واحشـــــنى &&&& الأستاذ / التجاني حاج موسي

[الشايقية]

واحشـــــنى &&&& الأستاذ / التجاني حاج موسي

واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد- لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها

ولسة واحشنى

[Almostshar]

الله يجمع القريب بالبعيد والعكس


ما اجمل المشاعر عندما تكون منسابة

يحدوها طيف بالامل المترع


مشكور شايقية على الشوق

[saleh farah]

وما اجمل الوحشه حين يتغنى بها من يحسها
وما ابدعها حين توضع بعد الاحساس بالموسيقى
لقد كان للتلاقي الوجدانى فى هذه الاغنية فعل السحر
فقد وضع الحانها استاذنا البارع ابوعركى البخيت كاشواق لبعاد زوجته الفاضلة الدكتوره عفاف الصادق
وبعد سماعها من الرائع التجانى الحاج موسى وضعت الكلمات
فأتت بهذه الروعة
مشكورة اختنا الشايقية على هذا الاختيار الجميل