بسم الله :
مدخل:
وما الحب الا الى الحبيب الاول
قالت لى بحبك بحبك شديد لو بتحبنى حول لى رصيد
النص:
الحب من اسمى الحاجات الخلقا لينا ربنا عشان الكون يعيش فى سعاده لانو لو ماكان فى ريده وحب ماكان الناس استحملت البشريه دى وكان الناس ماتت زمان والقيامه قامت وانا هسى اكون بكتب فى الموضوع ده من الجنه قولو امين...
النص الاصلى :
حنك انا حبيب اختك ده يعنى تكون ماشى مع حبيبتك فى السوق تلقى اختك ماشه مع حبيبها ممكن تعريف بسيط ده التوم صحبي بقرى معانا فى الجامعه وانت تسلم على بى كل احترام فى حين انو انت متاكد انو مازميلها بس بل حبيبها وحبيبها شديد ...لكن تعال انت ماشى مع اخت التوم اول شى التوم ينادى اختو فى نص السوق ويديها كف كبير وده منو ويسوقها البيت قدامو..ويعمل شكله مع الزول المعاها..
طيب وقت الناس مابترضى الحنك ده لى روحها ماسك البت انا بحبك وانا وانا وانا طيب مابترضاها لى اختك تحنك مع اخت الزول مالك؟؟؟
النص التانى :
اثناء ما انت بتحنك مع المزه انا والريده والسماء قريب ومافى زول بريدك زى وانا الليل والقفمر والحنك البيش ده...تقول ليك انا والله ما بكرهك ولا بريدك تعشميه كده...
تقرى الميدان بى حرفنتك تلقها باكيه فى تامر الود الوجيه المرطب الحنكو سنين شديد مكسرها وهى بتضرب لى ماشغاله بيها ...وفى نفس الوقت تامر ده ماعندو ليها شى ومنفض ليها وبحب سماح وجارى وراها وسماح بتحب الادمن بتاع المنتدى والى والى مالانهابيه..
يعنى عاشق عاشقه والعاشقاهو عاشق غيرها..
مخرج:
عذراً حبيبتى لم اكن اعلم انك تحبين عذراً يا حُلمى..عذراً يا قلبى عذراً يا عينى ..لا تبكين حبيبتى لا تحزنى فما لى سوى بسمتك وذاكَ اللحن الحزين لا تقتليني على مسارح قصتى فسبقَ ان متُ امام المُشاهدين دعينى وحدى وارحلى وتذكرى انك تُحبين نعم حبيبتى تذكرى فا انتى كا الملاك لا تخونين اما انا فقد تعودت دوما ان ابقى حزين ان اجلس وحدى بغرفتى لا اسمع سوى دقات قلبى وصدى الذكرياتِ والانين فما لى صديق سوى قلمى وورقتى وما لى رفيق ينسيني مُر السنين حتى قلبى الكآيب الذى ظننتهُ سيجد الفرح فى عيناكى البنياتين عــــاد حـــزيناً خـــــائــبً حين علم انك تُحبين
مع تحياتى ليكم
التيمان
رد مع اقتباس
المفضلات