و د الصول كلنا نخت إيدينا مع بعض و نشفططط قريشات الجماعة من أول الشهر قولي بسم الله و لعى بركة الله أبتدي و ما من كاتب إلا سيفني* * * * و يبقي الدهر ما كتبت يداه فلا تكتب بكفك غير شئ * * * * يسرك في القيامة أن تراه رد مع اقتباس


	25-09-2006 02:58 AM #5 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 نور العيون .. تسلمي علي هذه المائدة الرمضانية المتميزة جدا .. * العزاب ح يستفيدوا جدا من وصفاتك الحلوة دي دمــــــــــــــتي ،، العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	25-09-2006 07:47 AM #6 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 اولا يا امل حياتي يسلموا على المرور لكن ليه يضحك ود الماحي كلام واضح جدا بس كدي بعد الفطور طل علينا و شوف الأكله اللذيذه انا عملتها .... تسلم يا ابو علا لكن زي ما قلت لي أمل حياتي و استهدا بالله و شوف الوصفه دي و الله يديك العافيه ... تسلم يا سواح على الآطلاله لكن والله انا لو ماجربت الحاجات دي ما بدبكم لبها و المابرضاه على نفسي ما برضاه عليكم و رمضان كريم و الفي نفسو حاجه و داير ياكلها المطعم مفتوح يا حبايب ..... من الكوفي شوب تشربوا و من المطعم تاكلوا و تحلوا و من الدكان بنشتري الحاجات و الله ناس المنتدى دكسوا و رواتبهم كلها علينا انحنا الثلاثه و همتكم معانا خلينا نمشي المطعم ..... ساعدوني و المطعم ما ببقى الا بيكم ... تسلموا يا حبايب .... مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	25-09-2006 10:39 AM #7 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 نور العيون سلامات .. رمضان كريم وكل سنة وانتي طيبة والمطعم جميل والله مرات الواحد بكون حايم في المنتدى بليل وميت من الجوع بي كدة الواحد كان جاع يجي المطعم يتنازل ليهو أزانيه في السحور شكلها كدة شهية وكان جبتي لينا كمان كتلوجات تانية تكون خفيفة وبسيطة عشان العزابة يكون ما قصرتي معانا احسن الازانيه دي كان عملناها نقوم نغلط فيها كدة ولا كدة ونلحق امات طه وابقى طيبة ومنورة دايماً وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	25-09-2006 10:41 AM #8 الشريف الهندي الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Apr 2005 الدولة الخرطوم بحري - الجريف شرق المشاركات 1,035 والله يانو رالعيون ماشاء الله وعيني بارده الطعم مما فتح الزباين كترو عليهو ماشاء الله ..... وربنا يعمرو كمان وكمان انشاء الله بس الحقيقه عندي طلبات كده عايز أسأل عنها . . اكلــــــه أنا لما سمعتها كنت قايلا اسم مسلسل في رمضان ولا حاجه لكن طلعت أكله على العموم اديني فرصه اتذكر اسمها وبجيك تاني راجع .. . . ألف مبروك افتتاح المطعم الرائع ده وربنا يبارك فيه ورمضان كريم وكل سنه وانتو طيبين أنا من بلداً هو عنوان للصلابة .. فيهو كمين ألف مسجد وفيهو صحرا وفيهو غابة وفيهو نيل جاري فـ دمانا وحبو في الوجدان صبابة .. وفيهو مليون ألف مأوي للمساكين والغلابة .. وفيهو ناس مليانة عزة لا بخافو لا بتغشاهم مهابة .. ناس بتلبس توب محنة وعمة عزة وشال كرامة وفاتحة من الطيبة بابا. رد مع اقتباس


