النتائج 1 إلى 25 من 45

الموضوع: الحصة تواضع

أدوات الموضوع
- مشاهدة صفحة طباعة الموضوع


	11-10-2009 02:04 AM #1 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 الحصة تواضع اجمل درس تلقيته في حياتي وفاق كل ما تلقيناه من علوم في قاعات الدراسة بالجامعة كنا بالداخلية جامعة الجزيرة بالنشيشيبة تلقينا دعوة من احد زملاؤنا من ابناء احدى القرى بشرق النيل لتناول الغداء يوم جمعة ما .. وخاصة نحن طولنا من اهلنا وزاد شوقنا للاكل البلدي .. وفعلا رحنا الى تلك القرية يوم الجمعة .. استقلبنا زميلنا مع اخوانه كاحسن ما يكون الاستقبال كاننا سفراء او زوار من دولة اخرى .. وعرفنا زميلنا باخوانه باسماء مجرده فقط من نوع .. اخوي الاكبر عوض واخوي الاصغر عثمان ووالده وهكذا .. وكانوا اناس بسطاء يرتدون الزي البلدي العراقي والسروال الطويل .. دخلنا الصالون وجلسنا نحن الضيوف على السراير والكراسي .. بينما جلس زميلنا واخوانه ووالدهم على الارض كانهم في حضرة امراء .. ونحن اخذنا العزة بالغرور وطغت العبارات الانجليزية على معظم كلامنا باعتبار اننا طلاب جامعة .. كان الاخوة يضحكون من عباراتنا ونحن كنا ناخذ ضحكهم من باب شر البلية ما يضحك لانهم لايفهمون لغتنا الصفوية والتي هي من المفترض اعلى من مستوى فهمهم .. فهم في عرفنا ليسوا سوى مزارعين بسطاء غالبا اكتفوا من التعليم بما يعينهم على فك الخط بالكثير ..تناولنا وجبة الغداء الدسمه والتحلية وانقضى هذا اليوم الجميل ونحن نهم بالمغادره كانت المفاجاه التي الجمتنا حتى دخل بنا البص ودمدني من جديد . ونحن في الباب نودع في زميلنا واهله انبرى لنا اخوته لتعريفنا بانفسهم من جديد ومن باب مختلف خالص باعتبار نحن طلاب وغرباء قد نحتاج مساعدتهم قال احدهم انه ( البروفيسور فلان الفلان الذي يعمل بالابحاث الزراعية ببركات ) ولو احتجنا لكتاب او اي مساعدة من مكتبة الابحاث علينا زيارته بمكتبه ... ) والثاني عرفنا بنفسه بانه ( الدكتور فلان الفلاني اخصائي الاطفال بمستشفى ود مدني ) لو جابتنا الحاجة الى المستشفى يمكن ان نمر به هناك .. اما نحن فتبكمنا وتعطلت لغة الكلام وسيطر علينا الصمت وانغلقنا على انفسنا نحاسبها .. انا شخصيا لم انطق باي كلمة حتى دخل البص الداخلية احاسب في نفسي حسابا عسيرا واتمنى الا تكون فلتت مني كلمة استفذت هؤلاء العلماء المتواضعون البسطاء .. بل ظليت يوما كاملا محاولا استذكار كل الكلمات التي فلتت مني خلال اليوم .. ومنذ ذلك اليوم ظل ذلك الدرس يراودني كل ما حستني نفسي نحو الغرور تذكرت الموقف فخمدت نفسي وعرفت قدرها تماما .. رد مع اقتباس


	11-10-2009 02:12 AM #2 أبو جودي الملف الشخصي مشاهدة المشاركات عضو برونزي Array تاريخ التسجيل Jun 2009 الدولة وادمدني - القسم الأول المشاركات 978 أخي درديري كثيراً ما يطلع الجميل من أهله ... من تواضع لله رفعه ،،، من أجمل الصفات التي يتصف بها بني البشر وأرقها وأجملها وقعاً في النفس التواضع ،،، وحبزا لو أتي هذا من أهل العلم والعلماء وهذا ما يتصف به الغالبية منهم ،،، نسأل الله أن نكون منهم ،،،، واستمر معك أخي ،،، والناس: إما خالدُ يروى له ذكر،،،،،، وإما لمحة فزوال. رد مع اقتباس


