صفحة المتواجدين الآن .... دهشة وانتظار

[الملكة اسماء ( ام محمد )]

كثيرا مااوقف تلك الصفحة لاضمن ان تظل الصفحة _ متجددة
واعود منها عادة وانا في احدى حالتين اما دهشة او انتظار


يدهشني مرور عضو نناديه كل يوم .. وهو يراقب ويسمع عشرات الاصوات تناديه .. ولا يجيب

يدهشني مرور قلم مبدع ..في فتور دون اضافة اي رد ..وكم يحذنني ذلك

يدهشني تواجد عضوا في صفحة مطلوب فيها رآي الجميع .. (يتاوق ) ويمشي وبعد الناس تقول ارائها يجي يقول ..ماوريتونا !!!

يدهشني عضوا يعشق الارشيف و اراه يقلب صفحات الذكريات هناك(لعله يجد نفسه هناك اكثر من الان )

[الملكة اسماء ( ام محمد )]

الانتظار

كثيرا ماانتظر مشاركة عضو جلس لساعات يرتب رده على موضوع ما
واتوقع شكل رده مقارنة بما سبق من اراء

بشوق لما كتب .. اذهب لصفحة المشاركات الجديدة و اقراء ماكتب

قد يظن البعض اني ( ماعندي موضوع )
لكن هل تصدقوا اني تعلمت من تلك الصفحة الكثير

[الملكة اسماء ( ام محمد )]

اخترت وضع (التخفي )
لعلمي انه قد يكون هناك من يحاول (قراءة ) تحركاتي مثل ماافعل انا احيانا

ففي بعض الاحيان يُكتب موضوع ( يصعب الرد عليه ) او اجده ( محرج ) اختار عندها قراءته دون الرد واتمنى الا يراني احدا وانا اقراءه ( غتاتة )

[الملكة اسماء ( ام محمد )]

تعلمت ان عدد الاعضاء المتواجدين عادة لا يساوي عدد المشاركات محتملة الورود

فالبعض يقراء مانخط
والبعض يخط ليقراء البعض

[الملكة اسماء ( ام محمد )]

هل تعلموا ان صفحة المتواجدين الآن تودي (لحرقة الاعصاب والدم )

المجرب ممكن يرد

[الملكة اسماء ( ام محمد )]

انتظار


موضوع جديد

مولود جديد

عضو ينشئ موضوع في القسم الفلاني

ياربي بكتب في شنو ؟ وعن شنو ؟؟

مااصعب لحظات الانتظار

[صلاح ودالطاهر]

[quote]

انتظار


موضوع جديد

مولود جديد

عضو ينشئ موضوع في القسم الفلاني

ياربي بكتب في شنو ؟ وعن شنو ؟؟

مااصعب لحظات الانتظار

[/quote]
تعرفي انت دائما تجيبي هدف في نهاية المباره في ناس تحب تقراء وفي ناس تحب تبخل وفي ناس عندها هوايات غريبه وكلو انناس كدي شوفي القصه دي بمناسبة الارشيف

هناك احد الموظفين يحب كل قديم ويعشقه .. ويرى أي تطور في الدنيا تخلف وسخف .. بل ويحارب أي شخص غيّر رأيه أو فكره .. ويرى أن الثبات على الشخصية .. ويعشق التقادم والقهقرى بشكل عجيب !

حاول صديقه مراراً أن أيكتشف كنه شخصيته .. فوجده من عشاق الأرشفة .. بل ومصاب بدائها .. فدائماً ما يفخر في كل مجلس .. بقوله : لديّ ملفات من عام 1900 ومن سنة اسكت وعندي أوراق أبي منذ تاريخ 1800م .. وهكذا ..

قال له مرة : ثم ماذا !؟

فاستشاط غضباً .. وقال : هذا تاريخنا .. هذه أيامنا ..

قال له أنت ممن أصاب بداء الأرشفة وحب القديم .. وتظن أنك ستكون يوماً شخصاً مهماً بتلك الأوراق ..!

كل البشر حولك لديهم أوراق قديمة .. أبادوها لانعدام فائدتها .. وتقادمها مع الزمان ..

ليتك تفاخرت يوماً بأنه يوجد لديك أكبر مكتبة إلكترونية ....!