	25-09-2006 11:04 AM #9 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 حباب نور العيون وحباب أختك شوق العيون ... وجننني ياخي العيون ... مبروك المطعم والريحه ماشاء الله تجيب الضهبان... أها يانور العيون يابت أمي اللزانيه الايطاليه دي قبل العولمه كان أسما النعيميّه ؟؟ النبي يعتّر ليك أأأنور العيون أكان مارسلتي لي لزانيه ...أن شاء حبه في أيميل ..النضوقا ساي وأقشر بيها وكان غلّتت علي بشرب لي جردقه ترابيه ولاّ حرجل....أها مطعمك دا وين لي أبوظريفه ..جمبو ولاّ غادي شويه...لكن بجيك أأأبت أمي ...قولي لي شوق العيون مشتاقين... ود الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	25-09-2006 12:04 PM #10 saleh farah الملف الشخصي مشاهدة المشاركات فخر المنتديات Array تاريخ التسجيل Dec 2003 الدولة ودمدنى - جزيرة الفيل المشاركات 998 مبروك الافتتاح مع انه مادعيتونا مفروض اول يوم اكون مجانى ولا رايكم شنو ياناس ابوعلا وودالصول ، دى مناسبه كويسه الواحد ابدا استثمر معاكم وابنى ليه مركز تجارى الم فيه الدكاكين دى كلها والايجار سنوي مامشكله الماعندو راس مال بنخلى ليه الايجار لى اخر الشهر ، بس عندى ملاحظه شويه يانور العيون حقو تعملى لينا حاجات بلديه عشان خاطر رمضان لانه ناس ابوعلا ديل مابعرفه غير النعيميه وام دقوقه والعصيده ورمضان عايز حاجات سريعه زى دى بعداك فى الفطر مافى مشكله نبدا ناكل الحاجات الاساميها زى الاسبيرات دى . الفكره جميله جدا واضافه للمنتدى لانها بتكون مرجع لفن الطبيخ احييك عليها يانور العيون ومافى مانع كل اسبوع تكون فى وجبه وتدى الناس فترة الاسبوع دى عشان اطبقوها وانا بشوف مافى مانع بعد اذنك طبعا لو كل زول عندو ثقه انه طباخ انزل طبخته فى مطعمك ده والصحون كتيره والبطون كبيره بتسع الوجبات دى كلها باذن الله . التعديل الأخير تم بواسطة saleh farah ; 25-09-2006 الساعة 12:09 PM خليك ربيع مليان زهور فتح ورودك واحضنه رد مع اقتباس


	25-09-2006 12:48 PM #11 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 المشاركة الأصلية كتبت بواسطة Jamal Elmahi النبي يعتّر ليك أأأنور العيون أكان مارسلتي لي لزانيه ...أن شاء حبه في أيميل ..النضوقا ساي وأقشر بيها وكان غلّتت علي بشرب لي جردقه ترابيه ولاّ حرجل.... ود الماحي ود الماحي الشي دي ما تكتر منها عشان باقي الحاجات دي دايرالا تعويده في الاول انت شيل منها كان قطمة ولا قطمتين واعمل check disk لو لقيت اي لخبطة ممكن تشغل الـAnti Hargal الحبة دي ما بتجيك وأنا هل كنت إلا ألقاً ذاب في عينيك وهجاً أبديا او فتوناً فوق خديك إنتشي بهجة عاد بها الحس إليا رد مع اقتباس


	25-09-2006 01:05 PM #12 شوق العيون الملف الشخصي مشاهدة المشاركات عضو جديد Array تاريخ التسجيل Sep 2006 المشاركات 69 نور يانو ر عليكي حتة طبيخ انما ايه والله ياجماعه انا واحده من الناس الاكلت اللزانيه دي ودي شهاده مني على انو الاكله دي 100% وماتخافو مافيها دخول مستشفيات وبعدين ياصالح انا موافقه على المشروع بتاعك ده والنص بالنص نص لي والنص التاني وزعو على المشاركين فيه ونور خلي ليها الطبيخ بس ود الماحي :: الشوق بحر والله اشتقت للحظة البتسرق عمري كلو تجيبو ليك اشتقت للنجم البسافر في الخيال يرحل يجـيك اشتقت والشوق مستحيل في دربو يتمرد عليك رد مع اقتباس


	25-09-2006 07:07 PM #13 reeem الملف الشخصي مشاهدة المشاركات عضو برونزي Array تاريخ التسجيل Sep 2006 الدولة ولاية نهر النيل - عطبرة حي المطار المشاركات 880 سلام كبير للجميع.. أنا بدوري من هنا بوافق راي شوق العيون وبطمنكم انوالاكله 100% و مافيها اي خوف وزي مابقولو حتاكلوا اصابعكم وراها ... صالح انا برضو معاك في المشروع لكن ارفقو بحالنا شويا و ماتنتفونا سريع ... رد مع اقتباس


