باب لاهل الدوبيت

[mahagoub]

بعد ما كت فقير بالخلاوى بقرى
ناس اسما وسعاد خلن عجاجى يضرى
بحر العطبراوى للقيفه بسرى
ادخل فيه جب ما اظن يبرد حرى

[عبدالمنعم الصديق(خدرا)]

بعد ما كت فقير بالخلاوى بقرى
ناس اسما وسعاد خلن عجاجى يضرى
بحر العطبراوى للقيفه بسرى
ادخل فيه جب ما اظن يبرد حرى

السيناهو مهنه وجبدو مازى سرينا
نسلابو الا قرشو مامقضينا
ماتواخذونا وتقولو المطر مابجينا
الله كريم يفتح من خزاينو خزينه
(واحد مزارع كان مروق وقلب عليهو الزمن لامن قلع القطن بالكجامه)

[ودالعمدة]

يا لزّام تقايلي وفوكَّا يوت مُتسدِّر

مخبور آبتعايفني إن أجيكَ مجدِّر

الدّود آ بيبقى ضَبْعَة والوِرِيلْ ما بلدِّر

تجي في القسمة يابسة ومن نداكَ تخدِّرِ

ياعبدالمنعم بالله عليك اشرح ماكتبه عمك محجوب ليهو
وشيخ مطرة هسى يجيك بعكازو ويقول ليك هيع

[mahagoub]

يا لزّام تقايلي وفوكَّا يوت مُتسدِّر

مخبور آبتعايفني إن أجيكَ مجدِّر

الدّود آ بيبقى ضَبْعَة والوِرِيلْ ما بلدِّر

تجي في القسمة يابسة ومن نداكَ تخدِّرِ

ياعبدالمنعم بالله عليك اشرح ماكتبه عمك محجوب ليهو
وشيخ مطرة هسى يجيك بعكازو ويقول ليك هيع

هيييييييييييييييييييييييييييييييييييع
داك مشروح اشرح ليهم حقك ده

[ود المطامير]

هيييييييييييييييييييييييييييييع

[ود المطامير]

سمحه أم ضفيره طايعه ذى سُنقاقه
إن مشت تتجدع وراها ذى ضنيب الناقه
وإن وقفت على الضهير تكون سُراقه
وعاد كان سوتو مساير طويييله دقاقه
يوم داك منى الفى الفريق بتشبه إشراقه ؟

[عبدالمنعم الصديق(خدرا)]

والله حقيقه يااشرف الدود ماببقى ضبعه والورل مابلدر
الدود=الاسد
الورل معروف=تمساح تايوانى يوجد بالترع
اللدر =الاسد
(تجى فى القسمه يابسه ومن نداك تخدر)دى زى السمح سمح كان زرعو عيش يقوم قمح
ويامطره امضفيره زى السنقاقه دى وين وبتستعمل زيت الجدايل ولا برشوت
السنقاقه طبعا هى سريحة العنكوليبه مابين الشرايه واللبنه
ماقولك بقول الشاعر
معشوقتى ام غرام فى حشاى ماكلنى
ماشفت شبيها بلا النال البموح متنى
وارجع لنمتك يامطرة وانا اتخيل ضنيب الناقه وهى ضفيرة مجدوله على ظهر اشراقه
فكيف لو مشت للمشاطه؟؟؟؟؟
غايتو يوم بتكتل ليها زول اشراقه دى

[عبدالمنعم الصديق(خدرا)]

غايتو يوم بتكتل ليها زول اشراقه دى

[size=6]مطاميرو
مااااااابتعرس لى اشراقه دى؟؟؟؟[/size]

[mahagoub]

[size=6]مطاميرو
مااااااابتعرس لى اشراقه دى؟؟؟؟[/size]

غايتو الله يشفى

[خالد علونى]

عجبت مسخت سمح البنات بي شروقة.
ومهرة صبية في يوم إحتفالو مروقة.
يانظم الغنا وسبل البخات والروقة.
مقسمة عالية نصين ومن وسط مفروقة.



كمال الدين المرضي

[خالد علونى]

القنديلة. عجبت. قهوتك وناسة.
حلات كرفة قلاية البن وقعدة ناسه.
ست المجلس المعقود رقيق إحساسة.
أنا عاجبني فيها الذوق وعالي مقاسه.


كمال الدين المرضي

[عبدالرحمن مدثر]

بوست سمح بالحيل ..

وحروف تسند الميل

ومعتق حرفو زى النيل

ياحباان تعالو .. وخلونا نعدل الكيف .. ونمشى عدييييييييييييل


هيييييييييييييييييع

[mahagoub]

القصد من البوست اننا نوثق للدوبيت
عايزين اهل الخبره ما يبخلوا علينا
بما تحتويه حقائبهم

[عاشق الترحال]

القصد من البوست اننا نوثق للدوبيت
عايزين اهل الخبره ما يبخلوا علينا
بما تحتويه حقائبهم

نحن في الاستماع والاستمتاع بـ روائعكم