ليتك افتخرت ساعة بأنك استطع إنجاز مشروع يخدم الأمة ..!

أو تقنية تحفظ سلامة أبنائها ..!

ليتك افتخرت يوماً بكتاب وضعت فيه خبرة وعلماً !

أو أي شيء باقي مع بقاء الزمان .. أما أوراق بالية قد أكلة الأرضة أكثرها .. فما الذي تفيدنا بالله عليك !!

نط صاحبنا قال ليهو امشي اقراء لستت الارشيف داك وانتظر اها هسع نحن نتظر المتواجدون الان ماذا هم فاعلون

[الجندي المجهول]

السلام عليكم ورحمة الله ،،،،
المفتشة كرمبوة تحياتي ،،،،
لا ابحر كثيراً في ادوات المنتدى انا زول ( امسك لي واقطع ليك) لا لشئ فقط لضيق الوقت وزنقة العمل ( عصرة تجيب زيت السمسم والزيتون) ولكن واحد معاي في العمل وهو غير سوداني ناقش معي امكانية ان تكون موجود ولكن غير مرئي ( مع انني والحمد لله لا احتاج إليها ) وكان مجرد نقاش وعن استعمال المتواجدون الان استعملتها وبالصدفة وجدت الاخ العزيز الرائع محمد ابوزيد بالانجليزي ايضا موجود في المتواجدون الان واتصلنا على بعض وضحكنا وكان شعور جميل .....
تخريمة :
مرات الزول بيخش وبيلقى العجاجة في السماء شكلة بي هنا ونزاع بي هنا فلذلك ينأى بنفسه بعيداً عن المشاكل وسيرتها لانه عندما دخل إلى المنتدى دخل ليرتوي من عطش السنين وليلات مظلمة وكهارب مقطوعة ( يجي يلقاها مدورة ) اكيد بيتاوق وبيرجع ..... عن نفسي انا اختي الكريمة لا اسجل دخول بل ادخل كزائر وعندما اجد موضوعاً شدني ادخل وارد واتخارج ( بكل هدوء )

تخريمة : اهنئي الفريق المصري بالفوز برباعية جميلة على شقيقه العربي الجزائر ........ وعقبال الكاس يا ناس

[الفخيييم]

السلام عليكم ورحمة الله ،،،،

تخريمة : اهنئي الفريق المصري بالفوز برباعية جميلة على شقيقه العربي الجزائر ........ وعقبال الكاس يا ناس

وعليكم والسلام يا جندينا..
قصدك تهنئة الحكم البينيني فوتكا
الذي فتك بالمباراة وافرغها من متواجديها
اقصد مضمونها..

[الجندي المجهول]

وعليكم والسلام يا جندينا..
قصدك تهنئة الحكم البينيني فوتكا
الذي فتك بالمباراة وافرغها من متواجديها
اقصد مضمونها..

حبايبنا اهلي هنوني والله كدا انا ماشي صاح
قلت كدي النكتب لي تخريمة اجيب بيها ناس الفخييم جاريين جري .... الشرك جابك يا حبيبنا

يا اخوي انحنا دا شهراً ما عندنا ( فيهو كورة) فيهو نفقة نبكي على شنو ؟ دا التوالي الصاح 2006 م و 2008 م واسال الله 2010م كمان عشان يا الفخيييييم إلا تجري وخلينا انحنا في طولة اللسان والصفر الدولي الكبير (اها رايك شنو الحق حق عشان نمشي صاح لازم نقول الحقيقة) ونطلع راسنا من الرمل والوحل والمياه المتعفنة دي

تخريمة : اختنا الملكة عفواً خشينا كدا تووووووووووووووووش من غير احم ولا دستور واستغلينا البوست ( بس لان المكان مريح ) واخدنا راحتنا ولك العتبى)

[الملكة اسماء ( ام محمد )]

تخريمة : اختنا الملكة عفواً خشينا كدا تووووووووووووووووش من غير احم ولا دستور واستغلينا البوست ( بس لان المكان مريح ) واخدنا راحتنا ولك العتبى)

مابيناتنا (الملعب ) اقصد البوست بوستيكم


همسة : المتداخلين الاعزاء لي عودة للرد على كل مشاركاتكم الغالية

[رضا حسن محمد]