	25-09-2006 09:58 PM #14 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 و الله الحمد لله انا الشايفاه الكل بقى ينصب علني حتى اخواتي و يا جماعه النصب حتى في رمضان كان الشياطين محبوسه و الله شوق شيطانها ما بتحبس ابدا و اكبر دليل النصب في رمضان و انا يا ظلمه التعبانه ىحقي الطبيخ بس اها عشان اوريكم البخش ياكل الأكل مجاني طيله فتره شهر رمان ماعدا شوق العيون و صالح فرح عليهم الدفع و لو دفع رمزي ..... اصلو خساره ليخساره و الله ما خساره في ناس المنتدى و اها اشوف شوق و صالح حيعملوا شنو .... اما بالنسبه للاقتراح بتاع الطبخات حبابكم الف و العندو طبخه يتحفنا بيها و ما عندي مانع و زيادة الخير خيرين و اهلا بالمشاركات .... حبيبةالشعب نور العيون ... مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	25-09-2006 11:55 PM #15 خالد عبدالماجد الملف الشخصي مشاهدة المشاركات عضو فضي Array تاريخ التسجيل Jul 2005 الدولة كسلا الخضراء المشاركات 1,088 الأخت نور العيون وكل الأخوة بالمنتديات رمضان كريم وتصوموا وتفطروا على خير وفكرتك يانور جميلة جداً وفيها الكثير من الفائدة فلك التحية وفي أنتظار ( الطبخات القادمة ) .... ود كسلا رد مع اقتباس


	26-09-2006 12:44 AM #16 نزار حسن محمد الملف الشخصي مشاهدة المشاركات فخر المنتديات Array تاريخ التسجيل Apr 2006 الدولة حى المنيره المشاركات 6,876 سلام ياناس ..كدى اول حاجه عندكم.... حلو مر ..بارد .. ناس العيون نور وشوق ,reeem كدى اول حاجه انا الاكل الافرنجى لا بدور ولا حاجه لو عندكم اى حاجه بالكسره ولا لقمه ولا قراصه نحن من اليوم زبائن لكن لو عملته لى بالازانيه وبى الهنايه...والله فراق الطريفى لى جمله ... عليكم الله اسع دى اسم اكلات ولا اسبيرات حرم انا اول مره اسمع باسم ذى دى وانا عارف ناسى تب مابكون سمعوا بكلام ذى دا ماصاح يا ابوعلا... يانور ماعندكم رقاق للسحور كدى انتى كلمى شوق وهى مابتقصر . [SIZE=2]الابتسامه.. كلمه طيبه .. من غير حروف الابتسامه لاتكلف شيئا ولكنها تعنى الكثير[/SIZE] ************************************************ ************ حياة جل مكسبها خسار وعيش لايسرك يانزار رد مع اقتباس


	26-09-2006 07:47 AM #17 saleh farah الملف الشخصي مشاهدة المشاركات فخر المنتديات Array تاريخ التسجيل Dec 2003 الدولة ودمدنى - جزيرة الفيل المشاركات 998 نزار يا اخوى ماتخاف ان وشوق اتفقنا نجيب معانا المطعم اكلات سودانيه مائه المائه عصيده وملاح روب وملاح ام دقوقه وقراصه بى دمعه والمشروبات كامله حلو مر وابرى ابيض وكركدى وليمون ساقط من ليمون جزيرة الفيل وده ماعدم ثقه فى المطعم بتاع نور العيون لكن شايف بقى فى خيار وفقوس ناس حاتاكل ساي وناس حاتدفع عشان كده حانجى بى حقنا . خليك ربيع مليان زهور فتح ورودك واحضنه رد مع اقتباس


