البجيب سيرتي . . . أنا بشتكيّ !!!

[المسافر]

البجيب سيرتي . . . أنا بشتكيّ !!!
والبعاين لي . . . بقوم الكلب عليّ !!!

لا عذر لمن أنذر

أي واحد يكتب إسم ( المسافر ) في أي لحظة حتى ما كنت أنا المقصود طوالي بشتكي لمجلس الإدارة توشك كده وبقول الزول ده ( جاب إسمي بطريقة ما عجبتني ).

وحتى لو وردت كلمة المسافر في بيت شعر . . . بشتكي الشاعر ومشرف الثقافي زاتو .

حتى ولو كانت في أغنية . . . برضو بشتكي الفنان والملحن والعازفين والمستمعين .

حتى لو في زول كتب إحدى مشتقات المسافر ( سافر ، يسافر ، مسافر ، راحل ، مغادر . . . إلخ ) حأشتكيهو برضو .

والشكوى لغير الله مذلة يا عمك ياخ !!!!!!

[بت أم درمان]

طيب تعال نقول ليك القوالة دي
قالو وربنا يكفينا شر القوالة والقوالين

قالو .....

لا تلوح للمسافر ... المسافر رااااااااح

[عثمان جلالة]

أحمد الله .. وأكون من عبادو الشاكرين .. نعمنو الداهيه البدور أشاركك بيها دي .. جزم ما فيها تب كلمة مسافر ولا رحول .. وكان بالغلت يا أخوي لقيت ليك حرف ميم ولا سين ولا فا أمسحو لي في وشي

نحن أهل الفرحة جينا
لا المدامع وقفتنا ولا الحكايات الحزينة
لما درب الرايحة جابناجابنا في هادي المدينة
يا ولدي الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواي القلوب كضاب
ليك ضهر ولا سرجين ركاب السروج وقاع
شق يا ولدي بحر التيه بتتدردر وتتودر
ولامن يوم على تايتتا ديك ترسى
نعزك بالقبيل داخرينو ليك
الشوق بحر يا ولدي بحراً تيه
قلت ليك العليهو أدرابو لا تنغش ولا ترضابو لا تنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعة ترمي الدمعة فوق دربك
روح يابا ... وأبق قفاك لا تعاين ولا تعاين على موطاك
ولا تندم على خطوا تملي مشيتو لي قدام
وأبقى العاتي زي سنطتنا زي صبراً نلوك فوق مرو زي الزاد
لا شيتاً نزل في الجوف ولا برجع وبنزاد
وأركز للبجيبها الريح تقيف إنت ويشيلها الريح
وأبقى العاتي والدرب الوراك مسدود وشيل شيلتك
بقيت للنص .. لا حلماً بجيب البر ولا حدود
وإنبليتا أخت الرملة ما تقع البكان الهش
هي الممطـــــــورة ما بتبالــــــي من الرش؟؟؟
النعمة بتعرف عاطيها والجمرة بتحرق واطيها
بالكيلة عطانا وما لقينا فوق جمر خطانا وما لقينا
يوم الوعد ... يا حليوة فيك الدنيا ماكانت شروق
إلا الأرض متكشفة متبلمة نعمنو من خير الخريف
لافحالها شال منطرحة خضراً وفرحة دروب تتشابى لي عين الشمس
من بت حليوه النفس بيضا كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوقا مواجع ولا بالحيل قريب
الروح مشحتفة في الحبيب القلب بكر الدنيا ما شافت جديدو
ولا الحـــــــــــــــــزن دقالو بـــــــــاب.....
وشفتي كيف يوم الوعد كيفنو مترامي الغمام
والقمري زغرد للبلوم والنسمة هبت مرتين
يا حليوة يوم دقيت بأرضك فأس خصيب
والتانية في يوم الوعد والأيد تسالم في الأيدين...
والأم تقالد فوق جناها تشمـــــــــو زين.....
وحليوة صاحية وحليوة ضاحية كذا النسيم
والدنيا غيم وحليوة جد جد يا ولد قول للبلد
قايل غناوي الحزن ليش
شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملأ الأيدين فرح تهش
لو صحيح غنينا بالدمعة الحميمة
ولو دموع الفرحة ما لاقت غنانا
بكرة نرجع تاني للكلمة الرحيمة شان هنانا شان منانا
شان عيون أطفالنا ما تضوق الهزيمــــــــــــــــة

