افتح موبايلك ... جاتك رسالة

[الملكة اسماء ( ام محمد )]

قبل السيل كان في بوست ظريف عنوانه بالضبط ما متذكراه بس كانت الفكرة ان كل زول يكتب اخر رسالة وصلته في الموبايل
ورغم اني ما شاركت في البوست كتير كان فيه شي بضحكني وبتخيل منظر الزول لما تجيه رسالة ويقعد يضحك ويقراها للزول الجنبو قبل يفتكره مجنون

هسي وصلتني رسالة وقعدت اضحك لكن للاسف ماجنبي زول


المهم تعالوا نكتب احلى الرسايل الوصلتنا خلال اليوم وشاركونا الابتسامة دائما





ابداء بالرسالة الغلبني اترجمها :

( ياخي لو سمحتي تاني ما تجينا قبل تبقى كويسة ولو مصرة تتلتلينا معاك ادفعي حق البترول ورجعي لي قروشي الدايرها منك, خليك مرزوعة هناك لحد ماتبقي كويسة بالله.. غلباوية )

انا غلباوية


يلا شاركونا

[العاقب مصباح]

سلامات ملكة

ياخى معقولة بث نسيتى بتاع الرسائل

ياخى دا واحد ظريييييييييييييييف

واظرف واحد حيجى يدخل هنا

دا ما خالد ابقرجة

الزول الرايق

وطيب

وقلبه ابيض زى اللبن

ودا الرابط كمان

اها قصرته
الصفحة الاولى :-

http://209.85.229.132/search?q=cache...ient=firefox-a


الصفحة الثانية :-

http://209.85.229.132/search?q=cache...ient=firefox-a

[الملكة اسماء ( ام محمد )]

دا ما خالد ابقرجة

الزول الرايق

وطيب
معقولة لكن خالد ابقرجة يتنسي
انا قصدت اني نسيت عنوان البوست
واكيد يظل صاح الفكرة سيدها انا اقتبست الفكرة لاعادتها لارض المنتدى لانها جد حلوة
بعد اذن صديق القلم الراقي خالد ابقرجة

مشكور يا العاقب على التذكرة وارجو الا اكون قد اجحفت في حق الصديق الرائع ابو قرجة

[العاقب مصباح]

صندوق الوارد :-

المستلم :- شخصى السمين

والله يا نسيبى لقيتك خطير بضرب ليك بعدين عشان ما ازعجك ..العرضحالجى...

المرسل :- خالد ابقرجة

[العاقب مصباح]

مشكور يا العاقب على التذكرة وارجو الا اكون قد اجحفت في حق الصديق الرائع ابو قرجة

لا لا ياخ

ما اجحفتى ولا حاجه

وهو كمان حيفرح جدا بالبوست

يا ست الذوق انتى

البوست سواء منك او منه يستحق الروعة والمشاركة

وبشكرك نيابة عنه

[خالد 000 ابقرجة]

مشكور يا العاقب على التذكرة وارجو الا اكون قد اجحفت في حق الصديق الرائع ابو قرجة

الملكة 000
أول بالتبادي حمد الله بالعودة 000
تاني بالتبادي 000
معقولة في زول في المنتدي ده ممكن يزعل من الملكة 000
خاصة أنك طلعتي بت المزاد 000 ( لغاية ما نشوف تمامتا ) 000 ويكون الكرسي بتاعي برد شوية 00

تالت بالتبادي 000
وقبل السيل برضو 000
كنت فرضت نفسي عليك في بوست لذيذ 000
بتاع عيد ميلادنا في المنتدي 000

تتذكري بوما قلتي لي شنو 000
ما مشكلة 000 يونيو قريب 000

أها 000 يونيو داكا ماجا 000
وجانا يونيو تاني نحن فيهو جداد ( طبعا نحنا ديوك ) 000

مش بركة الشاركتك ميلادي قبال يومو ؟؟؟

أها يا ستي 000 دي اعتبريها شراكة جديدة 000

الفوق ده كلو 000 رسايل للمكة 000

ممكن رسالة لصبحي ؟؟؟

( ياخي والله اجمل حاجة في الدنيا دي 000 يكون عندك صاحب 000 يقول الفي نفسك 000 ويتكلم بي اسمك 000 يا سلاااااااااام يا عقبة 000 ويا سلام يا ملكة )

[بت أم درمان]

يا سلااااام
يا غلباوية
رايك شنو نسميك كدا
لانك تلتلتينا نحن زاتنا خلي ناس بيتكم
( تلتلتي لينا افكارنا معاك )

عليكم الله شوفو الرسالة دي وقولو لي رايكم

صندوق الوارد :
المستلمة انا ( ما بت ام درمان )

الرسالة :
انا خشيت ماسنجر تعالي لو فاضية .... قبل المنوم يعمل مفعوله معاي ...


