من عجائب المغتربين بمدني

[أبوربا]

في صيف 2014 زرت المغتربين بودمدني لدفع الجبايات المفروضة....وللاسف وجدت تكدساً غير مبرر في شباك الضرائب والموظفين المسؤولين عن ذلك تركا المقاعد خالية كأنهم يتلذذان بالزحام...بدأنا نتضجر من الوضع ...وفي لمح البصر نزل الأستاذ أزهري مدير المغتربين فعاد الوضع لوضعه الطبيعي....الشكر لهذا المدير الذي أتى من قاعدة المغتربين....والذي يعمل بكل حماس واخلاص في خدمة المغتربين...............................

[أبا إيثار]

الشكر لله أولاً أستاذي

تكليف وليس تشريف لكل موقعه وهي همة الحادب لمصلحة الآخرين
هو أهل لتلك المسئؤلية ؟؟ والعشم أن يكون أمثاله بمثل تلكم الهمة ..

[ياسر عمر الامين]

وجود مكتب للمغتربين فى مدنى كان له الأثر الكبير فى خدمة مغتربى الولاية...الاستاذ أزهرى ليس لدى به معرفة شخصية لكنى أعرفه من خلال كلام الناس الطيب عنه...وليت هذا الدأب على العمل وخدمة الجمهور يكون سمة العاملين فى الجهاز وليس ارتباطا بشخصية الاستاذ ازهرى مع كامل تقديرى له...

[ود المطامير]

الحبيب
سعيدين بعودتك والله

أنا جيت من السودان قبل شهر
فإن كنت تقصد مدير المغتربين الحالى بمدنى
والله الحق .. دخلت مبنى المغتربين وعند الباب التانى
قبل شبابيك الجبايات كان يجلس رجل على الكرسى
ويقف بجانبه شاب ينادى على أرقام المراجعين
المهم .. ما كانت علي ضرائب ولكن كانت على رسوم زكاه وخدمات متندله
المهم .. موظف الصندوق قال لى .. أنفص ليك أنا ولأ تمشى للمدير ؟
قلت ليهو الطيب فيكم منو ؟ قعد يضحك وقال لى .. الطيب فينا المدير
قلت ليهو مكتبه وين ؟ قال لى .. هو تلقاهو قاعد فى الكرسى عند الباب اللى دخلت بيهو
ومشيت ليهو ولقيت قدامى ناس وجو بعدى ناس وكلنا عاوزين تعديل للمبلغ
والله كووولنا رجعنا منو لموظف شباك دفع الرسوم ونحنا نبتسم

لك وله كل الشكر والتحيه

[روبش]

مكتب المغتربين بمدني سهل كثيرا واختصر مشوار صعب جدا على المغتربين
اتمنى ان لا يفسر الاخوة في الاجهزة الحكومية معاملة الاستاذ ازهري بهذه المثالية لاشياء اخرى تكون ضده
بمعنى ان ينقل إلى مكان اخر خاصة وان الجهاز حساس جدا
نتمنى ان يظل استاذنا ازهري في منصبه حتى يقدم خدماته للجميع

[ود المطامير]

مكتب المغتربين بمدني سهل كثيرا واختصر مشوار صعب جدا على المغتربين
اتمنى ان لا يفسر الاخوة في الاجهزة الحكومية معاملة الاستاذ ازهري بهذه المثالية لاشياء اخرى تكون ضده
بمعنى ان ينقل إلى مكان اخر خاصة وان الجهاز حساس جدا
نتمنى ان يظل استاذنا ازهري في منصبه حتى يقدم خدماته للجميع

يعنى يا صاحبى إحتمال كلامنا دا يجيب ليهو هوا ؟

[ود الجعلي]

نحي الاستاذ ازهري بجهاز المغتربين بهذه الشهادة وهكذا ديدن ابناء مدينة ودمدني الطيبة كرم الاخلاق السمو التكافل فلك التحية اخونا ازهري اينما كنت





ولكن هذا لا يعني اننا نبارك لهذه الحكومة التي سلبت بلادنا خيراتها ودمرت كل جميل لدينا وارهقتنا سنوات طويلة وحطمت شبابنا وشلت اعمالنا وقتلت ابناءنا واعتقلت وشردت وخانت في كل شي


و

[أبوربا]

لابد أن نشكر الانسان بسلوكه الايجابي الناتج....لايهمنا من هو او من أين جاء أو الى أي فئة ينتمي طالما سلوكه الايجابي واضح ويشهد به الجميع...للاسف الشديد النظرة للمغترب نظرة غريبة ...بقرة حلوب....أما الخدمة المدنية اذا لم يكن لك واسطة لن ولن تنجز ورقة واحدة من أعمالك...من هذا المنطلق كان شكرنا لدور هذا الرجل الهمام في خدمة المغتربين في الجزيرة...للاسف سمعت بنقله لولاية شمال كردفان لفتح جهاز تنظيم العاملين بالخارج بالابيض....من لايشكر الناس لايشكر الله...............