	11-10-2009 02:30 AM #3 ابوخالد الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,963 التواضع من الصفات النادرة الوجود في زماننا هذا ... أخي درديري ... لك التحية ... من تواضع لله رفعه ... أني لتطربني الخلال كريمةً طرب الغريب بأوبةً وتلاقِ ويهذني ذكر المرؤة والندي بين الشمائل هذةِ المشتاقِ مقولة رائعة تحمل ماتحمل من صفات الكرم والمرؤة .... لقد نقدت نفسك ومن معك ... ولله ذاك أصدق أنواع النقد ... الذي يدق مسمار العظة والعِبر في صناديق التكبر والإفتراء .... تلك الخصال وللأسف صارت ديدن الكثيرين منا .... نتمني أن تؤدي هذه الرسالة مبتغاها ويعم نفعها الكثيرين منا .... قصة واقعية تعكس واقع مرير نعيش فيه .... ولما بين سطورها يحمل الكثير من المعاني والحكم ... فلك الشكر كل الشكر لهذا النقاء والتجلي .... ودمت بخير أخي رد مع اقتباس


	11-10-2009 02:36 AM #4 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة درديري كباشي اما نحن فتبكمنا وتعطلت لغة الكلام وسيطر علينا الصمت وانغلقنا على انفسنا نحاسبها .. انا شخصيا لم انطق باي كلمة حتى دخل البص الداخلية احاسب في نفسي حسابا عسيرا واتمنى الا تكون فلتت مني كلمة استفذت هؤلاء العلماء المتواضعون البسطاء .. بل ظليت يوما كاملا محاولا استذكار كل الكلمات التي فلتت مني خلال اليوم ... درديري نورت المنتدي كان عندي بت خالتي صغيرة جدا كانت في الاساس مرة قالت لي الواحد مفترض ما يتكلم كلام ساي يعمل حساب اي كلمة قبل ما يطلعها لانه الكلمة الكعبة لو طلعت مابتتنسي عكس الكلمة الحلوة بتتنسي باسرع ما يمكن طبعا تعليقي في حتة وكلامك في حتة بس اتذكرته بمحاسبة النفس دي احترااماتي كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	11-10-2009 02:36 AM #5 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 ابو الدر تحياتى.. تعرف مسألة قعدتك يوم كامل وانت بتتذكر فى كلامك ودتنى الى الزول لما خلاص يحس بالموت بيقولو بيمر عليو شريط حياتو..ولكأنه يبحث عن شئ ما يجد فيه ما يعينه على ما بعد خراج الروح..وكذلك أحسب فى بحثك عن كلام لم يمس او يسخر أؤلئك النفر الكريم البسطاء المتواضعون العلماء للجلوس بين أيديكم وعلى البسيطة كبحث المفارق عن الحياة للنجاة..لقد أكد لنا ذلك الجمع الطيب بأن التواضع من شيم العلماء وبأن الله يرفع به من قدر البشر.. للجامعة فورة وقوالب يحلم بكونيتها الصغار ..ولعل الكثير منا قد حلم بلبس شخصية ما عند مروره بتلك المرحلة.. عن نفسى وانا بالثانوى كنت قد جهزت استايلى باللبس لمرحلة الجامعة "خياليا"وكنت كثيرا ما اسرح مع شخصيتى التى سوف تغدو من الشخصيات السياسة اللامعة بالجامعة..ربما كل تلك التصورات لإعجابنا بطلاب الجامعات بالعصور الذهبية سابقا.. دخلت الجامعة ولم البس ما حلمت به ولم اكن ذلك السياسى المشع نورا ولم احس حتى بأنى بالمرحلة الجامعية سوى من مقرراتها.. كثير منا يفكها فى نفسو ويجيهو الدرس ويعدل راسو الما حلو.. قلت ليا فكيتوها فيهم وعملتو وهماتكم ونظام نو واوف كورس وآى مين ولقيتو القبة فيها فكى انجليزى..يا شماتى فيكم ههههههههه.. درس لكن ..وأنا أقول تواضعك وأدبك الجم دا سببو شنو "مش كنت تؤول".. رد مع اقتباس


