النتائج 1 إلى 15 من 15

الموضوع: أهلنا الشوايقه...الحنيه ذااااااااااته..إنت شايقي؟؟؟

أدوات الموضوع
- مشاهدة صفحة طباعة الموضوع


	04-04-2007 09:32 PM #1 ابودجانه العباس الملف الشخصي مشاهدة المشاركات عضو برونزي Array تاريخ التسجيل Dec 2006 الدولة مدني حي التلفزيون المشاركات 886 أهلنا الشوايقه...الحنيه ذااااااااااته..إنت شايقي؟؟؟ أولاً هذه الفكره أوحي لي بيها موضوع أختنا شبرقيه في المنتدي العام (ماذا تفعل لو كنت مكان هيثم أو نجوي؟؟ ).. يا أخونا تميز الشعر أو الغناء الشايقي بالحنيه الزايده وصدق المشاعر وحلاوة التعبير مما يشد المستمع إليه ويخيل لكل واحد منا أن القصيده تتكلم عنه شخصياً.... ومن هنا :- أتمني من أي عيضو أو عيضوه حافظ شعر شايقي سواء كان مغني أو غير مغني أن يتحفنا بها هنا ولا تبخلو علينا بكل ما هو ممتع وحنين وأقولها مرة تانيه أهلنا الشوايقه.. الحـــنـــيــــه زااااااااتــــه.. يلا مستنين درر الشايقيه.. قالوا لي لاتشكو للناس جرحاً أنت صاحبه لايعرف الجرح إلا من به ألم. فقلت سأصمت رغم أن الصمت يقلقني أضاحك الناس والأحزان تقتلني وقررت أن أكون رجلاً لا أنحني كي التقط مايسقط مني أبداً , وأن اجعل مشاعري سماءً يتمنى الجميع الوصول إليه, وأن اكون شامخاً بعزتي رافعاً راسي لا أوطيه إلا في ركوعي وسجودي. رد مع اقتباس


	05-04-2007 01:26 AM #2 همسة شوق الملف الشخصي مشاهدة المشاركات عضو فضي Array تاريخ التسجيل Aug 2006 الدولة مدنى المزاد المشاركات 1,511 تسلم يا ابودجانة على الاطراء الجميل انا شايقى لكن شايقى تايلندى لأنى ماحافظ كنت بحتاج ليك بشدة وإنت عنى بعيد مافى عيشة بلاك بتبقى مافى نشوة ومافى ريد رد مع اقتباس


