مرحب بيكم يا شباب في بيتكم التاني منتديات ودمدني العامرة بي وجودكم وجد سعيدين بي انضمامكم للأسرة للكريمة وحقيقة كتيرين منكم كانوا أضافة حقيقية للمنتدي سعدنا بمشاركاتهم وردودهم الانيقة وكانوا لنا عونا واستفدنا منهم
ولكن ....
وبعد لكن هذه ياتي الكلام للذين يدخلون المنتدي وفي ازهانهم فكرة معينة خاطئة عن المنتديات ويدخلون الي عالمنا بفهم ان البقاء للأقوي نعم البقاء للاقوي والاصلح ولكن القوة الفكرية قوة القلم والفكر التي تجعل منك فردا قادرا علي ان توصل المعلومة التي تريد وتجمع اكبر قدر ممكن من الحب من حولك
ولكن بعض الاعضاء يعتمدون فكرة ان القوة تكمن في الكلمات اللازعة والردود الجافة المليئة بالسخرية الساخنة حتي من دون ان تترك للاخريين فرصة للتعرف عليك وعلي اسلوبك الذي نحن في قناعة انه غير مقصود لا يا هؤلاء ليس هذا ما يجعلك تتغلغل داخلنا للاسف وقد تكرر هذا الشئ مرارا وتكرارا في الاونة الاخيرة سواء معي انا او مع بعض الاخوة فبعضكم ياتي نافش ريشو بالبلدي كدا واول زول يلقاهو في طريقوا يديهوا ليك كلام من العيار التقيل بدون مراعاة لي اي حاجة لدرجة الاستفزاز
يااخوانا نحنا هنا كلنا اخوان وما في اي فرق بيناتنا بس وجيتكم قوة داعمة للمنتدي ودا هو همنا الاوحد عشان كدا يا ريت شوية تريث قبل اخراج اي عبارات ممكن تجرح زول فالكلمة اذا خرجت لا قبل بارجاعها مرة اخري ودمتم بكل ود
وطبعا ما انكر حق معظم الاعضاء الجدد الذين دخلوا قلوبنا وتعمقوا فيها بروحهم الشفيفة التي هذبت منا النفس و الاحساس شكرا لهم ومرحبا بهم بلا حدود
ودام الود بيننا
رد مع اقتباس
المشاركة الأصلية كتبت بواسطة بت أم درمان
وحملت نجمتك الانيقة فى فؤادى
المفضلات