	11-10-2009 02:40 AM #6 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 ويل كام باك درة يا ربي انا وين sun shine رد مع اقتباس


	11-10-2009 03:48 AM #7 عباس الدسيس الملف الشخصي مشاهدة المشاركات عضو برونزي Array تاريخ التسجيل Jun 2009 الدولة مدني - اركويت المشاركات 956 ذكرتني حكاية دكتور محمد عوض الكريم اخصائي الباطنية ود عمتنا كان مع اهلوا بتكلموا في المصاريف والحياة بقت غاليه المناسبة جات قالوا حسي رطل اللبن بقي بي الشي الفلاني قال ليهم المزرعه فيها ثلاثة بقرات ليه تشتروا اللبن قالوا ليهوا واحده بس والده الراعي قال ما بقدر احلبا عشان بترفس زولك مشي المغربية قعد تحت البقره بي العراقي ملي الجردل لبن جابو معاهوا البيت الراعي جاء اشكي لي الحاجة في البيت قال ليها جيبتوا راعي جديد ليه انا قصرت في شنو الحاجه قالت ليهوا اجي يل ود امي ده ما ولدي محمد ما بتعرفوا سيد المزرعه والبقر قال ليها كان كده احسن امشي براي ما انتظر ولدك الدكتور البحلب البقر ده. آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي! لاني مؤمن بآن كلٍ يرى النآس بعين طبعه.. مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم! انطق كَلمآتي باسلوب مختلِف.. و ذوقيّ غير مرتبط بذوق آحد! اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي رد مع اقتباس


	11-10-2009 06:32 AM #8 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة أبو جودي أخي درديري كثيراً ما يطلع الجميل من أهله ... من تواضع لله رفعه ،،، من أجمل الصفات التي يتصف بها بني البشر وأرقها وأجملها وقعاً في النفس التواضع ،،، وحبزا لو أتي هذا من أهل العلم والعلماء وهذا ما يتصف به الغالبية منهم ،،، نسأل الله أن نكون منهم ،،،، واستمر معك أخي ،،، مش كدا يا اخوي اسامة الانسان تزيد قيمته اذا تواضع رقم مكانه العالي ولاحظ انا لازلت محتفظ بتفاصيل هذا الموقف منذ عام 1991 .. لكن تخيل لو كان حدث العكس يعني مثلا الدعوة كانت عند اهل الفخفخة والبوبار والجهلاء اكلنا افخم اكل ولكن اسنتفذينا ومسح بنا الارض لنكتشف انه المستفذين لم يكن معهم الابتدائية.. رد مع اقتباس


	11-10-2009 06:34 AM #9 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة ابوخالد التواضع من الصفات النادرة الوجود في زماننا هذا ... أخي درديري ... لك التحية ... من تواضع لله رفعه ... أني لتطربني الخلال كريمةً طرب الغريب بأوبةً وتلاقِ ويهذني ذكر المرؤة والندي بين الشمائل هذةِ المشتاقِ مقولة رائعة تحمل ماتحمل من صفات الكرم والمرؤة .... لقد نقدت نفسك ومن معك ... ولله ذاك أصدق أنواع النقد ... الذي يدق مسمار العظة والعِبر في صناديق التكبر والإفتراء .... تلك الخصال وللأسف صارت ديدن الكثيرين منا .... نتمني أن تؤدي هذه الرسالة مبتغاها ويعم نفعها الكثيرين منا .... قصة واقعية تعكس واقع مرير نعيش فيه .... ولما بين سطورها يحمل الكثير من المعاني والحكم ... فلك الشكر كل الشكر لهذا النقاء والتجلي .... ودمت بخير أخي يا سلام عليك يا ابو خالد ولواء دائما جاهز بمخزونك من الاشعار والحكم وجد دعمت الموضوع كونوا بخير كلكم رد مع اقتباس