[الجندي المجهول]

سافر بالسلامة

يا مسافر وناسي هواك

سفراً بالايد


الحبيب وين قالوا لي سافر


تخريمة : يالحبيب الزعلك منو يااااااااخ


مع اللفة :
ارحل اسوق خطوات من زولاً نسى الالفة
وابدل ريد بعد ريدك عشان امكن يكون اوفى

رحلت وجيت في بعدك ( يالمسافر) كل الارض منفى

[المسافر]

طيب تعال نقول ليك القوالة دي
قالو وربنا يكفينا شر القوالة والقوالين
قالو .....
لا تلوح للمسافر ... المسافر رااااااااح

يعني أول كلمة أسمعها عن المسافر يكون بعدها رااااااااااح
عليك الله الكلام ده ما تقوليهو قدام المشرفين ديل أنا حاسي
هم كايسين ليهم سبب هسه كده إنتِ شجعتيهم عشان يروحوني
بس بعدين ما تنسي تلوح لي .

[المسافر]

أحمد الله .. وأكون من عبادو الشاكرين .. نعمنو الداهيه البدور أشاركك بيها دي .. جزم ما فيها تب كلمة مسافر ولا رحول .. وكان بالغلت يا أخوي لقيت ليك حرف ميم ولا سين ولا فا أمسحو لي في وشي

نحن أهل الفرحة جينا
لا المدامع وقفتنا ولا الحكايات الحزينة
لما درب الرايحة جابناجابنا في هادي المدينة
يا ولدي الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواي القلوب كضاب
ليك ضهر ولا سرجين ركاب السروج وقاع
شق يا ولدي بحر التيه بتتدردر وتتودر
ولامن يوم على تايتتا ديك ترسى
نعزك بالقبيل داخرينو ليك
الشوق بحر يا ولدي بحراً تيه
قلت ليك العليهو أدرابو لا تنغش ولا ترضابو لا تنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعة ترمي الدمعة فوق دربك
روح يابا ... وأبق قفاك لا تعاين ولا تعاين على موطاك
ولا تندم على خطوا تملي مشيتو لي قدام
وأبقى العاتي زي سنطتنا زي صبراً نلوك فوق مرو زي الزاد
لا شيتاً نزل في الجوف ولا برجع وبنزاد
وأركز للبجيبها الريح تقيف إنت ويشيلها الريح
وأبقى العاتي والدرب الوراك مسدود وشيل شيلتك
بقيت للنص .. لا حلماً بجيب البر ولا حدود
وإنبليتا أخت الرملة ما تقع البكان الهش
هي الممطـــــــورة ما بتبالــــــي من الرش؟؟؟
النعمة بتعرف عاطيها والجمرة بتحرق واطيها
بالكيلة عطانا وما لقينا فوق جمر خطانا وما لقينا
يوم الوعد ... يا حليوة فيك الدنيا ماكانت شروق
إلا الأرض متكشفة متبلمة نعمنو من خير الخريف
لافحالها شال منطرحة خضراً وفرحة دروب تتشابى لي عين الشمس
من بت حليوه النفس بيضا كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوقا مواجع ولا بالحيل قريب
الروح مشحتفة في الحبيب القلب بكر الدنيا ما شافت جديدو
ولا الحـــــــــــــــــزن دقالو بـــــــــاب.....
وشفتي كيف يوم الوعد كيفنو مترامي الغمام
والقمري زغرد للبلوم والنسمة هبت مرتين
يا حليوة يوم دقيت بأرضك فأس خصيب
والتانية في يوم الوعد والأيد تسالم في الأيدين...
والأم تقالد فوق جناها تشمـــــــــو زين.....
وحليوة صاحية وحليوة ضاحية كذا النسيم
والدنيا غيم وحليوة جد جد يا ولد قول للبلد
قايل غناوي الحزن ليش
شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملأ الأيدين فرح تهش
لو صحيح غنينا بالدمعة الحميمة
ولو دموع الفرحة ما لاقت غنانا
بكرة نرجع تاني للكلمة الرحيمة شان هنانا شان منانا
شان عيون أطفالنا ما تضوق الهزيمــــــــــــــــة

هههههههههههههه عداك العيب
بس ( نحن أهل الفرحة جينا )
جيتو من وين :
لو كنتو مسافرين بشتكيك
ولو رحلتو بشتكيك
وكان فتو وجيتو برضو بشتكيك

