وضع خطة لجمع اكبر عدد من (جلود الاضاحي) لدعم المشاريع الخيرية ... حقو نبدأ من الان !!

[الجندي المجهول]

وضع خطة لجمع اكبر عدد من (جلود الاضاحي) لدعم المشاريع الخيرية ... حقو نبدأ من الان !!

نحنا كتار والهدف واحد ....
طالما انعمنا الله بنعمة العقل وانعم علينا بعلاقتنا المتميزة مع بعضنا البعض ...
وطالما أنحنا كتار (والهدف واحد)
لماذا لا نعمل على طرح (خطة) لجمع اكبر (عدد ) من جلود الاضاحي لعام 2012م (العيد القادم باذن الله)
ويتم طرح وعمل آلية معينة وتعيين لجنة خاصة لجمع هذه الجلود مع التنسيق مع تجار المدينة لبيعها لهم ( لاعلى سعر طبعاً)
ويتم عمل الدعاية منذ قراءة هذا البوست ... وبإذن الله ستأتي باكلها وتسجني (المدينة) ثمارها بحول الله ...

شعارنا : جلود الاضاحي لدعم المشاريع الخيرية بالمدينة ....
يلا يا ناس مدني العطاء ( همتكم ) الموضوع جاهز

تخريمة : اتمنى ان يجد هذا الموضوع ( الدعم اللازم) من الاعضاء في نشر وطرح الفكرة والبدء في وضع ما هو مناسب حتى نجني (ثمار ذلك المجهود )
واعرشو على كدا ....

باللفة : اعرف ان العيد بعيد ( ولكن ) التجهيز من بدري (سيمنع عننا ) الدربكة وحفر الخيران اثناء الخريف (نزول المطر) وود البدري سمين .. والله يحينا ونشوف لذلك الوقت ماذا انجزنا ..

ووفقكم الله ،،،

[مدنيّة]

ياسلام عليك يا الجندي
مشروع احنا في حوجة ليه في المدينة

-------
الضحية قررررررررربت
الناس ما تقول انها لسة بعيدة

-------
منور والله يا الجندي

[ريمون]

داك السلام ..
ودي الجية الحقيقية ..
كلنا يد واحده ان شاء الله ..

[خالد علونى]

الحبيب الجندي



حمداً لله علي السلامة

علي راي الجماعة من بقيت مافي المنتدي بقي كيف كيف

أفكارك دايماً هادفة وأجمل ما فيك الهم العام

تسلم يا أصيل
وأعرش علي كده

[الجندي المجهول]

ياسلام عليك يا الجندي
مشروع احنا في حوجة ليه في المدينة

-------
الضحية قررررررررربت
الناس ما تقول انها لسة بعيدة

-------
منور والله يا الجندي

هلا العمة (صباح الخير)

فعلا قررررربت والله وربنا يسهل (عشان كدا ياريت في اي اجتماع ) الناس الحاضرة تناقش الموضوع دا وتضع له آلية لجمعها زللاتفاق مع تاجر منذ الان (على شرائها/لمن يدفع اعلى سعر)

[الجندي المجهول]

داك السلام ..
ودي الجية الحقيقية ..
كلنا يد واحده ان شاء الله ..

هلا بالجارة
بت الحارة
وباذن الله كلنا يد واحدة

[الجندي المجهول]

الحبيب الجندي



حمداً لله علي السلامة

علي راي الجماعة من بقيت مافي المنتدي بقي كيف كيف

أفكارك دايماً هادفة وأجمل ما فيك الهم العام

تسلم يا أصيل
وأعرش علي كده

الحبيب علوني
صبحك الله بكل خير ،،،
تسلم يا زووووووووووووق
ولاننا كتار والهدف واحد لن نبخل على ( امنا) بكل ما هو مفيد خاصة في وجود اشخاص نشطون مثلكم لم ولن يبخلوا بالجهد لخدمة ( الام)

تسلم يا علووووووووني
اسال الله ان اكون عند حسن ظنكم
واعرش على كدا ،،،

[Isam Hussien H]

عارشين على الذي إقترحته .. وبمدني ناس يسدوا عين الشمس .. إنهم خير معين لإنجاح كل المشروعات الهادفة ..