	11-10-2009 06:41 AM #10 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة مدنيّة درديري نورت المنتدي كان عندي بت خالتي صغيرة جدا كانت في الاساس مرة قالت لي الواحد مفترض ما يتكلم كلام ساي يعمل حساب اي كلمة قبل ما يطلعها لانه الكلمة الكعبة لو طلعت مابتتنسي عكس الكلمة الحلوة بتتنسي باسرع ما يمكن طبعا تعليقي في حتة وكلامك في حتة بس اتذكرته بمحاسبة النفس دي احترااماتي سلام يا مدن هو الكلام لم يكن سئ .. بمعنى نحن ما استفذينا احد .. ولكن كنا نحاول مثلا نتواضع او ننزل لمستوى ناس كنا نعتقد انهم دوننا ... اضرب ليك مثال اتخيلي انت معك ناس من القرية لاسمعو بديقتال ولا شافوا ايسكريم ولا يعرفوا ما يونيز ولا بيتزا .. انت بتتونسي ونستك العادية لكن فجاه تعتقدي انه الناس ديل مسطحين وتحاولي تشرحي تعرفي البيتزا .. يعني مثلا _ ما تندهشوا يا اخوان البيتزا دي اكلة ايطاليا عبارة عن قراصة فيها سلطة وخضروات وهكذا ) لتكتشفي في النهاية انه القرويات ديل اساسا مولودات في ايطاليا الما شفتيها دي .. هني يكون موقفك شنو ؟؟... بس دا هو شعورنا لكن نحن الحمد لله ما استفذينا احد ولن نفعلها حتو لو كان امي . رد مع اقتباس


	11-10-2009 06:54 AM #11 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة أشرف صلاح السعيد ابو الدر تحياتى.. تعرف مسألة قعدتك يوم كامل وانت بتتذكر فى كلامك ودتنى الى الزول لما خلاص يحس بالموت بيقولو بيمر عليو شريط حياتو..ولكأنه يبحث عن شئ ما يجد فيه ما يعينه على ما بعد خراج الروح..وكذلك أحسب فى بحثك عن كلام لم يمس او يسخر أؤلئك النفر الكريم البسطاء المتواضعون العلماء للجلوس بين أيديكم وعلى البسيطة كبحث المفارق عن الحياة للنجاة..لقد أكد لنا ذلك الجمع الطيب بأن التواضع من شيم العلماء وبأن الله يرفع به من قدر البشر.. للجامعة فورة وقوالب يحلم بكونيتها الصغار ..ولعل الكثير منا قد حلم بلبس شخصية ما عند مروره بتلك المرحلة.. عن نفسى وانا بالثانوى كنت قد جهزت استايلى باللبس لمرحلة الجامعة "خياليا"وكنت كثيرا ما اسرح مع شخصيتى التى سوف تغدو من الشخصيات السياسة اللامعة بالجامعة..ربما كل تلك التصورات لإعجابنا بطلاب الجامعات بالعصور الذهبية سابقا.. دخلت الجامعة ولم البس ما حلمت به ولم اكن ذلك السياسى المشع نورا ولم احس حتى بأنى بالمرحلة الجامعية سوى من مقرراتها.. كثير منا يفكها فى نفسو ويجيهو الدرس ويعدل راسو الما حلو.. قلت ليا فكيتوها فيهم وعملتو وهماتكم ونظام نو واوف كورس وآى مين ولقيتو القبة فيها فكى انجليزى..يا شماتى فيكم ههههههههه.. درس لكن ..وأنا أقول تواضعك وأدبك الجم دا سببو شنو "مش كنت تؤول".. سلام يا باش ميزة الشعب السوداني بصفة عامة لاتغيرهم المناصب ولا الرتب ولا الشهادات ؟؟ يعني الحمد لله ماعندنا واحد يقول ليك بصوت عالي ( ازاي تسمح لنفسك تكلمني بالطريقة ديات انت مش عارف انا مين ؟؟) وفي ذات الوقت كان غرورنا نابع من الشعب نفسه الذي كان يدلل طلاب الجامعات ( طبعا قبل ما يبهلوها كدا وترخص ) كان يمتحن الشهادة مائة وخمسون الف وخمسة الف منهم فقط كانوا يدخلوا الجامعات والباقين يتصرفوا ( حتى ما كان في ركشات يمشو بيها الحال ) لذلك كان الطالب الجامعي يحس بالغرور ويحس بمكانة المجتمع له . لكن هؤلاء الجميلين يعني لم تكن توجد دراسات عليا داخل السودان يعني على الاقل عاش كل واحد منهم في انجلترا او امريكا ما يقارب الخمس سنوات .. ورغما عن ذلك لم تفلت منهم ولو بالخطا كلمة انجليزية واحدة تخلينا نتواضع ونتلم من النهار .. ودا سبب الازية والاسية في الموضوع . رد مع اقتباس