اتخيلو بس الرسالة دي من منو ؟

زولة تعبانة وعيانة وماخدة منوم عشان ترتاح
بتقاوم وما دايرة تنوم
نعمل فيها شنو

وفي نفس ذات الوقت دايرة تغتال الدكتور

[الملكة اسماء ( ام محمد )]

يا سلااااام
يا غلباوية
رايك شنو نسميك كدا
لانك تلتلتينا نحن زاتنا خلي ناس بيتكم
( تلتلتي لينا افكارنا معاك )


عليكم الله شوفو الرسالة دي وقولو لي رايكم

صندوق الوارد :
المستلمة انا ( ما بت ام درمان )

الرسالة :
انا خشيت ماسنجر تعالي لو فاضية .... قبل المنوم يعمل مفعوله معاي ...


اتخيلو بس الرسالة دي من منو ؟

ماقادرة اتخيل

زولة تعبانة وعيانة وماخدة منوم عشان ترتاح
بتقاوم وما دايرة تنوم
نعمل فيها شنو
ودوها بيت ابوها طوااالي

وفي نفس ذات الوقت دايرة تغتال الدكتور

انتي يابت امي البنات الايامات دي بقوا اشرار كدا ليه ؟
غايتو انا حاسة اننا في بيت سفاحين

[تغريد]

طبعا البوست دا جا في وقتو يا ملكة لانو في واحد

الله يطراهو بالخير ويعدل طريقوا رسل لي

رسالة وانا بتكلم معاهو بالمسنجر قال فيها:


(مساء الأوبئة قصدي مساء الخير مشتاقيين ياخ أخبارك وصحتك عساك بخير وعافية )


التوقيع زول ما بتعرفوه ما في داعي للشمار ساي

[تغريد]

يا سلااااام
يا غلباوية
رايك شنو نسميك كدا
لانك تلتلتينا نحن زاتنا خلي ناس بيتكم
( تلتلتي لينا افكارنا معاك )

عليكم الله شوفو الرسالة دي وقولو لي رايكم

صندوق الوارد :
المستلمة انا ( ما بت ام درمان )

الرسالة :
انا خشيت ماسنجر تعالي لو فاضية .... قبل المنوم يعمل مفعوله معاي ...


اتخيلو بس الرسالة دي من منو ؟

زولة تعبانة وعيانة وماخدة منوم عشان ترتاح
بتقاوم وما دايرة تنوم
نعمل فيها شنو

وفي نفس ذات الوقت دايرة تغتال الدكتور

دي هناية يا بت أم در صاااااااااااااااااااااااااااح ؟

[طائر النورس]

جاتني رسالة من السودان في الوارد :

نص الرسالة : مبروك جالك ولد


فرحة فرح شديد وعزمته العزابة عشاء فاخر


وباليل قعدته مع نفسي واتذكرته ............. انى مااااااا متزوج


مشكورة على البوست الطريف وطائر النورس مرة من هنا

[الملكة اسماء ( ام محمد )]

خمسة رسائل من اعزاء كلهم يتمنون لي عاجل الشفاء

ورسالة من صديقة لي منها مدة لا تعرف باني مريضة تطلب مني حضور حفل زواجها غدآ

ورسالة تطمئنني على رصيدي ... خمسة دراهم:d

[سودانية وافتخر]

ملوكة والله كنت مفتقد البوست دا شديد جبتيهو في وقتو يا عسل

اخر رثالة وصلتني:.

يارب تموت اقولها من كل قلبي يارب تموت




يارب تموت فيني مثل ما انا اموت فيكـ

المرسل(050 ************ ) الرقم مشفرر

[كندشة]

ادي اخر رسالة جاتني:

المرسل : زول زعلان مني شديييد

النص:
في زول قبل كده قال ليك انك عوااااااالييييييق

[بت أم درمان]

جاتني رسالة من شركة زين ...