	07-04-2007 12:28 AM #3 sandra الملف الشخصي مشاهدة المشاركات زيارة الصفحة الرئيسية عضو مجتهد Array تاريخ التسجيل May 2005 الدولة Khartoum المشاركات 180 سلام أخي أبو دجانه... زي ماقلت.. القصائد الشايقيه فيها من القصص والمشاعر مايشد المستمع ويدهشه من بساطة التعبير وكبر المعني.. دي قصيده شايقيه أعجبتني.. حبك كان زادي كان جوه الحنايا دفين كنت بضاري من الناس وخايفه عليه من العين عليه انا كت بصوم وافطر عليه بكابد النارين كت بحسب سنين الغربه لما تعود تجيني متين وكت برجاك فوق النار لما وكت لقانا يحين نونس في براءة اطفال في الحب نروا ننهل زين وكل مايوم يزيد البينا لما بقينا قاب قوسين اتاريني كت فيك مخدوعه وكم من زيي مخدوعين وماقايلاك تلعب بي تعيش اللحظه بس والحين ماقايلاك حبيب آلاف وقلبك قبله للضالين وماقايلاك تنسى حبيب صبر راجيك سته سنين وتشغل بالك الاشواق لامن تذبل الياسمين وكيفن هان عليك تنساه زولا كان عليك حنين وكت دايراك بسمه عريضه في وش الزمان الشين وكت دايراك وكت الحاره تبقى لي دخر خزين وكت دايراك مقنع حوبه وكتين المضاره يبين وكت دايراك فارس احلام تشاركني ونتم الدين وكت دايراك شريك الروح اخدمك حافية القدمين وكت بحلم بك انت معاي مجرتق بالعديل والزين وجمبك في شمالك قاعده نسمع في قدر ياعين نبشر زين مع الاصحاب وتنشبل من الوزين انا الابحرت راكبه الموج بقيت مرسايه بين موجتين الوداع ياسراب خداع محال مابيروي عطشانين وداعا ياحلم عابر ويسعد ويفرح النايمين وداعا ياكلام معسول حدو ومكمنو الشفتين وداعا ياسحابة صيف شايله مطر شويله رهين تبشر بي خريف جايينا لامن ناس رجوهو سنين وكل زولا بفكر فيها مامعروفه تنزل وين والف سلام عليك ياقلبي مسالم وديمه طبعو حنين يتاورو الشوق ويلعب بيه تنحر في حشاه السكين تعاودو الذكرى في جواه حالتو تحنن المسكين أخيرا ليك الف سلام قبل ماتجف دموع العين وقبال مني ماتعدي وقبال الفراق مايحين بخيت وسعيد عليك انشالله يبقالك عمار وبنين وقلبي انا خلي في اناتو بعدك ياما راجي انين وان كان ياقلب حبيت بعدو بعد قسمت يمين انشالله ماينتم ليك مراد وماتضوق لاحلو ولازين وعمرك ماتجيك سعاده وماتتهنا قول آمين وتاني الحب عليك حرمان وعد الحر أمانه ودين كان جوه الحنايا دفين كنت بضاري من الناس وخايفه عليه من العين.. sandra... رد مع اقتباس


	10-04-2007 07:07 AM #4 ابودجانه العباس الملف الشخصي مشاهدة المشاركات عضو برونزي Array تاريخ التسجيل Dec 2006 الدولة مدني حي التلفزيون المشاركات 886 المشاركة الأصلية كتبت بواسطة همسة شوق تسلم يا ابودجانة على الاطراء الجميل انا شايقى لكن شايقى تايلندى لأنى ماحافظ همسه شوق الف تحيه ليك علي المرور ودا إن دل علي علي شي فانما يدل علي كميه الحنان الموجود في قلبك. شوايقه وين؟ قالوا لي لاتشكو للناس جرحاً أنت صاحبه لايعرف الجرح إلا من به ألم. فقلت سأصمت رغم أن الصمت يقلقني أضاحك الناس والأحزان تقتلني وقررت أن أكون رجلاً لا أنحني كي التقط مايسقط مني أبداً , وأن اجعل مشاعري سماءً يتمنى الجميع الوصول إليه, وأن اكون شامخاً بعزتي رافعاً راسي لا أوطيه إلا في ركوعي وسجودي. رد مع اقتباس


	15-04-2007 07:57 AM #5 عبدالملك الملف الشخصي مشاهدة المشاركات عضو جديد Array تاريخ التسجيل Jan 2007 المشاركات 18 حنية الشوايقه من اجل المصالح لا يغرنك انك قد هزمت الشايقيه و....... فنحن الملوك وهم الرعيه لا احبذ ان اكون كالنهر كي لا احتوى بين ضفتين بل احبذ ان اكون التدفق عينه كي لا اكرر مرتين رد مع اقتباس


	26-04-2007 01:42 AM #6 sandra الملف الشخصي مشاهدة المشاركات زيارة الصفحة الرئيسية عضو مجتهد Array تاريخ التسجيل May 2005 الدولة Khartoum المشاركات 180 بصراحه ده اغرب تعليق أشوفو!!!! sandra... رد مع اقتباس


	27-04-2007 03:25 PM #7 اميمه عشريه الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jun 2005 الدولة من مدني فكل مدني دياري المشاركات 1,486 لسان الحال معذرة.. لو معاك منى الكلام حـــــره .. معليش الخطاب كاتباهــــــو مضطرة حـــــــــــرام والله مننـــا إنت تتبرا .. خمسة سنين تفوت تجى فيها فد مرة وراك أنا كم شقيت وعشت فى مرة .. وتعبـــت مع البطان الهم للعيون غرة بيخاف الغرق الغاص ورا درة .. قالو أدب الصغار والعقــــدة من خدرة حليلى أنا الزمن ضى فاطرى ما انفر .. وخمسة سنين غياب مابتحملن حرة أنا الحاضنة العذاب وآمالى محتضرة.. وإنت الفى النعيم ما خات حساب بكرة مسكينة التقول فى الإغتراب سترة .. وتتناسى القروش فى يوم تكون ضرة حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة ******** الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقة بكـــــــــــــرة أنا السبب ما كنت دايــــرة اقولو ليك .. لكن لسان الحال غلب .. منقول من منتدي النيلين ... لولا هذا الجـــدار لما عرفنا قيمة الضؤ الطلـــــيق اميمه صلاح الدين عشريه** رد مع اقتباس


	27-04-2007 03:34 PM #8 اميمه عشريه الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jun 2005 الدولة من مدني فكل مدني دياري المشاركات 1,486 المشاركة الأصلية كتبت بواسطة sandra بصراحه ده اغرب تعليق أشوفو!!!! قصه هذا التعليق : محمد ودعدلان الوزير السناري عندما خاطب إسماعيل باشا الغازي للسودان 1820م قائلا له: لا يغرنك انتصارك على الجعليين والشايقية نحن الملوك وهم الرعية أما بلغك أن سنار محروسة محمية بسيوف قواطع هندية وخيول جرد أدهمية ورجال صابرين للموت صباح وعشية. فكانت كلمه الرعيه هنا تعظيم لشأنهم وتصغير للاخرين.. شفتي يا ساندرا الزول ده استعان كيف بكلام ود عدلان ... لولا هذا الجـــدار لما عرفنا قيمة الضؤ الطلـــــيق اميمه صلاح الدين عشريه رد مع اقتباس


	16-09-2009 12:44 PM #9 wad alballal الملف الشخصي مشاهدة المشاركات عضو ذهبي Array تاريخ التسجيل Jun 2009 الدولة مدني -المطار المشاركات 3,193 قصيدة مرام ... من اجمل القصائد التي سمعتها .. مرام مرقت على الجيران ومرن ديل كم ساعات غابت نجمة الضيفان واكتست الارض ظلمات مرام ما جات…!! حكاية كان وياما كان حكاية تشيب الولدان حيرت الانس والجان وبرهنت انو ما في امان رجع وأد الطفولة زمان زمن عبدة(هبل)و(اللات) بعد لبست جديد في جديد مرام مرقت تبارك العيد وقفت سمعتنا نشيد حلاوة موبايلا الفي الايد مرام ما جات…!! مع التسريحة والباندات اتاريهو الغدر منصوب مسطر ومافي منو هروب برغم رضانا بالمكتوب ده غدر ما وراهو سكات بدون إنزار..بدون اسباب مرام غدروها جمب الباب مرام هجمت عليها ذئاب طباعم من شريعة الغاب ملاكاً حولوهو رفات قلوب لا رحمة لاإحسان مدبجة بي صفات شيطان وظهرت قدرة الرحمن محل اسنانها هو الاثبات دريبهاعلى الارض منقوش سريرها من العصر مفروش معالمو باقية وسط الحوش ملابس الروضة واللبسات بعد شمس العصاري تغيب مرام كانت تودي تجيب عندها بسكويت وحليب في تلاجتن راقدات وحيدة اخوانا والوالدين عليها يخافو متمنين تتعلم تتم الدين وليها يوزعوا الشربات مرام ما جات…!! يا صاحباتها وينها مرام سماح يادوبو فرهد قام عمير ما تم خمسة اعوام ملازماها البراءة سمات عيال الروضة ياسمحين لمن جيتو متماسكين ما شفتوها راحت وين مرام سرقت منام العين مرام حرقت حشا الامات وليه بتقول مرام ما جات مرام كلما وجيها يلوح تبق جوانا احساسات مرام بقت القلب والروح سحابة تخدر البلدات مرام غصة حلق مجروح تقوقيها القميريات مرام صفحة كتاب مفتوح يقروه الطلبة والطالبات مرام عصفور يئن مجروح ما شفعتلها الدمعات مرام جزء من (محمد) و(نوح( و(تبارك) و(عم) و(النازعات) مرام شربت محاية ولوح وفي ساعة المغيب بخرات مرام دعاء للجميع مسموح بعد ما تكمل الصلوات مرام حاتظل سؤال مطروح جوه بيوتنا والطرقات مرام حاتظل سؤال مطروح وسط اولادنا في الجامعات مرام حاتظل سؤال مطروح موجه للشباب بالذات وليه بدت السماحة تروح إرث اجدادنا والعادات مرام ما جات…!! البــــــــ ود ــــــلال احتاج دوزنةً وتراً جديداً لايضيف إلي النشيد سوي النشاذ لغةً تفتش عن أراضٍ خصبةٍ شمساً تغير طعم فاكهة الشتاء رد مع اقتباس