	11-10-2009 09:18 AM #12 مدنيّة الملف الشخصي مشاهدة المشاركات فخر المنتديات Array تاريخ التسجيل Jul 2006 الدولة محل الرئيس بنوم والطيارة بتقوم المشاركات 18,647 المشاركة الأصلية كتبت بواسطة مدنيّة طبعا تعليقي في حتة وكلامك في حتة بس اتذكرته بمحاسبة النفس دي احترااماتي المشاركة الأصلية كتبت بواسطة درديري كباشي سلام يا مدن هو الكلام لم يكن سئ .. بمعنى نحن ما استفذينا احد .. ولكن كنا نحاول مثلا نتواضع او ننزل لمستوى ناس كنا نعتقد انهم دوننا ... اضرب ليك مثال اتخيلي انت معك ناس من القرية لاسمعو بديقتال ولا شافوا ايسكريم ولا يعرفوا ما يونيز ولا بيتزا .. انت بتتونسي ونستك العادية لكن فجاه تعتقدي انه الناس ديل مسطحين وتحاولي تشرحي تعرفي البيتزا .. يعني مثلا _ ما تندهشوا يا اخوان البيتزا دي اكلة ايطاليا عبارة عن قراصة فيها سلطة وخضروات وهكذا ) لتكتشفي في النهاية انه القرويات ديل اساسا مولودات في ايطاليا الما شفتيها دي .. هني يكون موقفك شنو ؟؟... بس دا هو شعورنا لكن نحن الحمد لله ما استفذينا احد ولن نفعلها حتو لو كان امي . ديرديري مساءك زين شكلك كدا الخمسة لهسي واجعاك واثقة انك ما ممكن تستفذ زول او تطلع كلمة اساءة كدي راجع كلامي تاني وشوف انا قلت ليك شنو كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح رد مع اقتباس


	11-10-2009 11:37 AM #13 ام قبس الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,679 درديري مساك خير ماعارفه ليه عندي شيء في راسي دا انك انت واشرف السعيد تؤام لا ادري من اي جاءتني هذه الفكرة الطاعمه علي العموم ارجع للموضوع حصه التواضع دي ذي الماس البيضربك من غير كهرباء داك وعندي موقف بجيك ليه بعد حبتين ذي تؤمتك انت ودالسعيد الاتمنيت تبقي ثلاثيه الابداع بي واحد بيشبهكم اسمه منعم تقبل مروري رد مع اقتباس


	11-10-2009 04:29 PM #14 moh_alnour الملف الشخصي مشاهدة المشاركات فخر المنتديات Array تاريخ التسجيل Aug 2007 الدولة جدة - السعودية المشاركات 7,687 أخي أبو الدُر نحن شعب نحمد الله أننا نعي تماما ً حقيقة أن من تواضع لله رفعه و قليل منا من يشذ عن هذه القاعدة لذلك قال شاعرنا ( محمد علي أبو قطاطي ) ( المغرور ندوسوا و نقطعوا الطنة شافعنا بيرى الموت في الركاب سُنة ) لذلك لم تغيرنا المناصب ولا الدرجات العلمية و لا البعثات الدراسية للبلاد التي تموت حيتانها من البرد فكثير ما نرى علامات الأستغراب و الإندهاش في وجوه الغير و هم لا يميزون بين الدكتور و الخفير و الوزير حيث تجد الجميع سواسية في ملبسهم و في حفاظهم على القيم المتوارثة في المجتمع ربما هي ثورة الشباب و التي تجعل المرء يحس أحيانا ً بقيمة الذات و لكن سُرعان ما تجذبه تلك الصفة المتأصلة فينا و هي التواضع و البساطة من غير سذاجة أرى الغر في الدنيا إذا كان فاضلا ترقّى على رؤس الرجال ويخطب وإن كان مثلي لا فضيلة عنده يُقاس بطفل في الشوارع يلعب إننا نحب الورد رغم الأشواك التي تعانقه وهكذا الحياة abu ze yazan جزيرة الفيل الأصالة و العراقة رد مع اقتباس