ملكة القلوب الاكثر روعة
انا كثيرا ما ادخل المتواجدون الان بكون بفتش فى ناس بى عينم
فى ناس كدة تلقاهم فى المنتدى تفرح ،فى الرياضى تفرح فى المتواجدون الان تفرح

[ahmed algam]

من منا لايمر علي هذه الصفحة يوميا


والله ياملكة كل القولتي دا صح



تقولي شنو الشمارات


برجع ليك تاني

[أبو جودي]

الأخت أسماء كثيراً ما اتواجد في المنتدى وتقريباً لو ما مررت على غالبية ما يكتب أكون قد مررت على ما لفت انتباهي
ولكن قليل المشاركات ويرجع هذا ليس لأن المواضيع غير هادفة أو زات فائدة ولكن لأنني لم أجد ما أضيفه عليها فاكتفي بالمرور عليها والإطلاع والمعرفة
أما عن المتواجدين فقليلاً ما انتبه لذلك لأن أكثر تركيزي على المشاركات
وكما تفضل أخي الجندي فالوقت عامل مهم في ذلك
وبعدين أخوانا المصريين فازوا سلفقة ويرجع هذا بسبب التحكيم الأفريقي المعروف به هو أضعف حلقة موجودة ولم يتطور بتطور الكرة الأفريقية
وبرضو بنقول ليهم مبروك في كل الأحوال

[esmat]

مابيناتنا (الملعب ) اقصد البوست بوستيكم
همسة : المتداخلين الاعزاء لي عودة للرد على كل مشاركاتكم الغالية

يا اسماء يا اسماء
تعملي البوست وتقولي حقكم
ما تدي الناس ديل فرصة ياخ
اسي شوفي الجندي شات الكورة
جا الفخيم شاتها لي ابو جودي
جاء رضا صلحها
جاب القون
تم نقل الموضوع للرياضي
احسميهم ياخ ما تتمسكني كدا

(بس ما تلقوا ليكم جندرية عملت ليها بوست )
والغريبة كمان بدقسوك الواحد اتكلم ليه كلمتين في
موضوع البوست واكملها في الموضوع الاساسي (الكورة)


(غايتو المديدة حرقتني من الصباح كدا مبالغة شعور جميل ياخ)
ما تخليك مسكينة اهرشيهم
المرأة لو بقت فاس بتكرس الراس - اها ..

(المميز يافردة ما تشعلل معاي النار دي شوية وانقل البوست دا - بنتحاسب)

[أبو جودي]

حسي عليك الله يا عصمت يا أخوي أنت من المتواجدين ،،،، كده أمسكوه ده جه ناطي ساكت
وعاوز كمان يجوطه أهه ده النوع العاوزنو زاتو
كدي ألحقو يا الجندي أخوي قبال ما يتخارج

[amino]

كثيرا مااوقف تلك الصفحة لاضمن ان تظل الصفحة _ متجددة
واعود منها عادة وانا في احدى حالتين اما دهشة او انتظار


يدهشني مرور عضو نناديه كل يوم .. وهو يراقب ويسمع عشرات الاصوات تناديه .. ولا يجيب

يدهشني مرور قلم مبدع ..في فتور دون اضافة اي رد ..وكم يحذنني ذلك

يدهشني تواجد عضوا في صفحة مطلوب فيها رآي الجميع .. (يتاوق ) ويمشي وبعد الناس تقول ارائها يجي يقول ..ماوريتونا !!!

يدهشني عضوا يعشق الارشيف و اراه يقلب صفحات الذكريات هناك(لعله يجد نفسه هناك اكثر من الان )

يعجبنى ويدخل الفرحة فى قلبى تميزك ياملكة
وحضورك الدائم وقلمك الراقى الذى يشع نورا لك التحية اختى,,,

[عنكوليب]

أتمنى أن تناديني مرة وسأكون
من المجيبين .. لأشتم عبير الكلم
الصافي من غير شمار ، يا ...
نحن نعتز بوجودنا معا تحت ظل
الحبيبة الغالية ودمدني
انا بعيدة شوية لكنني معكم .. معكم .. معكم ..