((صلاح كوارشي)) الإسم والقب ،رغم أنً الأسماء لا تعلل لكنه لم يكن ((صلاح)) وإن شأت أطلقت عليه أي صفه إلا الصلاح .. ... وكوارشي اللقب لا أدري له سبب فهو لم يكن من المهرة في ((كرة القدم)) !!
منحوس ((صلاح)) وهذه صفه إشتهر بها وكان الأجدر أن يلقب ((صلاح منحوس)) ..كانت الكوارث لها علاقه متصله ب ((صلاح)) ، حادثة بص ((سفريات الرضا )) حدثت في أول يوم عمل لصلاح كمضيف بص سفري .
سيداتي سادتي ... لأضفاء مزيد من الإضاءات حول شخصية ((صلاح كوارشي)) رحبوا به معي
طق ... طق .. طق ..تصفيق
: أستاذ صلاح أهلاٌَ ومرحب بيك
: ..................................
: أستاذ صلاح
: خلاص نبدأ
:أستاذ صلاح إنت علي الهواء
: طيب .. بسم الله .. والحمد لله .. والصلاة والسلام علي رسول الله .. وبعد
أنا شاكر جداً هذه الإضاءات
: أستاذ صلاح إيه سر لقب كوارشي
: يضحك طبعاً الناس فاكرني اسمي علي ((كوارشي)) بتاع الكورة ... لا لا إطلاقاً كوارشي سموه علي أنا .... يعني أنا الأسبق في اللقب .
: لا معلومه جديده كدي وضح لينا أكتر .
: أنا طبعاً بعد وفاة الوالده
: رحمة الله عليها إتوفت قريب
: والله ياخي ماتت في الوضوع
: يعني طول لكن بتتذكر
: حقيقه هي إتوفت يوم وضوعي أنا ده ذاااتي
: ياخي ربنا يطول عمرك ..
: البركه في الجميع أهه بقيت ملازم الحاج في الجزاره هو يبيع اللحم وأنا أبيع الكوارش .
: يعني كوارشي جمع كرشه .
: أهه علينا جاي هاكم كوارشي ... الجماعه يقول كرشات لكن ده جمع ما صاح الصاح كوارشي أهه وبقيت صلاح كوارشي .
:أستاذ صلاح أيه حكايتك
: حكايتي ياتها
: حكايتك مع النحس وكده
: لا لا هو ما نحس ، هو بس عدم توفيق لكن كتير شوية كده بس .
إنت عارف أنا أطول فتره قضيتها في شغل كانت شهر
: شهر بس
:ومرات يوم ، ومرات في ساعتي
: والسبب
: مرات عدم فهم الناس البشغلوني ومرات كده عدم توفيق ساي .
ياخي أقول ليك حاجه أنا قلت أشتغل حرامي ما أتوفقت .
: معقول ... كدي وضح
: عندي صاحبي سائق ليه أمجاد .. أهه زهجانين وجعانين و ....... وحاجات تانيه كده ، وجينا ماشين بالليل لقيت مراح بتاع ضان .
: طيب
: خطرت في بالي فكرة إنيَ ممكن أرفع لي حمل كده أهو نتعشي ونبيع .....
:رسمت خطه ما فيها أيَ لكلكه
: قلت لصاحبي أطفي نور العربيه شفت كيف ...... وجينا براحه ... براحه علي البهايم ..... شفت كيف ، أنا طبعاً راكب وراء أهه لامين قربنا كده علي البهايم مديت يدي ورفعت لي خروف .
: أهه وبعدين
: يازول قعد سيد البهايم يكورك بوظ علينا الشغله .
: طيب ما أنت رفعت الخروف وإنتهيت ، أطلعو بالعربيه طوالي .
:لا ماهو حصل خطأ بسيط أصلوا بتاع البهايم كان بيقضي حاجه وكده .
: طيب ده ما هو الوقت المناسب تماما
: لا ياسيد ما مناسب لأنيً إفتكرتو خروف ورفعتو هو ! ! ! !
رد مع اقتباس
المشاركة الأصلية كتبت بواسطة مصطفى هاتريك
المفضلات