	11-10-2009 07:24 PM #15 محمد هاشم الملف الشخصي مشاهدة المشاركات عضو فعال Array تاريخ التسجيل Jul 2009 الدولة أركويت - مربع 278 المشاركات 221 أبو الدر سلامي كلامك ده ذكرني مرة كنا معزومين غداء وكان معانا بروفيسور إخصائي جهاز هضمي وكان من ضمن الحضور واحد عجيب بيشرح للبروف عن أسباب قرحة المعدة وإلى أي مدى إنتشار هذا المرض في السودان طبعا من غير ما يعرف إنو القدامو ده هو البروف وبعد الغداء قمنا كلمناه قلنا ليه ياخي إنت داير توري البروف أعراض القرحة وببساطة الراجل قام جاري أخوكم أبو وضاح رد مع اقتباس


	11-10-2009 07:57 PM #16 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة عباس الدسيس ذكرتني حكاية دكتور محمد عوض الكريم اخصائي الباطنية ود عمتنا كان مع اهلوا بتكلموا في المصاريف والحياة بقت غاليه المناسبة جات قالوا حسي رطل اللبن بقي بي الشي الفلاني قال ليهم المزرعه فيها ثلاثة بقرات ليه تشتروا اللبن قالوا ليهوا واحده بس والده الراعي قال ما بقدر احلبا عشان بترفس زولك مشي المغربية قعد تحت البقره بي العراقي ملي الجردل لبن جابو معاهوا البيت الراعي جاء اشكي لي الحاجة في البيت قال ليها جيبتوا راعي جديد ليه انا قصرت في شنو الحاجه قالت ليهوا اجي يل ود امي ده ما ولدي محمد ما بتعرفوا سيد المزرعه والبقر قال ليها كان كده احسن امشي براي ما انتظر ولدك الدكتور البحلب البقر ده. سلام يا عبس والله يحفظ هذا الدكتور الرائع ... لاننا في النهاية كلكم لادم وادم من تراب .. رد مع اقتباس


	11-10-2009 07:59 PM #17 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة ابوالنور ويل كام باك درة يعني مأ جيتنا راجع يا ابو النور .... هسع دا تواضع منك .... عامل جماعتك الما بيفتروا من الرقيص ديل رد مع اقتباس


	11-10-2009 08:03 PM #18 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة ام قبس درديري مساك خير ماعارفه ليه عندي شيء في راسي دا انك انت واشرف السعيد تؤام لا ادري من اي جاءتني هذه الفكرة الطاعمه علي العموم ارجع للموضوع حصه التواضع دي ذي الماس البيضربك من غير كهرباء داك وعندي موقف بجيك ليه بعد حبتين ذي تؤمتك انت ودالسعيد الاتمنيت تبقي ثلاثيه الابداع بي واحد بيشبهكم اسمه منعم تقبل مروري سلام يا ام قبس .. ملاحظتك في محلها يا ام قبس انا برضو كان عندي احساس انه انا واشرف توام ... في اي مكان نتلاقى حفلة اي شئ نجد روحنا جالسين مع بعض ...ونواصل في النقاش ... بصراحة اشرف رجل ملان كلام جميل والى الان لم يكتب الا القليل مما هو مخزن بدماغه ... لذلك انا اظل ابحث عنه دائما في المناسبات . ومنتظرين موقفك ... بس يا ريت تتواضعي وما تنسينا رد مع اقتباس


