حى الموظفين ذا الموقع المميز أصبح مطمعا و زادت قيمته كثيرا .. وبعد ما باعوا كل المتنزهات و ما فضل حاجة .. قاموا عاوزين يبيعوا حى الموظفين .. و لكين .. فى موظفين ساكنين ..
قاموا عرضوا على كل موظف يخلى البيت و يدوهوا 15 مليون بالقديم .. الناس لأنهم تعبانين و قربوا ينزلوا معاش و حيلتهم قليلة .. قاموا زى وافقوا على العرض ..
واحد شليق ساكن مع واحد من الموظفين .. قال ليهم 15 مليون شنو .. الناس ديل بايعين المتر الواحد بى مليون لى مستثمرين جدد .. انتوا ترفضوا عشان يرفعوا ليكم السعر ..
الجماعة رفضوا .. و طالبوا المسئول بزيادة السعر ..
ما عدى عليهم أسبوع .. يوم الأحد من الصباح لقوا ليك خطابات نقلهم خارج المدينة الى الأرياف !!
رجعوا للمسئول قالوا ليهوا حقنا فى رقبتنا .. يا أخوى نحن موافقين على ال15 مليون ..
قال ليهم السماء ده قريب .. تنفذوا النقلية .. و كل واحد ياخد بيت فى الأقاليم حسب التزام الدولة ..
رجعوا محسورين .. جاهم واحد ( تفتيحة ) قال ليهم أنا بجيب ليكم التعويض لكن باخد من كل واحد 2 مليون ..
لأنهم غلبانين حيلة .. تانى وافقوا ..
يوم الأحد زى يوم خطاب النقلية . جاب ليهم ال13 مليون ..
شفتوا الفهلوة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رد مع اقتباس
المفضلات