الف مبروك يا هلال ( الملايين ) والف مبروك ليك يا ( فخيم )
انا طبعاً ما بنتمي لهلال ولا مريخ ، بس بعجبني الهلال العظيم
في اشياء كثيرة جداً عكس المريخ ، وكان كتبت بوست بالخصوص
الفرق بين هيثم والعجب كالفرق بين الهلال والمريخ وما كملتو
لاسباب ، خفت الناس تفهم خطا وبطلناه وخلينه للناس
بنفسها تفهم والحاصل ،، وصاحب العقل يميز ،، المهم ان الهلال
يختلف من المريخ من سنين عديدة جداً في طريقة ادارة الفريق
فالهلال له ادارة حاسمة وله كابتن حاسم ولذلك تجده مترابط و منظم
ادارية وتكتكياً ، ما حصل من اللاعب سفاري مستحيل يحصل من لاعب من
نادي الهلال وان حصل سيجد العقوبة اللازمة وزيادة شوية وله اي الهلال
مواقف كثيرة من هذا القبل ولكم بعض الامثلة على ذلك ، عز الدين الدحيش
اسطورة الملاعب السودانية ، عندما لم يحسن الادب مع الادارة ، اقسم الريس
بتاع الهلال ، ان لا يعتب الدحيش النادي ، وقد كان ، وتم شطب اللاعب
في الحال ، وكذلك عصام غانا ، وكذلك اللاعب الفنان ، ياسر صديق
عيسي بحيري ( حداثة ) سلطان زمانو ،، وكان وقتها افضل لاعب في السودان ، وكانت صورة حداثة
في الصفحة الاولي من الجرائد تكفي لنفاد الكمية من السوق ،، اقسم عبد المجيد منصور
وكان وقتها ريس النادي بشطب اللاعب حداثة من كشوفات الفريق ، حتي سخط
الادارة والجماهير الهلالية ، ولكن فعلها ،، الهلال يا ناس ما عندو كبير وهذا هو الذي
جعل الهلال افضل من المريخ من جميع النواحي ، وهو سر تفوق الهلال الف مبروك
هلال الملايين ، الف مبروك الفخيم ،،، افرح يا فخيم وحق لك ان تفرح ,,,,,,,,,,
رد مع اقتباس
المشاركة الأصلية كتبت بواسطة نزار حسن محمد
المفضلات