مــــــــــرام مــــــــــــا جـــــــــــات

[الدنيا ربيع]

مرام الطفلة البريئة التي اغتصبتها الذئاب البشرية
في اول ايام عيد الفطر المبارك
قال فيها الشاعر الكبير حاتم حسن الدابي هذه القصيدة:-

*******
مرام مرقت على الجيران
ومرن ديل كم ساعات
غابت نجمة الضيفان
واكتست الارض ظلمات
مرام ما جات…!!
حكاية كان وياما كان
حكاية تشيب الولدان
حيرت الانس والجان
وبرهنت انو ما في امان
رجع وأد الطفولة زمان
زمن عبدة(هبل)و(اللات)
بعد لبست جديد في جديد
مرام مرقت تبارك العيد
وقفت سمعتنا نشيد
حلاوة موبايلا الفي الايد
مع التسريحة والباندات
اتاريهو الغدر منصوب
مسطر ومافي منو هروب
برغم رضانا بالمكتوب
ده غدر ما وراهو سكات
بدون إنزار..بدون اسباب
مرام غدروها جمب الباب
مرام هجمت عليها ذئاب
طباعم من شريعة الغاب
ملاكاً حولوهو رفات
قلوب لا رحمة لاإحسان
مدبجة بي صفات شيطان
وظهرت قدرة الرحمن
محل اسنانها هو الاثبات
دريبها على الارض منقوش
سريرها من العصر مفروش
معالمو باقية وسط الحوش
ملابس الروضة واللبسات
بعد شمس العصاري تغيب
مرام كانت تودي تجيب
عندها بسكويت وحليب
في تلاجتن راقدات
وحيدة اخوانا والوالدين
عليها يخافو متمنين
تتعلم تتم الدين
وليها يوزعوا الشربات
*******
يا صاحباتها وينها مرام
سماح يادوبو فرهد قام
عمير ما تم خمسة اعوام
ملازماها البراءة سمات
عيال الروضة ياسمحين
لمن جيتو متماسكين
ما شفتوها راحت وين
مرام سرقت منام العين
مرام حرقت حشا الامات
وليه بتقول مرام ما جات
*******
مرام كلما وجيها يلوح
تبق جوانا احساسات
مرام بقت القلب والروح
سحابة تخدر البلدات
مرام غصة حلق مجروح
تقوقيها القميريات
مرام صفحة كتاب مفتوح
يقروه الطلبة والطالبات
مرام عصفور يئن مجروح
ما شفعها الدمعات
مرام جزء من (محمد) و(نوح)
و(تبارك) و(عم) و(النازعات)
مرام شربت محاية ولوح
وفي ساعة المغيب بخرات
مرام دعاء للجميع مسموح
بعد ما تكمل الصلوات
مرام حاتظل سؤال مطروح
جوه بيوتنا والطرقات
مرام حاتظل سؤال مطروح
وسط اولادنا في الجامعات
مرام حاتظل سؤال مطروح
موجه للشباب بالذات
وليه بدت السماحة تروح
إرث اجدادنا والعادات
*******
اخيرا داير اجيز القول
منو المسؤول..؟؟!!
تقول دي ثقافة البترول
ولا سيف العولمة المجهول
الدجتل مع المحمول
افلام فاضحة والمسكول
عموماً…….
بيوتنا في فك غول
مخيف اسموا الفضائيات
ومرام ما جات..!!

[محمد مصطفي]

منو المسؤول..؟؟!!
تقول دي ثقافة البترول
ولا سيف العولمة المجهول
الدجتل مع المحمول
افلام فاضحة والمسكول

[((أبــوعاذر))]

http://www.alnsri.com/vb/showthread.php?t=2196



الدنيا ربيع اقبلها هدية مني

[مدنيّة]

حاجة صعبة جدا

غايتو الله يصبر اهلها

ماقدرت اسمع الاغنية ياابوعاذر

[((أبــوعاذر))]

اخت مدينة منوره المنتدي
طبعا عاوز اهدي ليك اغنية كتبت
في واحد طرد امه عشان زوجته
اسمها حق الام
http://www.alnsri.com/vb/showthread.php?t=377

[مدنيّة]

اعوذ بالله
لاحولة ولا قوة الا بالله
اعوذ بالله

يطرد امه عشان زوجته !!!!!!!!!!!!!!!!!!!!!!!!!!!!!!!!
سبحان الله

[الدنيا ربيع]

اخ عـــاذر بشكرك من صميم قلبي علي الرابط
والله يكتر من امثالك

[((أبــوعاذر))]

الشكر لله ياخي الدنيا ربيع
بهدي ليك اغنية حزين لي عبد الرحيم ارقي
اسمها حليل الفارقتهم اسمعها
بتزكرك اهلك انشاءالله تعود سالم غانم
وتحقق الهدف المن اجله سافرت
شكلك بتدرس في الهند ربنا يوفقك
http://www.alnsri.com/vb/showthread.php?t=251

[اعتماد]

المشكلة انو الزمن دا مافيه أمان وربنا يحفظنا من عديمي الضمير

[((أبــوعاذر))]

اخت اعتماد
الله يديك العافيه
ذي ماقال جعفر السقيد
غير الصبر ياخوي ماعندي ليك وصفه
اسمعيها
http://www.alnsri.com/vb/showthread.php?t=2095

[((أبــوعاذر))]

اختي طبعا الواحد لو تابع اصدقاء السوء
مصيروا يخيب
واي واحد لو خته هدفوا قداموا بيصيب
وربنا قال اسعي ياعبدي وانا بسعي معاك

[((أبــوعاذر))]

الواحد لوتابع هواه
بيضل طريقه

المفروض اي واحد يتزكر اهله
بيعملوا ليه شنو لما يجي يسافر
حتي لو ظروفهم صعبه
بيضحوا عشانوا
وبيعملوا ليه احلي شي وممكن يتنازلوا عن اي شي بس المهم يمشي يتعلم
عشان يجي يعوضهم
لكن نحن السودانيين غير العالم كله ربنا يهدينا

[الدنيا ربيع]

مـا عارف اقول ليك شنو
لكن علي اي حـال شـــــــــــــكرا والف شكرا

[sara95]

Childhood has become kill every day. The increasing number of criminals. But in the Gardens of Eternity flowers innocent

[الدنيا ربيع]

Childhood has become kill every day. The increasing number of criminals. But in the Gardens of Eternity flowers innocent

God accepted in the Gardens of Eternity

[sara95]

God accepted in the Gardens of Eternity

ameen Lord worlds and accept all Muslims

[الدنيا ربيع]

ameen Lord worlds and accept all Muslims

AMEEEEEEEEEEEEEEEEEEEEN

[waheeb]

لا حول ولا قوه الا بالله