	26-09-2006 09:07 AM #18 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 المشاركة الأصلية كتبت بواسطة خالد ودكسلا الأخت نور العيون وكل الأخوة بالمنتديات رمضان كريم وتصوموا وتفطروا على خير وفكرتك يانور جميلة جداً وفيها الكثير من الفائدة فلك التحية وفي أنتظار ( الطبخات القادمة ) .... لك التحايا يا خالد و تسلم على المرور مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	26-09-2006 09:11 AM #19 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 المشاركة الأصلية كتبت بواسطة نزار حسن محمد سلام ياناس ..كدى اول حاجه عندكم.... حلو مر ..بارد .. ناس العيون نور وشوق ,reeem كدى اول حاجه انا الاكل الافرنجى لا بدور ولا حاجه لو عندكم اى حاجه بالكسره ولا لقمه ولا قراصه نحن من اليوم زبائن لكن لو عملته لى بالازانيه وبى الهنايه...والله فراق الطريفى لى جمله ... عليكم الله اسع دى اسم اكلات ولا اسبيرات حرم انا اول مره اسمع باسم ذى دى وانا عارف ناسى تب مابكون سمعوا بكلام ذى دا ماصاح يا ابوعلا... يانور ماعندكم رقاق للسحور كدى انتى كلمى شوق وهى مابتقصر . تسلم يا نزار على المرور على المطعم لكن و الله انت لو ضقتها ما بتخليها ابدا لكن ما عندك مشكله و سحورك علي رقاق باللبن و ما تزعل و لي شوق ما انا صاحبه المطعم و انا البقدم شوق دي خليها اصلها نصابه و دايره تاخد المنفعه و تمقلبكم مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	26-09-2006 09:14 AM #20 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 المشاركة الأصلية كتبت بواسطة saleh farah نزار يا اخوى ماتخاف ان وشوق اتفقنا نجيب معانا المطعم اكلات سودانيه مائه المائه عصيده وملاح روب وملاح ام دقوقه وقراصه بى دمعه والمشروبات كامله حلو مر وابرى ابيض وكركدى وليمون ساقط من ليمون جزيرة الفيل وده ماعدم ثقه فى المطعم بتاع نور العيون لكن شايف بقى فى خيار وفقوس ناس حاتاكل ساي وناس حاتدفع عشان كده حانجى بى حقنا . ما عندك مشكله يا صالح انت لو تابعت شوق د حيكون نصيبك هاهاهاهاها معليش بضحك معاك جيب الدايره و ما في زول حيدفع و حبابك عشره .... مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	26-09-2006 11:09 AM #21 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 المشاركة الأصلية كتبت بواسطة شوق العيون ود الماحي :: الشوق بحر والله والعجب أنا أأأشوق العيون....غربه وشوق وشجن كمان.... جمال الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	26-09-2006 11:17 AM #22 Jamal Elmahi الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2005 الدولة ألجنيد الحلّه المشاركات 1,288 جبيبة الشعب نور العيون... حتي تكوني حبيبة للعشب نرجو أدراج الكوارع والنيفه وأم رقيقه والشريفيه والرجله والكمونيات في قائمة المأكولات وعمل حقت تمباك غليده قدر حلل البوش في مدخل المطعم ...اللهم لانسألك رد القضاء ولكن اللطف فيه.... جمال الماحي الاصلو نخله منّو الخير ما بخلا والاصلو حنضل كان كبولو السكر ما بحلا...(خالتي حاجه بتول) رد مع اقتباس


	26-09-2006 01:24 PM #23 شوق العيون الملف الشخصي مشاهدة المشاركات عضو جديد Array تاريخ التسجيل Sep 2006 المشاركات 69 ههههههههههههههههههههههههههههههههههههه شنو يانور والله شايفه الحكايه بقت فيها خيار وفقوس على قوله صالح انا في البدايه كنت خاته انك اختي وحتحني علي وكده لكن لقيتك اممممممممممممم سمح يانور اصبري لي نزار::اللزانيه دي بتكون اكلتها ( مش بتعرف المعكرونه بالبشاميل )؟؟ دي بت عمها بس بي حبة اضافات يعني الا يكون الكلام سوداني ولا شنو؟؟ صالح :: انا معاك والله شفت الناس دي بقت حقاره كيف؟؟ قال نور قالت شنو؟ انو ندفع ماعندها نظر مش؟؟ خلينا نعمل اكلات سودانيه وخليها تتفرج فينا وانا عارفه انو مطعمنا حينافسها وحتجي اخر شي تصاحبنا وتعمل انها فردتنا لكن ويييييين قول ليها كان ليكي ياعسل اخوي ود الماحي تسلم ياغالي وماقصرت يديك العافيه ومازال الشوق شلال يتدفق اشتقت للحظة البتسرق عمري كلو تجيبو ليك اشتقت للنجم البسافر في الخيال يرحل يجـيك اشتقت والشوق مستحيل في دربو يتمرد عليك رد مع اقتباس


	26-09-2006 02:37 PM #24 فتاة مالي الملف الشخصي مشاهدة المشاركات عضو مميز Array تاريخ التسجيل Sep 2006 الدولة في الدنيا الواسعه المشاركات 438 انا والله حبيت اشارك لكن اكلات سودانيه ما اعرف غير كيف تتعمل الكسره حبين اذوقكم من مطبخنا ايه رايكم رد مع اقتباس


	26-09-2006 03:36 PM #25 راشد خضر الملف الشخصي مشاهدة المشاركات عضو مميز Array تاريخ التسجيل Jun 2006 الدولة السعودية - جـِـده المشاركات 457 المطعم ملاسيكي علي نغم الفُـلوت حبيبة الشعب . . نعم نعااام إنهُ طعمٌ لذيذ ، بس بللّه عليك ركزي لينا على الشوربات والمسلوق عشان المصران .هه ههه ، . وبعدين ود الماحي يا خوي الحاجات الطلبتها دي إنت سُكرجي ولّه ايه ؟ ههه ههه أراكَ عصِّيُ الدَّمْع ِ شيمتُكَ الصّبْرُ رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 06:40 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني