حالة المنتدى بقت تحنن ومرات كتيرة تجنن ، كل يوم ناس مختلفة في أشياء ما محتاجة ، وناس الرياض مرارتهم إنفقعت في المنتدى وبقى شغلهم بيانات ساااااااااااااااااااااااي ، وكمان في شكلة مدورة بين ناس مدني والجزيرة وكلهم في الأخر حاجة واحدة . . . فوق شنو ما عارفين ، حتى شيخ الحلة (الآمن) الكان بجي المنتدى يوم الجمعة بعد الصلاة زي ما قالت أختنا (أسماء) إختفى في ظروف غامضة ، ولا أمكن بطل الصلاة ما عارفين ! ووعكة أخونا ( كسلا ) و . . . و . . .
طبعاً بقى واضح جداً إن المنتدى أصابته (عين) ، وأنا متأكد من وجود ( عمل ) عديل كده ، والعمل ده أعتقد ما بطلع إلا ب (ظار ) ، لأننا جربنا (الفكي ) كم مرة ما جاب أي فائدة وحال يا هو نفس الحال ، علا (الظار) ما جربناهو ، عشان كده حنعمل (ظار) فخم يحييه كبار المختصين في هذا المجال ، وذلك يوم الخميس القادم عن الساعة 11 ظهراً .
لازم تجو لابسين أحمر ، وتجيبو معاكم ديك أحمر ونملة حمرا ودلوكة وخلو باقي الحاجات عليّ!!!!!!
والدعوة عامة
رد مع اقتباس
المشاركة الأصلية كتبت بواسطة ميادة
المفضلات