السفاره فى العماره

[mahagoub]

جميل ان تكون لنا قنصليه جديد فى جده
وجميل ان نبحث عن الاجمل والاحلى والاكمل
لكن واه من لكن !!
للذهاب للقنصليه عليك الاتى
ان تحمل مروحه او هبابه لانو ما فى تكييف
نقول ليه ما فى تكييف ؟؟
يقولوا ليك يا دوب راحلين وبنكمل
السؤال ؟؟
انتو راحلين ليه وما كملتوا كل الملتزمات ؟
ولا فى نظركم ما مهم اصلوا شعب متعود على الحر ؟!؟

[ابو لوزة]

هم وين رحلوا

[mahagoub]

رحلوا شمال جدة
كان جاى من مكة بورا تمشى لمان قلبك ينقطع
سك شارع الستين لى اخره

[ود المطامير]

بنوا ولأ أجروا ذى ناسنا هنى ؟

[mahagoub]

بنوا ولأ أجروا ذى ناسنا هنى ؟

قال يبنوا قال

[بورتبيل]

اجروا فيلا جنب دوار الجواد الابيض شارع سلطان بن سلمان

جنب مطعم الخرطوم ( للناس بتاعين المطاعم والبتعرف المطاعم !!!!)

انا ما مشيت بس وصوفو ليا المكان

[mahagoub]

اجروا فيلا جنب دوار الجواد الابيض شارع سلطان بن سلمان

جنب مطعم الخرطوم ( للناس بتاعين المطاعم والبتعرف المطاعم !!!!)

انا ما مشيت بس وصوفو ليا المكان

يعنى الجمجمة دى فى كل مكان ؟؟

[صلاح ودالطاهر]

اهم شي الجومه با عمو انت ما جمجمته

[mahagoub]

اهم شي الجومه با عمو انت ما جمجمته

سمعنا انو الكهرباء ما بتتحمل
عجبى

[صديق بلال]

ياراجل بالنسبة لمشكلة الكهرباء أصبحت كبدايات ظاهرة في جدة كم من مرة إنقطعت الكهرباء ولكن في أوقات متفاوتة وصدقني يوم دخلت لإستكمال معاملة لدى دائرة رسمية وعينوك ما تشوف إلا النور في موجة الحر الشديدة هذه الأيام حيث العامل الفني جالس يصلح في المكيف والعالم داخل القسم كأنهم غرقانين في موية.. نقول الحمد لله على كل حال.. حر الدنيا ولا حر الآخرة.

[مدنيّة]

ياعمو محجوب ياخ عشان تحسوا بينا احنا سوداني الداخل ديل

[الزبير محمد عبدالفضيل]

مالن متلتلين نفسهم وراحلين ماكان يقعدوا في محلهم القديم جنس شفقه عليهم

[mahagoub]

ياراجل بالنسبة لمشكلة الكهرباء أصبحت كبدايات ظاهرة في جدة كم من مرة إنقطعت الكهرباء ولكن في أوقات متفاوتة وصدقني يوم دخلت لإستكمال معاملة لدى دائرة رسمية وعينوك ما تشوف إلا النور في موجة الحر الشديدة هذه الأيام حيث العامل الفني جالس يصلح في المكيف والعالم داخل القسم كأنهم غرقانين في موية.. نقول الحمد لله على كل حال.. حر الدنيا ولا حر الآخرة.

لو بقت على شوية دقايق مافى مشكلة

[mahagoub]

مالن متلتلين نفسهم وراحلين ماكان يقعدوا في محلهم القديم جنس شفقه عليهم

كان مريحين الناس ( كانوا فى نص البلد )
وتعال شوف جنس جهجه عشان تصل

[mahagoub]

ياعمو محجوب ياخ عشان تحسوا بينا احنا سوداني الداخل ديل

كيف ما حاسين بيكم ونحنا فى احر منطقة واجمل منطقة مكة
وبعدين انحنا ما قاعدين نجى اجازات
وعينك ما تشوف الا النور
الواحد شايل بشكير مش منديل

[معتز الريح]

حبيبنا محجوب ..
رغم بعدها وعدم التكييف ..
أخير مليون مره من المبنى القديم ..
ياخ مبنى محرج جداً وغاية في البهدلة ..