طاير البلبل ياماسمعنا عن البلبل وجمال صوته ولما كنا نسأل عن البلبل يقولوا لينا طاير جميل وصوته جميل وغير موجود بالسودان طيب تخيلنا شكله مادام صوته جميل شكله جميل , وبعدين عندنا فنانات اسمهم البلابل , لم ارى صوره لهذا الطاير .
المهم كان معانا راجل عجوز فلسطينى بصيد الطيور ويتكلم دائما عن انواع الطيور فيوم طلعت معاه فى حوش المستشفى لاتفرج على شرك الطيور وكان داخل القفص طاير فقال لى هذا بلبل عراقى , بلبل انا عايز اشوف البلبل ورفعت القفص لاجد ليك اخونا طاير كداد الدواك كدو الطاير الشين الموجود عندنا بكثرة فقلت له هذا كداد الدواك فقال لى ايش بتقول وبعد عدة اسئله تاكدت انه البلبل بعدين مشيت سوق الطيور وسالت عن البلبل برضه ليقته ليك كداد الدواك فقلت ياربى البنات الفنانات ديل عارفات ان اسمهم كدادات الدواك بالسودانى , وبعدين حاولت ان اقنع الناس فى السودان ان كدو هو البلبل لكنى لم انجح ابدا؟؟؟
رد مع اقتباس
المفضلات