[المسافر]

سافر بالسلامة

يا مسافر وناسي هواك
سفراً بالايد
الحبيب وين قالوا لي سافر
تخريمة : يالحبيب الزعلك منو يااااااااخ

مع اللفة :
ارحل اسوق خطوات من زولاً نسى الالفة
وابدل ريد بعد ريدك عشان امكن يكون اوفى

رحلت وجيت في بعدك ( يالمسافر) كل الارض منفى

لكن ما خليت ليك طفشان إلا جبت سيرتو
لكن مافي طريقة أشتكي مشرف وخصوصا
اليومين ديل ، كفاية علي الناطق الرسمي

[ود المطامير]

إنى أشم رائحة حنينك لغوانتانامو

أيها الرفيق ( أبوالدقيق )

[بت مارنجان]

قطع شك نويت علي الحبس ياللخو

[بت مارنجان]

إنى أشم رائحة حنينك لغوانتانامو

أيها الرفيق ( أبوالدقيق )

ههههههههههههههه
والله انت الوحيد الواعي فيهم يالارهابي

[بنت الرفاعي]

بعد ما روحت ال.......... وغطَّست حجرو

معلش أصلها يوم لك ويوم عليك.




بالمناسبة:
(لا تلوِّح للمسافر
المسافر راح
ولا تنادي المسافر
المسافر راح
القطار وفاتنا
والمسافر راح)
عاجباني من زمان!
(وأقول عاجباني لييه؟؟)
(حتشتكي كم مرَّة؟؟!!)

[ود المطامير]

ههههههههههههههه
والله انت الوحيد الواعي فيهم يالارهابي

شنو ليك عليك الله ؟ :d

[المسافر]

إنى أشم رائحة حنينك لغوانتانامو

أيها الرفيق ( أبوالدقيق )

بلاك ما عندو طعم
كنت منور غوانتامو

[المسافر]

قطع شك نويت علي الحبس ياللخو

بالمناسبة دي عملوا قسم خالص بالنساء ولسه ما في أي واحدة نزلت فيهو لغاية هسه

[المسافر]

ههههههههههههههه
والله انت الوحيد الواعي فيهم يالارهابي

هههههههههههههههههههههههههههه
بقى واعي ولا خبرة طويلة

[بت مارنجان]

شنو ليك عليك الله ؟ :d

هههههههههههههههه
خلاص صحبك دة وعيه معاك ماعندكم قهوة

[بنت الرفاعي]

بالمناسبة دي عملوا قسم خالص بالنساء ولسه ما في أي واحدة نزلت فيهو لغاية هسه

بس ما يكون ناوي تتسبب ليها؟؟!!

[بت مارنجان]

بالمناسبة دي عملوا قسم خالص بالنساء ولسه ما في أي واحدة نزلت فيهو لغاية هسه

لكن ماسمعت بالجديد فيهو ؟؟
قالو عايزين فئة واعمار محددة

[المسافر]

بعد ما روحت ال.......... وغطَّست حجرو

معلش أصلها يوم لك ويوم عليك.




بالمناسبة:
(لا تلوِّح للمسافر
المسافر راح
ولا تنادي المسافر
المسافر راح
القطار وفاتنا
والمسافر راح)
عاجباني من زمان!
(وأقول عاجباني لييه؟؟)
(حتشتكي كم مرَّة؟؟!!)

اشتكيك لي مين انا والمسامح ربنا

[نزار احمد كوارتي]

والله يا المسافر بي طريقتك دي
الزول تاني لمن يشوف تعليقاتك البي اللحمر دي
يقيف بعيييييد ويعمل شخيت باللحمر
ويقعد يحمر ليك

سؤال بالزقاق كده:-

البحمر ليك بتشتكيو؟؟

[ود المطامير]

بلاك ما عندو طعم
كنت منور غوانتامو

وإنت الدينمو المحرك

[ود المطامير]

هههههههههههههههه
خلاص صحبك دة وعيه معاك ماعندكم قهوة

قهوه توعّى مسافر مشاكل ومحن وكواراث ؟

[بت مارنجان]

البحمر ليك بتشتكيو؟؟

بطلع لي برة النفاج وبوريه ليه

[مدناوية]

دا صيوان ناس منو؟؟؟!!!

[مدناوية]

بس ما يكون ناوي تتسبب ليها؟؟!!

شكلو ناوي على كدا فعلن يا مرام باي إنقلش ...