	11-10-2009 08:11 PM #19 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة moh_alnour أخي أبو الدُر نحن شعب نحمد الله أننا نعي تماما ً حقيقة أن من تواضع لله رفعه و قليل منا من يشذ عن هذه القاعدة لذلك قال شاعرنا ( محمد علي أبو قطاطي ) ( المغرور ندوسوا و نقطعوا الطنة شافعنا بيرى الموت في الركاب سُنة ) لذلك لم تغيرنا المناصب ولا الدرجات العلمية و لا البعثات الدراسية للبلاد التي تموت حيتانها من البرد فكثير ما نرى علامات الأستغراب و الإندهاش في وجوه الغير و هم لا يميزون بين الدكتور و الخفير و الوزير حيث تجد الجميع سواسية في ملبسهم و في حفاظهم على القيم المتوارثة في المجتمع ربما هي ثورة الشباب و التي تجعل المرء يحس أحيانا ً بقيمة الذات و لكن سُرعان ما تجذبه تلك الصفة المتأصلة فينا و هي التواضع و البساطة من غير سذاجة أرى الغر في الدنيا إذا كان فاضلا ترقّى على رؤس الرجال ويخطب وإن كان مثلي لا فضيلة عنده يُقاس بطفل في الشوارع يلعب مصداقا لكلامك يا ابو النور كنا يوم الجمعة بالرياض اجتماع جمعية ودمدني الخيرية .. وحضر الاجتماع البروفيسور المفخرة لود مدني ولكل السودان عوض ابو زيد .. وهو رجل مسئول على مستوى العالم لانه تابع للامم المتحده .. ورغما عن ذلك لا تميزه عن الحضور الا بتعريف الرجل الوغور الاستاذ عمر سعيد النور له في كل ما يمر احد للسلام .. فالرجل لا يرتدي سوى الزي السوداني الذي كلنا كنا نرتديه ويجلس ويتحدث عن ودمدني والذي ترجوه من الجميع بما ال ليه حالها من تردي وتحس ان قلبه على بلاده اكثر مما هو على اولاده .. رد مع اقتباس


	11-10-2009 08:14 PM #20 درديري كباشي الملف الشخصي مشاهدة المشاركات عضو فضي Array تاريخ التسجيل Jun 2009 المشاركات 1,704 المشاركة الأصلية كتبت بواسطة محمد هاشم أبو الدر سلامي كلامك ده ذكرني مرة كنا معزومين غداء وكان معانا بروفيسور إخصائي جهاز هضمي وكان من ضمن الحضور واحد عجيب بيشرح للبروف عن أسباب قرحة المعدة وإلى أي مدى إنتشار هذا المرض في السودان طبعا من غير ما يعرف إنو القدامو ده هو البروف وبعد الغداء قمنا كلمناه قلنا ليه ياخي إنت داير توري البروف أعراض القرحة وببساطة الراجل قام جاري سلام يا ابو وضاح قصتك ذكرتني كنا في جلسة هنا في الرياض وكان الزائر بروفيسور في العلوم البيطرية وعميد كلية البيطرة الوحيدة بالسودان .. احد المغالطية كان بيغالط فيه عن البغل هل الام حمارة ام حصانة .. وكان يصر على رايه .. والطريف في الموضوع ايضا اصر على رايه حتى بعد عن عرف انم الرجل له دكتوراه في البيطره التعديل الأخير تم بواسطة درديري كباشي ; 12-10-2009 الساعة 12:13 AM رد مع اقتباس


	11-10-2009 09:56 PM #21 حاتم مرزوق الملف الشخصي مشاهدة المشاركات عضو فضي Array تاريخ التسجيل Apr 2007 الدولة جنب الماوس المشاركات 2,569 العزيز درديري من امتع ما حضرنا من حصص. الله يديك العافية رَبَّنَا آمَنَّا بِمَا أَنزَلْتْ وَاتَّبَعْنَا الرَّسُولَ فَاكْتُبْنَا مَعَ الشَّاهِدِينَ رد مع اقتباس