اخي المواطن ... اختي المواطنة ... التزامك بقواعد النظافة وخاصة غسل اليدين بالماء والصابون واستخدام المنديل عند العطس والسعال والتخلص منه مباشرة اضافة الى عدم لمس العين والانف والفم دون غسل يقيك باذن الله من الاصابة بفيروس الانفلونزا ... مع تحيات وزارة الصحة

[esmat]

ادي اخر رسالة جاتني:

المرسل : زول زعلان مني شديييد

النص:
في زول قبل كده قال ليك انك عوااااااالييييييق

والله العظيم الزول دا انا بعرف
اقول ولا مافي داعي بديك ساعة
ما رديت بقووووووووول غايتو

غايتو جنس عوااااااااااااليق

[esmat]

يارب تموت فيني مثل ما انا اموت فيكـ:d:d

المرسل(050 ************ ) الرقم مشفرر:d:d:d

الرقم مالووووو مشفرر
حلاتو ياناس الرقم مشفرر

ياخ البت دي لجنا انا متأكد ياحليلك يا ريانية
وين الزولة دي ما صاحبتك ولا شنو

[الملكة اسماء ( ام محمد )]

رسالة :

سبحان الله

[كندشة]

والله العظيم الزول دا انا بعرف
اقول ولا مافي داعي بديك ساعة
ما رديت بقووووووووول غايتو

غايتو جنس عوااااااااااااليق

هووووي سا اسمت عامل وشك الكل مرة شكل ده

اسكت ساي و اقفل خشمك عشان ما اجيب ليك وش مابشبه اي وش من الوشوش الجبتها قبل كده







هههههههههه: هرشتني و الله
عاينت لقيت الساعة لسه ما تمت
الحمدلله لحقتك :d :d :d

[كندشة]

رسالة :

سبحان الله

ياخي الف حمدلله على السلامة والله


يا جماعة انا والملكة جينا في يوم واحد




ههههه شفتو كيف الملكة ما بتجي الا بالكندشة :d :d :d

[الملكة اسماء ( ام محمد )]

ياخي الف حمدلله على السلامة والله


يا جماعة انا والملكة جينا في يوم واحد




ههههه شفتو كيف الملكة ما بتجي الا بالكندشة :d :d :d

والمدهش اننا نتلاقى في نفس البوست

ازيك ياكندشة وان شاء الله اسباب الغياب خير

[esmat]

هووووي سا اسمت عامل وشك الكل مرة شكل ده

اسكت ساي و اقفل خشمك عشان ما اجيب ليك وش مابشبه اي وش من الوشوش الجبتها قبل كده

هههههههههه: هرشتني و الله
عاينت لقيت الساعة لسه ما تمت
الحمدلله لحقتك :d :d :d

ياخ بالغت عايز اغير راي ياخ خاصة انا خاتيها ليك
كمان عشان قبل كدا اتكلمت مع رموش حاقد انا ياخ
كدى بيني وبين عليك الله ماليهم حق اقولوا ليك
عواااااااااااااليق بعد ما قطعوا المشوار دا كلوااا


ياخي انت الذ واروق واطيب مخلوق في المنتدي دا
الله اخليك ما تغيب تاني غايتو لو غبت لقيتني فتيتو ماتزعل
رشوة سااااي بفتو انا

[كندشة]

والمدهش اننا نتلاقى في نفس البوست

ازيك ياكندشة وان شاء الله اسباب الغياب خير

يا محاسن الصدف و الله

ما محاسن جارتنا

و الله الغياب كان لخير والحمد لله
قال النبي صلى الله عليه وسلم "عجباً لأمر المؤمن ، إن أمره كله خير ،
وليس ذلك لأحد إلا للمؤمن ، إن أصابه سراء فشكر الله فله أجر ، وإن
أصابته ضراء فصبر فله أجر ، فكل قضاء الله للمسلم خير ". رواه مسلم


فعشان كده أكيد غيابك انتي كمان كان لخير

[esmat]

رسالة :

سبحان الله

حمد الله على السلامة

[الملكة اسماء ( ام محمد )]

يا محاسن الصدف و الله

ما محاسن جارتنا



فعشان كده أكيد غيابك انتي كمان كان لخير

اكيد لخير والنعمة بالله رب العالمين