أثارت أغنية الفنان الشاب محمود عبدالعزيز (فرايحية) جمهوره في حفل أحياه أمس الأول بنادي التنس بالخرطوم. ودفعت بعدد منهم للسجود امام خشبة المسرح، وفي غضون ذلك قام بعضهم بتقبيل قدمي محمود.
وقابل محمود تصرف معجبيه بالإستياء.. وقام بوضع (المايك) على الأرض، ورفض متابعة الأغنية.. وطلب من الحضور عدم السجود له مجدداً، وبعد نقاش طويل بينه ومعجبيه، واصل محمود ترديد أغنية (فرايحية).
قبل أن يخاطب جمهوره قائلاً: (أنا أتيت اليكم لنغني كلنا للسودان).
منقول من موقعالنيلين دوت كوم
تخريمة : والله ما عندي تعليق والكلام والعبرة وقفت في حلقي والله والله والله انحنا في غيبوبة وفي غلفة من امرنا واسال الله ان يستر علينا
يا ابوزيد يا فنان يا استاذ رضا يا الفخييييييييييم يا الضكر يا ابو مازن انتو الحاصل شنو في البلد ( المياعة والبطال دي جا من وين) لا حول ولا قوة إلا بالله
تخريمة في شكل تفحيطة :: زارني الان صديقي وجاري في مدني وفي جدة ولقاني بكتب في الموضوع دا قال لي أخير بنطلون لبني ......
يحيا يحيا يحيا ،، يعيش يعيش يعيش ،،،،،،،،،
وتخرمية بي كسرتها :
اريتك يا امولادي كان ما رجعت وشفت البشتنا دي دا كلو منك يا المميز في زول قال افتح الشباك
تخريمة في شكل تخريمة :
اتمنى ان يصبح الشعار والندر بدلا من السد السد والكهرباء كل يوم قاطعة ان يكون الشعار
الحد الحد
الحد الحد
الحد الحد
والكلام دخل الحوش
تخريمة في شكل قريباً : البوست القادم بعنوان ( من ملفات الفساد ) وارجو الراجيكم
المفضلات