	11-10-2009 10:00 PM #22 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 المشاركة الأصلية كتبت بواسطة ام قبس درديري مساك خير ماعارفه ليه عندي شيء في راسي دا انك انت واشرف السعيد تؤام لا ادري من اي جاءتني هذه الفكرة الطاعمه علي العموم ارجع للموضوع حصه التواضع دي ذي الماس البيضربك من غير كهرباء داك وعندي موقف بجيك ليه بعد حبتين ذي تؤمتك انت ودالسعيد الاتمنيت تبقي ثلاثيه الابداع بي واحد بيشبهكم اسمه منعم تقبل مروري تحياتى اختى ام قبس.. والله من حيث انو فكرتك طاعمة فهى طاعمة طعومية شديدة خلاص.. ابوالدر نعم التوم بس هو التوم الرزين والهادى وانا التوم الجوااط ومشاغب بالحياة..تعرفى إنو هو رجل هادئ جدا جدا فى كلامو وحركتو ..لكن تقرى ليهو بتستغربى من الشقاوة وجنون العقلاء بتاعو فى الكتابة ولو ما قالو ليك دا الدرديرى لما تقابليو شخصيا لا يمكن تربطى بين الشخصيتين.. انا بقى عكسو جنى البرا اكتر من جنى الكتابى وآخر شى يبهتونى بيو الناس الهدوء.. اما منعم دا حكاية تانية رجل لذيذ جدا وصاحب اسلوب سهل ممتنع وتوش..بسيط الطرح وعميق الفكر ..وكثيرين حقيقة من شباب المنتدى "شباب دى عشان كلنا ندخل فيها" ليهم مدارس كتابية جميلة.. غايتو يا ام قبس رفعتى ليا معنوياتى فوق وخايف بكرة ينادونى اشرف ما اتلفت الا يقولو ليا التوم.. رد مع اقتباس


	11-10-2009 10:07 PM #23 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 المشاركة الأصلية كتبت بواسطة درديري كباشي سلام يا ام قبس .. ملاحظتك في محلها يا ام قبس انا برضو كان عندي احساس انه انا واشرف توام ... في اي مكان نتلاقى حفلة اي شئ نجد روحنا جالسين مع بعض ...ونواصل في النقاش ... بصراحة اشرف رجل ملان كلام جميل والى الان لم يكتب الا القليل مما هو مخزن بدماغه ... لذلك انا اظل ابحث عنه دائما في المناسبات . ومنتظرين موقفك ... بس يا ريت تتواضعي وما تنسينا ابو الدر عوافى.. ولله انك احلى توم..بس يا ابو الدر اخوى تعال نتفق انو نكون "توم كروز" وشوف الهنا الحنعيش فيو ..جنس تجدع هو وما تخاف انا شسخيا حأحاول اتواضع قدر ما اقدر بس ما تعتبر دا وعد..مع الوجاه الكروزية تانى بفضل فيها تواضع.. ديل ناسنا الغبش ديل بعضهم بس مجاملة ساااى تقول ليو شنو الوجاه دى تانى الا تكلمو بميعاد من سكرتيرو وهاتفيا.. وبختى رسمى وشعبى الغمرتنى بشرف توأمتك ايها السهل الممتنع الرائع المتواضع.. رد مع اقتباس


	11-10-2009 10:22 PM #24 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 المشاركة الأصلية كتبت بواسطة درديري كباشي يعني مأ جيتنا راجع يا ابو النور .... نأسف جدا والله يا درة بث اخدت لي خمسة يوم في الحلة اها بمناسبة الحلة دي عندنا خالنا زول عملي جدا ومتعصب في نفس الوقت عندو مراااح عيال ماشاءالله عيني باردة قال ليهم اموش البسو لبس خمسة وتعالو جوه لابسين شعار الهلال اها المرة لازم اجيك تاني تصدق يا ربي انا وين sun shine رد مع اقتباس


	11-10-2009 11:14 PM #25 محمد النويري-الفقراء الملف الشخصي مشاهدة المشاركات عضو مميز Array تاريخ التسجيل May 2009 الدولة السعودية - الرياض المشاركات 367 سام يا اخوي درديري كون اجمل ما في كلامك وتلك الحادثة انك سردتها بجل تجرد ونقد لنفسك وبالعكس انا أراها درس لنا لنستفيد منها . وفعلا اخي درديري للتواضع طعم جميل ومذاق لا مثيل له . دا غير المكافأة التي يجنيها المسلم من ربي العزة والجلالة من الرفعة فالتواضع سمة وغاية كل نفس . وسبحان الله اجمل صفة في الانسان أن يتصف عند الناس بكونه إنسان متواضع جعلنا الله واياك من المتواضعين إنشاء الله ... الليلة شوفو الغربة شن بتسوي.. وانا البتضاري من عينيها ما تشوفني وتنادي علي.. وأنا البتشابا فوق للغيمة شان الغيمة تختفني.. وتحلق فوق ديارنا العامرة تسرح بي .. رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 03:24 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني