تانى خلف اللة عذبتنا

[أبورهف]

اليوم الواحد قام من الصباح قال يمشى يصوت وبدرى بدرى مشيت قنصلية السودان فى جدة وصلت القنصلية الساعة عشرة ودخلت الاستقبال اول حاجة لقيتها اعلان مكتوب فية(تم تأجيل عملية التصويت الى الساعة 11صباحا ) اتمليت وطنية وخشيت جوة قلت اسأل فى الاستقبال لقيت ليم واحد فى الاستقبال مكرفس وشو وصارية لامن عايز يقع منو واللة وشو ذكرنى المعاناة حقتنا فى المنسقية العامة للخدمة الوطنية وذكرنى معاناتنا مع صندوق نهب الطلاب اقصد دعم الطلاب واكيد ح يكون ذكرنى ناس الدفاع الشعبى ونا المنسقية العامة للمؤتمر الوطنى وناس لجنة الاختيار وناس وناس................الخ بعد الكلام دا كلو اتمليت ظرافة وقلت اسألو انشاءاللة يخب ظنى فيهو يااستاذ الحاصل شنو؟ واللة ماخيب ظنى مؤتمر وطنى بإمتياز رد على مالك ماقريت الورقة البرة دى؟ماقلت ليكم ماخيب ظنى ياود الناس واللة قريتها لكن مافيها سبب واضح كدا بس العملية اتأجلت وسؤالى ليك اتأجلت لية ؟واخيرا رد على نفس الردود البتسمعها فى المرافق الحكومية سابقة الذكر (الورق ماوصل من المطار) ياراااااااااااااااااااااجل ماوصل امتحانات شهادة ولا شنو ؟
باللة شوف نابحننا انتخابات وتعالو صوتو وانتخبو واعلانات فى التلفزيون وياخلف اللة عذبتنا وبعد دا يقولو ليك وبي بساطة الورق ماوصل طيب انتو ماتجيبو الورق وبعد داك ازهجو من خلف اللة
اللهم انى لااسألك رد القضاء ولكن اسألك اللطف فية

[سواااح]

ابو رهف ..
تحياتي ..
تعرف هذه احد الاشكالات التي كنا نتخوف منها
لكن السؤال هذه هذا اجراء امني
ان لا تخرج اوراق التصويت من السودان
ويتم ارسالها للقنصليات بالخارج
الا في يوم الانتخايات ؟؟؟

[أبورهف]

ابو رهف ..
تحياتي ..
تعرف هذه احد الاشكالات التي كنا نتخوف منها
لكن السؤال هذه هذا اجراء امني
ان لا تخرج اوراق التصويت من السودان
ويتم ارسالها للقنصليات بالخارج
الا في يوم الانتخايات ؟؟؟

انت عارف انو اليوم الاول فى التصويت راح ساااااااااااااااااااااااااااااااااااااااى فى جدة يعنى الناس منتظرة للمسا