	18-09-2009 01:40 PM #10 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 رائعة هى حكاوى واشعار الشايقية لما تحتويه من تعمق فى الروح والحنان والإلفة الممزوجة بى لهفة وشوق ودموع .... كلمات عزبة بسيطة تداعب الإحساس فينا ... فتنتشى الروح ... وتسمو فى سموات الحنين ... أيها الرائعون تدفقوا .... وأمتعونا بما غاب عنا من حروف ... ولكم كل المنى بالخير فى كل الأعوام رد مع اقتباس


	19-09-2009 04:47 AM #11 اسلام فرح الملف الشخصي مشاهدة المشاركات عضو مميز Array تاريخ التسجيل Aug 2009 الدولة ولاية الجزيره ود مدني المشاركات 481 111111111111 (برسل شوقي لي مدني) رد مع اقتباس


	25-09-2009 07:01 AM #12 نور العيون الملف الشخصي مشاهدة المشاركات عضو فضي Array تاريخ التسجيل Feb 2006 الدولة في اي مكان جميل المشاركات 1,757 والله انا شايقيه بالامو جعليه بالاب معزور معذور لو قلبي اشتهاك ما إنت عارف فرقتك ما بيحملا القلب الهواك ده مناه يوم ما نفترق يا ريتو كان يفضل معاك لو بي مرادو يقوم يجيك تلقاه بين ايديك حداك متمني يلحق بيك سريع نتلاقي والاشواق هناك جاييك هارب من سنين جاييك واقع في حواك غلبو النواح يوم فرقتك بالدهشة خانس إتعبر ما بين نوازع الروح إليك هايم وبين حكم القدر ما اتزعزع الإيمان جواه ولكنو في الآخر بشر قايل عليك شدة وتزول ما قايلك إنت علي سفر ما كان هو فاهم يومو داك ايه ضحكت البرق اللصف ولا كان هو شايف للهموم الجايه واقفات ليهو صف ولا كان هو حاسس بالغرام الباني في الغيم اتنسف لقي نفسو فجأة بلا وجيع مفجوع ومفقوع بالأسف يا ريتو كان وقف الزمان قبال تروح صدّ ورجع ما كان غشانا الحزن يوم لا فرقه بيناتنا بتقع كان لا رثيتك لا بكيت لا قلبي فيك يوم إتفجع وما كان قدر ذكراك صبح يومها التزور مره ورجع مات الامل محترقا بنار انتظاري و ذبلت على شاطئ النسيان اجمل ورودي رد مع اقتباس


