*** الهجيج في حفل التخــــريج ***

[Osama Alrasheed]

من عنوان البوست الطرح واضح


في مرة من المرات وأنا شخصياً علي قولك ياود الجاك ،

كنت بكون معزوم لحضور احتفالات تخاريج كتيرة دايماً بصل حفل التخريج وبتصل من خارج الصيوان وبسلم الهدية وببارك التخرج وبشتت ، لكن المرة ديت الوضع اختلف شوية وكنت في مسرح الاحداث في فترة التخاريج السابقة نخش في لب الشمار :

حليل زمن التخريج الزمان وقت الناس تجازف الروبات والوشاحات والبنات اسرحوا لي بعض قبل ثورة المكيك أب التقيلة دي وتمشي تشيل شهادتك بعض فك ارتباط ومدافرة تقيلة ، طبعاً تخريج البت اصبح عبارة عن عرس مصغر ، المتخرجة تنحبس قبل التخريج بي تلاتة يوم وتكلف صحبتا باستلام الروب وهاااااااااااااااااااك ياساونا ، وهاااااااااااااااااااااااك ياشتل وشتل تقيل (حنة رسم حقت عروس اديل) وتلاتة يوم تمشي وتجي من الكوفير شي حمام زيت وشي لف وشي تجربة تسريحة وشي تست للروب وصورة قبل التخريج بشهادة يعلم الله دا ماشفتو قبل دا ، والعجب العجيب تقول ليك اغنية زفتي ، اقصد استلام الشهادة ودي دايرة بوست براها : النبق النبق ، والخلاص مادايرة تجبجب : أمي الله اسلمك ، وغايتو يامصطفي هاترك الله اعينك ولا شنو؟
الحيرني شديد في واحدة ...... ، ندهو اسمها قلتا خلاص دي بكفو بيها العين مع ..... دا ، ياسااااااااااااااااتر طلعت قصة ترجح كفة الموازين ، الاغنية يوما كان شفتي ساعة الجماعة جوا ..... سمح أنتا ............. ااااي .... انا هنا بقيت في قيفة حد الدهشة وقلتا ديل يا اخوانا مهندسين وجيل الهندسة الجديد ياربي ، والغريب في الامر كل اسرة مرافقة لفرحة خريجهم تحمل معاها عضة تقيلة، مع حاجة اسمها شنو كدا دقيقة بس بتجي اسي في راسي ، المهم مربوطة في كيس شبك عبارة عن فيشار وحلاوة وحاجات ماعرفتها ، المهم بوزعوها يوم حنة العريس والصبحية وقطع الرحط .
يعني التخريج بقي اوبن اكزام لحفل العرس والحنة وتجربة لفنون النقش بالحناء والهجيج .

فتكم بي عافية