--------------------------------------------------------------------------------
الليل الحاج فلسفه جاب ليهو بليه : وقال اسمعوا القصة دي بتحكي عن واحد ضافاره مرتو ومنكده عليه عيشته لدرجة لما يسمع بانه في واحده ماتت يقول ( اوعدنا يارب) قام صاجبنا عمل ليه دريبات قش مع زميلته في العمل وآخر حبكانه وطلوع للمنتزهات معاها يلا يوم من الايام أتصلت عليه المدام
وقالت ليه وين انت يا سجمان..... رد عليها و بي رجفه وقلب يرتجف خفقان....... انا في طريقي إليك يا فريع البان ..... يالبتشبهي الؤلؤ والمرجان....... ردت عليه إلوي حتكك ويقدد عينيك كمان.......... انت ما عارف انا عندي مشوار ومنتظراك لي زمان........ معليش يا زهرة النرجس وعطر الريحان....... بس تعرفي زحمة الشوارع والرصيد والبنزين الكل كملان..........
وقال في سره يا اللونك سيدورف الايسي ميلان شاحد رب العاليمن يدهجك قندران ..... و يسلط عليك الامريكان ....... ويركبوا فيك مشكلة المفاعل الننوي حق إيران ........ وتكوني من العشرة المطالين بيهم الامريكان ..... واشوفك كدي تسولي وتشحدي في سوق امدرمان .
وفي فترة وجيزة.... وصل صاحبنا للست لميضه ..... وفتح باب السيارة بسرعه شديدة ..... وفي الطريق وهو سائق هبشتو في رجوله حاجه غريبه ....... وبي طريقة زكية لمسها بي إيدو الشمالية ..... لقاه جزمة سيده صناعه إيطالية..... قام فكر بعقلانية ..... وبراحه قام فتح باب العربية ....... رمي ليك الجزمة في سرية ...... ما هو فكارها بتاعت حبيبتو الفلانية..... لما وصلوا للمكان القاصداه الولية ...... قالت أجي فردة نعالي ما لقيتا ؟.... فعرف انو رمي جزمة مرته الشرانية
رد مع اقتباس
المفضلات