	25-09-2009 11:14 PM #13 الفخيييم الملف الشخصي مشاهدة المشاركات عضو فضي Array تاريخ التسجيل Jul 2009 المشاركات 2,048 المشاركة الأصلية كتبت بواسطة عبدالملك لا يغرنك انك قد هزمت الشايقيه و....... فنحن الملوك وهم الرعيه حنية من اجل المصالح؟ دي كيف دي يا اخوي؟ من الملوك؟ومن الرعية؟ حلاة بلدي اشيل طمبوري واغنيلها عندك اعتراض علي اشعار الشوايقة تكون مكابر00 التقينا والدهشة هي الإتكلمت .. قبل الأيادي العيون هي السلمت .. من شدة الافراح بكينا .. رد مع اقتباس


	28-09-2009 09:32 PM #14 النويري الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Oct 2004 الدولة مايو أربعين ـ قريب من البحر شديد المشاركات 1,704 صراحة ما شفنا أحنا من الشايقية ولم نسمع من الشعر أجمل مما كتبه حميد وغيره من شعراء الشمال ففي شعرهم وجدان صادق وشيء تحسه في التعابير والكلمات التي تحكى واقع الطيبة والمحنة وحسن النية في كلمات شعراء الشمال ولذلك تأثر شعرائهم بغرس المحنة الموجود عندهم في الخالات والعمات وأكيد الأباء والأمهات وخرجت الكلمات بديعة مليئة بالرقة والحنان لكن الشيى الفهمت من نحن الملوك وهم الرعية فيها إهانة للشايقية والجعلية ولا القصد ما كدا أختنا أميمة مع أنو دي فترة الملوك مثلا المك نمر وكدا في بلاد الجعليين أعتقد أن الوزير السناري لم يوفق فيما كتبه إلى إسماعيل باشا ولا نحن فهمنا غلط [SIGPIC][/SIGPIC] رد مع اقتباس


	29-09-2009 01:07 AM #15 الفخيييم الملف الشخصي مشاهدة المشاركات عضو فضي Array تاريخ التسجيل Jul 2009 المشاركات 2,048 المشاركة الأصلية كتبت بواسطة النويري صراحة ما شفنا أحنا من الشايقية ولم نسمع من الشعر أجمل مما كتبه حميد وغيره من شعراء الشمال ففي شعرهم وجدان صادق وشيء تحسه في التعابير والكلمات التي تحكى واقع الطيبة والمحنة وحسن النية في كلمات شعراء الشمال ولذلك تأثر شعرائهم بغرس المحنة الموجود عندهم في الخالات والعمات وأكيد الأباء والأمهات وخرجت الكلمات بديعة مليئة بالرقة والحنان لكن الشيى الفهمت من نحن الملوك وهم الرعية فيها إهانة للشايقية والجعلية ولا القصد ما كدا أختنا أميمة مع أنو دي فترة الملوك مثلا المك نمر وكدا في بلاد الجعليين أعتقد أن الوزير السناري لم يوفق فيما كتبه إلى إسماعيل باشا ولا نحن فهمنا غلط قمة الروعة اخي النويري قد اصبت كبد الحقيقة الوزير السناري لو فعلا قال كده بالغ اتمني يكون نعوم شقير غلطان في نقل تصريحات الوزير السناري آنذاك عموما تأريخنا عايز مراجعه حتي نصل لما هو صحيح منه ما مقنعاني الوثائق دي يا النويري التحية للبجراوية ومروي وحضارة شمالنا الرائع قال ملوك قال نحن ابناء السودان وليست الممالك والملوك التقينا والدهشة هي الإتكلمت .. قبل الأيادي العيون هي السلمت .. من شدة الافراح بكينا .. رد مع اقتباس

الإنتقال السريع المنتدى الثقافي الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 08:48 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني