: خير اللهم أجعله
قلتها بصوت لا بالجهور ولا الهامس , فأنا ما اعتدت زيارات في مثل هذا الوقت, مابين العصر وقبل المغرب فعادة ما أكون في حالة بيات إختياري ,,,
: أيوه منو ؟
أفتح يا باشمهندس أنا عبد القادر
الله لا بارك فيك هسي ده وقتو _ قلت في نفسي _
و كررت كمن لم يسمع
: قلت منو ؟؟؟؟
: عبد القادر , عبد القادر يا باشمهندس
: أصبر أصبر جاييك ( أيها الساخط اللاعن )
: أهلا أهلا عبد القادر ,, خير , في شنو ؟ أقصد كدي إتفضل
: معليش لإزعاجك يا باشمهندس, إستشارة صغيرة كدًه .. يعني بفهم إنك باشمهندس و كدًه و بتدرس في الجامعه و كدًه , وبتعرف الدكاترة و كدًه, يعني إستشارة و كده
: كدي روق ((كدًه)) _ قلتها بتشديد جميع حروفها تماما كما يفعل ( عبد القادر )
: عايين بإختصار كده عايز لي طريقة أبقى بيها شين
: شنو ؟!؟! قلت شنو؟؟؟؟
: شين شييييييييييين شين
والحقيقة قد كان عبد القادر شابا وسيما وسامة لافتة للنظر , و أنيقا في حدود المتاح
ترى كيف لمن كان بهذه الوسامة أن يبحث عن القباحة..
خيير
: عبد القادر قرفة .. والله الليله جبتها كبيرة خلاااص
: والله يا باشمهندس أنا لو كنت شييين كنت أكون سعيد خلاص
رد مع اقتباس
المشاركة الأصلية كتبت بواسطة مصطفى هاتريك
المفضلات